Wahyu 12:9 - Perjanjian Baru Bahasa Melayu Maluku Utara

⁹ Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.

Wahyu 12:9 ပူးပေါင်းရင်းမြစ်များ

Matius 13:39

Kong musu yang ambur bibit kusu-kusu itu, Iblis. Turus, waktu bapete itu, hari kiamat, hari yang Tuhan mo adili pa samua orang. Kong orang-orang yang bapete itu, itu malaekat-malaekat yang turung dari sorga.

Matius 24:24

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa yang hebat, supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Matius 25:41

Turus, Dia mo babilang pa orang-orang yang ada pa Dia pe sabla kiri bagini, ‘Bajao suda dari sini ngoni orang-orang yang Tuhan so kutuk, kong ka sana suda maso di api yang tara mati-mati itu, yang so kase sadia untuk Iblis deng dia pe ana-ana bua.

Matius 4:1

Abis itu, Roh Kudus bawa pa Yesus di padang gurun, tampa yang jao dari kampong, supaya Iblis, setang-setang pe raja goda pa Dia.

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Matius 4:5

Abis itu, Iblis bawa pa Yesus di kota Yerusalem, kota yang suci itu. Di situ, dia taru pa Yesus di tampa yang paling tinggi di atas Ruma Ibada Pusat.

Matius 4:8

Turus Iblis bawa lagi pa Yesus di atas gunung satu yang tinggi skali. Dia kase lia pa Yesus samua kerajaan di dunia deng kerajaan-kerajaan itu pe kekayaan.

Lukas 10:18

Yesus bilang pa dorang, “Iyo, butul. Kita so lia Iblis, setang-setang pe raja dapa buang dari langit, dia jatu capat sama deng kilat.

Lukas 13:16

Ibu ini Abraham pe turunan sama deng ngoni. Dia so delapan blas taong Iblis kuasai. Jadi, tara sala suda kalu Kita kase lapas pa dia dari Iblis pe kuasa, biar ini hari Sabat.”

Lukas 22:3

Ada satu dari Yesus pe dua blas murit, dia pe nama Yudas Iskariot. Waktu itu, Iblis maso pa Yudas pe hati,

Lukas 22:31

Yesus bilang pa Simon Petrus, “Simon, Simon, coba ngana dengar! Iblis so minta ijin pa Tuhan Allah la mo goda pa ngoni supaya ngoni tara percaya pa Kita lagi. Itu bole kase sama deng orang tapis gandum kase pisa dari dia pe kuli.

Lukas 8:12

Bibit yang jatu di jalang, itu sama deng orang-orang yang so dengar Tuhan Allah pe firman kong Iblis datang ambe firman itu dari dong pe hati supaya jang dong percaya kong slamat dari dosa-dosa.

Yohanes 12:31

Skarang ini Tuhan Allah mo adili pa orang-orang yang ada di dunia ini, kong Iblis, setang-setang pe raja yang ada kuasa di dunia ini me Tuhan Allah mo kase kala.

Yohanes 14:30

Kita so tara bicara banya lagi deng ngoni, karna Iblis, setang-setang pe raja mo datang. Iblis berkuasa di dunia ini, tapi dia tara berkuasa untuk ator pa Kita.

Yohanes 16:11

Kong ketiga, Dia lagi mo kase sadar pa dorang, Tuhan Allah pasti mo hukum pa orang-orang yang biking dosa, karna Iblis, setang-setang pe raja yang berkuasa di dunia ini so dapa hukuman.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

Roma 16:20

Tuhan Allah yang biking torang pe hati tetap tenang, jadi kita minta supaya Dia capat-capat mo kase ancor pa Iblis, setang-setang pe raja, kong Iblis itu mo tundu pa ngoni. Deng Kita minta pa Yesus, torang pe Tuhan supaya kase Dia pe bae pa ngoni turus.

2 Korintus 11:14

Jang ngoni herang suda deng orang yang macam bagitu. Barang, Iblis, setang-setang pe raja saja biking diri sama deng malaekat yang hati bae deng bawa tarang.

2 Korintus 11:3

Tapi kita tako jang sampe ada yang pengaru pa ngoni deng dong pe ajaran yang sala sampe ngoni so tara percaya lagi pa Yesus Kristus deng hati yang sunggu-sunggu. Itu sama deng Hawa dulu yang dapa tipu dari ular sampe malawang Tuhan Allah pe parenta karna ular pe putar bale itu.

