Wahyu 1:8 - Perjanjian Baru Bahasa Melayu Maluku Utara

⁸ Tuhan Allah bilang bagini, “Kita ini, Alfa deng Omega, yang pe arti, mulai dari pertama dunia ini bolong ada, Kita so ada, kong Kita so ada skarang, deng sampe dunia abis, Kita tetap ada. Kita Yang Paling Berkuasa.”

Wahyu 1:8 ပူးပေါင်းရင်းမြစ်များ

2 Korintus 6:18

Kita akan jadi ngoni pe Bapa, deng ngoni lagi mo jadi Kita pe ana-ana laki-laki deng Kita pe ana-ana parampuang.” Itu yang Tuhan Allah bilang di Kitab Suci. Dia itu yang Paling Berkuasa.

Wahyu 1:11

Suara itu bilang pa kita bagini, “Yohanes, tulis suda samua yang Kita mo kase tunju pa ngana ini di satu kitab, kong kirim di tuju jemaat ini: jemaat di kota Efesus, kota Smirna, kota Pergamus, kota Tiatira, kota Sardis, kota Filadelfia deng di kota Laodikia.”

Wahyu 1:17

Waktu kita lia pa Dia, kita jatu di tana pas pa Dia pe kaki, sama deng orang mati. Tapi Dia taru Dia pe tangan kanan pa kita deng bilang bagini, “Yohanes, jang ngana tako! Kita ini so ada dari pertama waktu dunia bolong ada, deng tetap ada lagi sampe ahir jaman.

Wahyu 1:4

Salam untuk ngoni sudara-sudara di tuju jemaat yang ada di daera Asia Kecil. Surat ini dari kita Yohanes. Tuhan Allah yang so ada dari dulu sebelum dunia ini ada, sampe skarang, deng yang mo datang ulang sampe slama-lamanya. Kita minta pa Dia supaya Dia kase Dia pe bae pa ngoni deng salalu biking ngoni pe hati tetap tenang. Kita minta itu lagi pa tuju roh yang puji deng layani pa Dia di Dia pe kursi raja di sorga,

Wahyu 11:17

Dorang bilang, “Puji sukur pa Tuhan Allah Yang Paling Berkuasa! Dia yang ada dari dulu sampe skarang. Torang bilang tarimakasi banya karna Dia pe kuasa basar, deng karna Dia so mulai berkuasa sebagai Raja.

Wahyu 15:3

Dorang manyanyi nabi Musa pe lagu, nabi Musa itu yang jaga biking apa yang Tuhan Allah suru. Lagu itu me Anak Domba pe lagu. Lagu itu pe babunyi bagini, “Ya Tuhan, Tuhan Allah Yang Paling Berkuasa. Tuhan yang biking hal-hal yang luar biasa sampe orang herang. Oo, Tuhan, samua suku pe Raja. Samua yang Tuhan biking itu butul deng adil.

Wahyu 16:14

Itu suda tiga setang yang jaga biking mujizat yang biking orang herang. Dorang pigi cari pa raja-raja di seluru dunia, kong kumpul pa dorang la baku prang lawan pa Tuhan Allah Yang Paling Berkuasa. Prang itu nanti jadi di hari basar, hari yang Tuhan Allah Yang Paling Berkuasa so tentukan mo kase kala Dia pe musu-musu.

Wahyu 16:7

Kong kita dengar suara dari tampa bakar korban persembahan, bilang bagini, “Ya Tuhan, Tuhan Allah Yang Paling Berkuasa. Hukuman yang Tuhan kase itu samua adil deng butul!”

Wahyu 19:15

Ada parang satu yang tajam kaluar dari Dia pe mulu. Deng parang tajam itu Dia akan kase kala suku-suku bangsa di bumi, kong Dia berkuasa pa dorang deng karas skali, sama deng besi pe karas. Dia akan kase tunju Tuhan Allah Yang Paling Berkuasa pe mara, sama deng orang injang-injang anggur la kase kaluar dia pe aer.

Wahyu 19:6

Turus kita dengar banya orang pe suara. Suara itu kuat skali, sama deng aer terjun basar pe babunyi deng sama deng guntur pe babunyi. Suara itu bilang bagini, “Haleluya, puji pa Tuhan Allah! Barang, Tuhan itu torang pe Tuhan Allah Yang Paling Berkuasa, kong Dia suda yang jadi Raja skarang.”

Wahyu 2:8

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Smirna. Ngana tulis bagini: Ini pasáng dari Yang Pertama deng Yang Ahir, yang so perna mati, kong so hidup ulang:

Wahyu 21:22

Tapi kita tara lia ruma ibada di dalam kota itu. Barang, ruma ibada itu, itu Tuhan Allah suda, Tuhan Allah Yang Paling Berkuasa, deng itu lagi Anak Domba.

Wahyu 21:6

Dia bilang lagi pa kita, “Samua itu so selesai. Kita ini Alfa deng Omega, yang pe arti, mulai dari pertama dunia ini bolong ada, Kita so ada, deng sampe dunia abis, Kita tetap ada. Sapa yang aus, Kita mo kase aer minum deng cuma-cuma pa dia. Aer itu dari mata aer yang biking orang hidup deng Tuhan Allah slama-lamanya.

Wahyu 22:13

Kita ini Alfa deng Omega, yang pe arti, mulai dari pertama dunia ini bolong ada, Kita so ada, deng sampe dunia abis, Kita tetap ada.”

Wahyu 4:8

Ampa binatang itu masing-masing pe sayap ada anam. Di sayap-sayap itu, dia pe bagian luar deng dalam ponong deng mata. Siang deng malam binatang-binatang itu tara perna berenti babilang bagini, “Suci, suci, Tuhan Allah itu paling suci suda! Dia Yang Paling Berkuasa. Dia yang dari dulu ada, yang skarang ada, deng yang nanti akan datang untuk slama-lamanya.”