Wahyu 1:3 - Perjanjian Baru Bahasa Melayu Maluku Utara

³ Orang yang baca apa yang so tatulis ini, dia itu paling sanang skali. Bagitu lagi deng orang-orang yang dengar kong biking apa yang tatulis ini. Dorang itu paling sanang skali, karna samua ini so tara lama mo jadi.

Wahyu 1:3 ပူးပေါင်းရင်းမြစ်များ

Matius 24:15

Yesus bilang lagi, “Nanti ada satu orang yang paling malawang pa Tuhan Allah mo datang. Orang itu mo badiri di tampa yang kudus di dalam Ruma Ibada Pusat, sama deng yang Tuhan Allah so perna bilang pa nabi Daniel dulu. (Sapa yang baca ini, perhatikan bae-bae la bole mangarti dia pe arti!)

Lukas 11:28

Tapi Yesus bilang pa dia, “Lebe sanang lagi orang yang suka badengar Tuhan Allah pe firman kong iko itu!”

Roma 13:11

Ngoni tau Tuhan pe waktu mo datang ulang so tara lama, jadi skarang dia pe waktu ngoni biking suda apa yang kita so bilang tadi, itu sama deng ngoni bangun tidor kong biking apa yang kita so bilang itu. Karna skarang ini Tuhan pe waktu mo kase slamat pa torang so lebe dekat, tara sama deng dulu waktu torang baru pertama jadi percaya.

Roma 13:12

Torang pe waktu untuk hidup di dunia ini so mo abis karna so tara lama lagi Tuhan mo datang. Itu sama deng so lewat tenga malam kong so mo amper siang. Karna itu, mari suda torang berenti biking barang yang jahat, yang biasa orang yang hidup di galap jaga biking. Deng mari suda torang kase siap tong pe diri untuk lawan samua yang tara bae, sama deng torang ada pake senjata.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

2 Petrus 3:8

Sudara-sudara yang kita sayang, ada satu hal yang ngoni musti inga: Tuhan Allah pe cara hitung, beda deng torang. Dia hitung, satu hari sama deng saribu taong atau saribu taong sama deng satu hari.

Wahyu 22:10

Turus dia bilang lagi pa kita, “Samua kata-kata yang tatulis dalam kitab ini, Tuhan Allah pe pasáng yang akan jadi nanti. Jadi jang ngana kase sambunyi, karna samua yang so tatulis ini tara lama mo jadi.

Wahyu 22:12

Abis itu Yesus bilang, “Inga bae-bae! So tara lama lagi Kita akan datang ulang di dunia ini. Kita datang untuk balas pa orang-orang iko deng apa yang dorang biking.

Wahyu 22:20

Yesus yang so kase tau pa kita tentang samua pasáng itu, Dia bilang bagini, “Butul, so tara lama lagi Kita akan datang!” Karna itu kita bilang, “Amin. Datang suda Tuhan Yesus!”

Wahyu 3:11

So tara lama lagi Kita mo datang. Jadi jaga turus ngoni pe percaya pa Tuhan Allah supaya hadia makota yang Dia mo kase pa ngoni itu tarada orang yang mo rampas.