2 Korintus 12:7

Jadi supaya kita tara jadi sombong deng penglihatan-penglihatan yang hebat itu, Tuhan Allah kase biar setang, Iblis pe ana bua kase sengsara pa kita deng panyake satu. Panyake itu bole kase sama deng duri yang tabiar pa kita pe dalam badan, kong panyake itu biking kita menderita supaya kita jang jadi sombong.

2 Korintus 2:11

Torang musti kase ampun pa orang yang biking sala itu supaya Iblis tara dapa kesempatan untuk tipu pa torang, karna torang tau dia pe rencana jahat macam itu.

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

2 Tesalonika 2:3

Jang kase biar sampe orang kase foya pa ngoni deng cara apa saja! Barang, sebelum Tuhan Yesus datang ulang, ini yang musti mo jadi kamuka: banya skali orang akan malawang pa Tuhan, deng orang yang paling jahat akan datang. Orang yang paling jahat itu yang nanti waktu kiamat, mo tapisa deng Tuhan Allah slama-lamanya.

1 Timotius 2:14

Deng, bukang Adam yang dapa tipu dari Iblis, tapi Hawa yang dapa tipu sampe dia berdosa.

2 Timotius 3:13

Tapi orang yang jahat deng yang tukang tipu, dorang itu lebe hari lebe tamba jahat. Dorang tipu pa orang-orang kong orang laeng me tipu pa dorang.

Ibrani 2:14

Ana-ana yang Yesus bilang itu, dorang itu cuma manusia biasa saja. Yesus datang di dunia jadi manusia supaya jadi sama deng dorang. Kong karna Dia jadi manusia, Dia bisa mati. Deng karna Dia mati itu, Dia kase kala pa Iblis, setang-setang pe raja yang ada kuasa biking orang mati.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.

Yudas 1:9

Padahal, Mikhael yang jadi pemimpin malaekat di sorga me tara barani sama deng dorang. Waktu dia baku malawang deng Iblis tentang Musa pe mayat, Mikhael tara bicara yang tara bae untuk kase sala pa Iblis, setang-setang pe raja itu. Tapi dia cuma bilang bagini, “Biar suda, nanti Tuhan Allah yang togor pa ngana!”

Wahyu 12:12

Jadi sanang suda ngoni samua yang tinggal di sorga! Tapi kasiang samua orang yang hidup di bumi deng di laut. Iblis so turung pa ngoni deng dia mara skali, karna dia tau, dia pe waktu biking jahat di dunia ini tara lama lagi mo abis.”

Wahyu 12:3

Turus kita dapa lia tanda satu lagi di langit: ada naga basar satu warna mera. Naga itu pe kapala tuju, deng dia pe tandu spulu. Masing-masing di dia pe kapala itu ada makota.

Wahyu 12:7

Abis itu, kita lia ada prang di sorga. Mikhael deng dia pe malaekat-malaekat baku prang deng naga deng malaekat-malaekat laeng yang so jadi naga itu pe ana bua.

Wahyu 12:8

Tapi naga deng dia pe ana-ana bua itu kala dalam prang, jadi dorang so tara bole tinggal lagi di sorga. Dorang dapa user dari sorga.

Wahyu 13:14

Dia biking tanda-tanda itu di binatang pertama pe muka, sampe dia kase sesat orang-orang di bumi. Dia me suru dorang biking patong satu sama deng binatang yang pertama, binatang yang ada luka barát tapi so sembu itu.

Wahyu 16:14

Itu suda tiga setang yang jaga biking mujizat yang biking orang herang. Dorang pigi cari pa raja-raja di seluru dunia, kong kumpul pa dorang la baku prang lawan pa Tuhan Allah Yang Paling Berkuasa. Prang itu nanti jadi di hari basar, hari yang Tuhan Allah Yang Paling Berkuasa so tentukan mo kase kala Dia pe musu-musu.

Wahyu 18:2

Malaekat itu bicara deng suara kuat bagini, “Ancor, so ancor, kota Babel yang basar itu so mo ancor. Kota itu mo jadi tampa tinggal setang-setang deng roh-roh jahat. Kota itu me so mo jadi tampa tinggal burung-burung tukang makang bangke deng binatang-binatang yang orang-orang binci.

