Wahyu 12:10 - Perjanjian Baru Bahasa Melayu Maluku Utara

¹⁰ Abis itu, kita dapa dengar suara yang kuat skali dari sorga bilang bagini, “Iblis itu yang dulu siang malam lapor pa Tuhan Allah pe muka tentang torang pe sudara-sudara yang percaya pa Tuhan. Tapi skarang dia so dapa buang dari sorga. Jadi so sampe dia pe waktu Tuhan Allah mo kase slamat Dia pe umat. Dia kase tunju Dia pe kuasa, Dia mo Berkuasa sebagai Raja pa dorang pe hidup. Deng skarang lagi so dia pe waktu untuk Yesus Kristus, Raja yang Tuhan Allah pili, kase tunju Dia pe kuasa di dunia.

Wahyu 12:10 ပူးပေါင်းရင်းမြစ်များ

Matius 26:64

Turus Yesus jawab, “Bapa sandiri so bilang bagitu. Tapi Kita bilang pa ngoni, nanti ngoni mo lia Anak Manusia yang dari sorga dudu di tampa yang terhormat pa Tuhan Allah Yang Paling Berkuasa pe sabla kanan, kong datang di atas awan-awan di langit.”

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Matius 6:10

Torang minta Bapa datang la Berkuasa sebagai Raja pa torang pe hidup. Deng biar samua Bapa pe mau jadi di dunia ini, sama deng yang so jadi di sorga.

Lukas 11:2

Kong Yesus bilang pa dorang, “Kalu ngoni berdoa, ngoni berdoa bagini: ‘Bapa, samua puji deng hormat pa Bapa, karna Bapa itu kudus. Torang minta Bapa datang la Berkuasa sebagai Raja pa torang pe hidup.

Lukas 22:31

Yesus bilang pa Simon Petrus, “Simon, Simon, coba ngana dengar! Iblis so minta ijin pa Tuhan Allah la mo goda pa ngoni supaya ngoni tara percaya pa Kita lagi. Itu bole kase sama deng orang tapis gandum kase pisa dari dia pe kuli.

1 Korintus 5:4

Waktu ngoni orang-orang yang percaya pa Tuhan Yesus bakumpul, kita pe hati lagi ada sama-sama deng ngoni di situ. Jadi deng torang pe Tuhan Yesus pe kuasa, kita minta pa ngoni,

2 Korintus 12:9

Tapi Dia bilang pa kita bagini, “Kita tara kase sembu pa ngana, tapi Kita akan tetap kase tunju Kita pe bae pa ngana. Itu so cukup. Karna waktu ngana rasa tara kuat, di situ Kita pe kuasa akan bakarja sempurna pa ngana pe hidup.” Jadi karna itu, kita lebe suka puji diri untuk bilang apa-apa yang kita tara mampo biking, karna waktu kita tara kuat, Yesus Kristus pe kuasa ada sama-sama deng kita.

Titus 2:3

Bagitu lagi deng parampuang-parampuang yang so tua, ngana kase ajar pa dorang supaya dorang pe cara hidup iko Tuhan Allah pe mau. Dorang tara bole biking busu orang pe nama, deng tara bole jadi pangmabo. Dorang musti kase ajar yang bae pa orang-orang.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

Wahyu 11:15

Malaekat yang ketuju tiop dia pe trompet, turus kita dengar banya suara yang kuat skali dari sorga bilang bagini, “Skarang yang berkuasa di dunia cuma torang pe Tuhan Allah deng Yesus Kristus, Raja yang Tuhan Allah pili untuk kase slamat pa manusia. Dia itu akan Berkuasa sebagai Raja sampe slama-lamanya.”

Wahyu 2:26

Sapa yang menang dari pengaru jahat, deng tetap biking apa yang Kita suru sampe dunia kiamat, Kita mo kase pa dia kuasa untuk berkuasa pa suku-suku bangsa.

Wahyu 7:10

Turus, deng suara kuat dorang bilang bagini, “Yang kase slamat pa torang, itu Tuhan Allah yang dudu di kursi raja, deng Anak Domba lagi.”