Roma 9:7 - Perjanjian Baru Bahasa Melayu Maluku Utara

⁷ Deng, tara samua Abraham pe turunan yang akan jadi Tuhan Allah pe ana-ana kong mo dapa Dia pe janji. Conto, Tuhan Allah so perna bilang pa Abraham bagini, “Cuma ngana pe turunan yang dari ngana pe ana Ishak saja, yang akan dapa Kita pe janji.”

Roma 9:7 ပူးပေါင်းရင်းမြစ်များ

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Lukas 16:30

Kong orang kaya itu bilang bagini, ‘Itu bolong cukup, bapa Abraham. Musti ada satu dari orang mati yang hidup ulang kong pigi kase tau pa dorang la dorang bertobat.’

Lukas 3:8

Kalu ngoni butul so bertobat, ngoni musti biking hal yang bae turus supaya ada bukti ngoni itu so bertobat. Itu sama deng pohong yang subur, dia pe bua me bagus-bagus. Jang ngoni pikir ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Yohanes 8:33

Kong dorang bilang pa Dia, “Torang ini Abraham pe turunan, kong torang tara perna jadi orang karja yang taika deng dia pe tuang. Jadi bagimana kong Bapa bilang, torang ini mo bebas?”

Galatia 4:23

Ana yang lahir dari pembantu parampuang satu itu, dia lahir, karna manusia pe mau sandiri. Tapi ana yang lahir dari parampuang yang bukang pembantu, dia itu lahir, karna Tuhan Allah so janji pa Abraham.

Galatia 4:28

Jadi sudara-sudara, ngoni so jadi Tuhan Allah pe ana-ana karna ngoni so percaya Tuhan Allah pe janji, sama deng Ishak yang lahir karna Tuhan Allah pe janji pa Abraham.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Ibrani 11:18

Pa Abraham itu suda Tuhan Allah so janji bagini, “Dari Ishak itu, ngana akan mo dapa banya turunan.”