Wahyu 10:11 - Perjanjian Baru Bahasa Melayu Maluku Utara

¹¹ Abis itu, kita dengar ada suara yang parenta pa kita bagini, “Ngana musti kase tau pa orang-orang apa yang Tuhan Allah bilang mo jadi di dunia ini nanti. Ngana kase tau tentang apa yang mo jadi nanti pa banya bangsa, suku bangsa, bahasa, deng raja.”

Wahyu 10:11 ပူးပေါင်းရင်းမြစ်များ

Wahyu 10:10

Turus kita ambe kitab tagulung kacil itu dari malaekat itu pe tangan, kong kita makang kitab itu. Waktu kita taru kitab itu pa kita pe mulu, dapa rasa manis sama deng madu. Tapi bagitu kita talang, kita pe puru rasa tara sadap.

Wahyu 11:1

Abis itu, ada yang kase pa kita tongkat satu yang jaga pake baukur, kong parenta pa kita bagini, “Yohanes, pigi suda kong ka sana ukur Tuhan Allah pe Ruma Ibada Pusat deng tampa bakar korban persembahan. Ngana lagi hitung barapa orang yang basambayang di situ.

Wahyu 11:9

Orang-orang dari samua fam, suku bangsa, bangsa deng bahasa cuma haga-haga dorang dua pe mayat itu selama tiga hari stenga karna dorang tara kase ijin kubur dua mayat itu.

Wahyu 14:6

Abis itu, kita lia satu malaekat laeng lagi ada terbang di langit. Dia itu bawa pasáng dari Tuhan Allah yang tara beruba slama-lamanya. Dia mo kase tau pasáng itu pa orang-orang yang tinggal di bumi, pa orang-orang dari samua fam, samua suku, samua bahasa deng samua bangsa.

Wahyu 17:10

Tuju kapala itu pe arti, tuju raja. Lima dari dorang so bukang raja lagi. Satu sementara berkuasa jadi raja deng satu lagi nanti akan jadi raja. Tapi dia berkuasa tara lama.

Wahyu 17:12

Tandu spulu yang ngana so lia di binatang jahat itu me, spulu raja. Tapi dorang itu bolong punya kuasa. Nanti dorang akan dapa kuasa jadi raja selama satu jam sama-sama deng binatang jahat itu.

Wahyu 17:15

Turus malaekat itu bilang lagi pa kita, “Samua kali yang ngana so lia, tampa yang parampuang tara bae dudu itu, dia so kuasai. Kali-kali itu pe arti, samua orang deng kumpulan manusia, samua suku bangsa deng bahasa.

Wahyu 5:9

Kong dorang manyanyi puji pa Anak Domba itu deng lagu baru bagini: “Anak Domba ini yang pantas tarima kitab tagulung itu, deng yang pantas buka tuju segel yang talém di kitab itu. Barang, Anak Domba ini so perna dapa bunu, kong Dia pe dara so tatumpa untuk hapus orang-orang pe dosa dari tiap fam, suku, bahasa deng bangsa supaya dorang jadi Dia pe umat.