Wahyu 1:5 - Perjanjian Baru Bahasa Melayu Maluku Utara

⁵ deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.

Wahyu 1:5 ပူးပေါင်းရင်းမြစ်များ

Matius 20:28

Itu sama deng Anak Manusia yang dari sorga datang di dunia ini bukang untuk dapa layani, tapi untuk layani deng kase diri mati la tebus orang banya pe dosa.”

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Yohanes 13:34

Skarang, Kita mo kase parenta yang baru pa ngoni, bagini: ngoni ini musti baku sayang. Ngoni musti baku sayang sama deng Kita so sayang pa ngoni.

Yohanes 15:9

Yesus bilang lagi, “Kita sayang pa ngoni, sama deng Kita pe Bapa sayang pa Kita. Jadi, ngoni hidup satu hati turus suda deng Kita, supaya ngoni bole rasa Kita pe sayang itu.

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Yohanes 3:11

Inga bae-bae yang Kita mo bilang ini, Kita deng orang yang iko pa Kita, kase tau tentang apa yang torang so lia deng yang torang tau butul, tapi ngoni tara mo percaya.

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.

Yohanes 3:32

Dia kase tau tentang apa yang Dia ada lia deng yang Dia ada dengar, tapi tara ada orang yang percaya deng apa yang Dia kase tau itu.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 26:23

Dorang so kase tau tentang Mesias, Raja yang Tuhan Allah janji mo kase slamat pa manusia. Dorang bilang, Dia musti tanggung siksa banya kong mati, tapi Dia itu yang pertama akan hidup ulang supaya Dia bole kase tau Kabar Bae pa orang Yahudi deng pa orang yang bukang Yahudi la dorang bisa dapa slamat. Itu sama deng Dia kase tarang di dorang pe hati.”

Roma 3:25

Tuhan Allah utus pa Kristus Yesus di dunia ini supaya Dia mati kong Dia pe dara tatumpa di kayu salib. Tuhan Allah biking bagitu supaya Yesus dapa hukuman yang sebenarnya musti manusia yang dapa, kong deng bagitu Dia kase ampun manusia pe dosa asal dorang percaya pa Yesus. Waktu Yesus bolong mati, Tuhan Allah masi sabar deng manusia yang biking dosa. Tapi kalu Dia tara perna hukum orang yang berdosa, Dia tara adil. Jadi deng Yesus mati di kayu salib, Tuhan Allah kase tunju, Dia itu adil.

Roma 8:37

Tapi, biar torang mo dapa samua susa itu, itu tara akan bisa kase kala pa torang, mala torang lebe tamba menang karna Yesus Kristus sayang deng tolong pa torang.

1 Korintus 6:11

Deng ada babarapa dari ngoni yang dulu pe kalakuang tara bae bagitu. Tapi skarang so tarada, karna Tuhan Allah so kase bersi pa ngoni dari dosa. Tuhan Allah so biking ngoni jadi Dia pe umat sandiri deng biking ngoni jadi orang yang tara sala pa Dia pe muka. Tuhan Allah biking samua itu karna Tuhan Yesus Kristus so mati untuk kase slamat pa torang, deng karna Roh dari torang pe Tuhan Allah bakarja di ngoni pe hati.

Galatia 2:20

Jadi, skarang kita hidup tara iko kita pe kekuatan sandiri lagi, tapi Yesus Kristus yang hidup deng berkuasa pa kita pe diri. Kong selama kita hidup di dunia skarang ini, kita hidup cuma deng percaya saja pa Anak Allah. Dia yang so sayang pa kita deng yang so serakan Dia pe diri mati untuk kita.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

1 Timotius 6:13

Timotius, kita suru pa ngana skarang pa Tuhan Allah pe muka, Dia itu yang biking samua jadi hidup, deng pa Kristus Yesus pe muka, Dia itu yang barani basaksi barang yang butul pa gubernur Pontius Pilatus pe muka. Kita suru pa ngana,

1 Timotius 6:15

Tuhan Allah sandiri yang tentukan tempo apa Tuhan Yesus mo datang lagi. Cuma Tuhan Allah saja yang berkuasa, jadi pantas torang puji. Dia itu Raja dari samua raja, deng Tuhan dari samua tuhan.