Wahyu 18:23

So tarada lagi cahaya lampu di kota itu, deng so tara dengar orang yang biking pesta kawing lagi di situ. Barang, dulu orang-orang yang bajual di kota itu paling terkenal, kong dorang itu ada pake tiop-tiop la kase pengaru pa samua suku bangsa di dunia supaya iko pa dorang.

Wahyu 19:20

Tapi, Dia deng Dia pe tentara-tentara langsung tangka pa binatang jahat itu deng tangka pa binatang jahat itu pe nabi palsu. Nabi palsu itu yang perna biking tanda-tanda yang biking orang herang, pake binatang itu pe kuasa. Dia biking tanda-tanda itu la biking sesat pa orang-orang yang so tarima cap dari binatang jahat itu, deng yang so semba pa binatang jahat itu pe patong. Binatang jahat deng nabi palsu itu dapa buang hidup-hidup di api belerang yang luas skali.

Wahyu 2:13

Kita tau ngoni pe tampa tinggal. Ngoni tinggal di kota Pergamus, memang kota yang Iblis, setang-setang pe raja pe tampa berkuasa. Tapi biar bagitu, ngoni percaya turus pa Kita. Tempo hari, ada orang yang dia pe nama Antipas, Kita pe saksi yang setia, dia kase tau Tuhan Allah pe pasáng, kong dong bunu pa dia. Tapi biar dorang bunu pa dia di ngoni pe tenga-tenga, ngoni percaya turus pa Kita, ngoni tara manyangkal pa Kita.

Wahyu 2:24

Tapi ada babarapa orang Tiatira itu yang tara iko Izebel pe ajaran yang sesat itu deng yang tara balajar ajaran yang orang sebut ‘ajaran tentang Iblis, setang-setang pe raja’. Kita bilang pa ngoni, Kita tara usa tamba ngoni pe tugas laeng lagi.

Wahyu 2:9

Kita tau ngoni so dapa siksa, baru ngoni miskin lagi. Tapi Tuhan lia ngoni kaya karna ngoni percaya butul-butul pa Tuhan. Kita tau lagi tentang orang-orang Yahudi yang bilang kata, dorang Tuhan Allah pe umat yang Dia pili, padahal dorang pe kalakuang tara iko Tuhan Allah pe mau. Dorang bicara tara bae tentang ngoni. Dorang itu sama deng jemaat yang semba pa Iblis, setang-setang pe raja.

Wahyu 20:10

Turus, Iblis yang kase sesat pa orang-orang itu dapa lempar di api belerang yang luas skali. Binatang jahat deng nabi palsu so dapa buang kamuka di situ. Kong dorang samua dapa siksa siang deng malam sampe slama-lamanya.

Wahyu 20:8

Bagitu Iblis so bebas, dia mo pigi kase sesat pa orang-orang dari samua suku bangsa di dunia ini yang ada di mana-mana. Suku-suku bangsa itu yang dong sebut Gog deng Magog. Iblis mo kumpul pa dorang la baku prang. Dorang itu banya skali sama deng paser di pante.

Wahyu 3:9

Dengar bae-bae! Ada orang yang bilang kata, dorang itu Kita pe umat Yahudi, padahal dong cuma bafoya. Dorang tara iko pa Kita butul-butul, tapi dong lebe suka iko Iblis pe mau. Nanti Kita mo biking dong datang berlutut di ngoni pe kaki deng mangaku butul-butul Kita memang sayang pa ngoni.

Wahyu 9:1

Abis itu, malaekat yang kelima tiop dia pe trompet. Kong kita lia bintang satu jatu dari langit di bumi. Turus ada yang kase pa bintang itu kunci untuk buka tampa maso di jurang maut. Tampa itu tampa untuk tahang setang-setang.

Wahyu 9:20

Tapi manusia yang laeng, yang tara mati deng cilaka-cilaka itu, dorang tetap tara mau bertobat dari dong pe kajahatan. Dorang tara berenti semba pa setang-setang deng pa dong pe puji-puji dari mas, perak, tembaga, batu deng kayu. Padahal samua puji-puji itu tara bisa lia, tara bisa dengar deng tara bisa bajalang.