Ibrani 10:29

Orang yang tara iko lima kitab Musa saja dapa hukuman barát bagitu, apalagi orang yang so pandang enteng pa Anak Allah, dia pasti dapa hukuman yang lebe barát lagi karna dia so tolak pa Yesus Kristus. Dia sama deng so injang-injang pa Anak Allah, deng anggap Yesus Kristus pe dara tara arti apa-apa. Padahal, Yesus Kristus pe dara so tatumpa untuk biking janji yang baru antara manusia deng Tuhan Allah, kong dara itu lagi yang biking orang itu jadi Tuhan Allah pe umat yang bersi dari dosa. Jadi orang yang pandang enteng itu so hina pa Roh Kudus, padahal Roh Kudus itu yang Tuhan Allah kase pa torang cuma karna Dia pe bae pa torang.

Ibrani 9:14

Jadi kalu dara deng abu binatang saja bisa kase bersi orang pe dosa-dosa, apalagi deng Yesus Kristus pe dara! Yesus Kristus so kase Dia pe diri sandiri pa Tuhan Allah jadi korban persembahan yang sempurna. Yesus Kristus jadi korban yang sempurna, barang Roh Kudus yang ada turus sampe slama-lamanya itu yang biking Dia mampo kase Dia pe diri bagitu. Dia pe dara itu yang kase bersi torang pe hati dari hal-hal yang tarada dia pe guna, supaya torang bole semba pa Tuhan Allah yang hidup.

1 Petrus 1:19

tapi Dia bayar mahal pake Yesus Kristus pe dara yang berharga skali. Yesus itu sama deng domba pe ana yang tara cacat, deng yang tara kurang apa-apa, untuk mo jadi korban persembahan.

1 Yohanes 1:7

Tapi kalu torang hidup di tarang, sama deng Tuhan Allah ada di tarang, pasti torang so hidup satu hati satu deng yang laeng. Dia kase bersi pa torang dari torang pe dosa samua, karna Yesus, Dia pe Anak so mati di kayu salib.

1 Yohanes 4:10

Sayang yang butul itu, bukang torang yang sayang pa Tuhan Allah, tapi Tuhan Allah yang sayang pa torang, sampe Dia utus Dia pe Ana untuk jadi korban supaya torang dapa ampun dari torang pe dosa-dosa.

Wahyu 11:15

Malaekat yang ketuju tiop dia pe trompet, turus kita dengar banya suara yang kuat skali dari sorga bilang bagini, “Skarang yang berkuasa di dunia cuma torang pe Tuhan Allah deng Yesus Kristus, Raja yang Tuhan Allah pili untuk kase slamat pa manusia. Dia itu akan Berkuasa sebagai Raja sampe slama-lamanya.”

Wahyu 11:3

Kita akan utus dua orang untuk jadi Kita pe saksi, supaya dorang mo kase tau Kita pe pasáng tentang apa yang akan jadi nanti. Dorang mo kase tau pasáng itu pa orang-orang selama saribu dua ratus anam pulu ribu hari. Dorang akan pake baju duka karna sedi deng apa yang mo jadi di kota itu.”

Wahyu 17:14

Dorang mo baku prang deng Anak Domba. Tapi Anak Domba itu sama-sama deng Dia pe umat mo kase kala pa dorang, karna Anak Domba itu, Tuhan dari samua tuhan, deng Raja dari samua raja. Kong orang-orang yang sama-sama deng Anak Domba, dorang itu yang Tuhan so pangge, so pili deng yang setia pa Dia.”

Wahyu 19:11

Abis itu kita lia sorga tabuka, kong kage ada kuda puti satu di situ. Turus di kuda itu ada yang dudu, Dia pe nama ‘Yang setia deng Yang butul’. Dia itu adil waktu adili, deng waktu baku prang.

Wahyu 19:16

Di Dia pe juba deng Dia pe paha ada tatulis nama, ‘Raja dari samua raja, deng Tuhan dari samua tuhan’.

Wahyu 2:13

Kita tau ngoni pe tampa tinggal. Ngoni tinggal di kota Pergamus, memang kota yang Iblis, setang-setang pe raja pe tampa berkuasa. Tapi biar bagitu, ngoni percaya turus pa Kita. Tempo hari, ada orang yang dia pe nama Antipas, Kita pe saksi yang setia, dia kase tau Tuhan Allah pe pasáng, kong dong bunu pa dia. Tapi biar dorang bunu pa dia di ngoni pe tenga-tenga, ngoni percaya turus pa Kita, ngoni tara manyangkal pa Kita.

Wahyu 3:14

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Laodikia. Ngana tulis bagini: Ini pasáng dari yang pe nama Amin, yang pe arti, Yang Butul, deng yang setia kase tau samua tentang Tuhan Allah, deng samua yang Dia bilang itu butul. Kong Tuhan Allah pake pa Dia untuk biking samua-samua yang ada di dunia ini:

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.