Roma 8:8 - Perjanjian Baru Bahasa Melayu Maluku Utara

⁸ Kong orang-orang yang hidup cuma iko manusia pe mau yang suka biking dosa, dorang itu tara mungkin biking Tuhan Allah pe hati sanang.

Roma 8:8 ပူးပေါင်းရင်းမြစ်များ

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 8:29

Kong Dia yang so utus pa Kita, ada sama-sama deng Kita. Dia tara perna kase biar Kita sandiri, karna Kita salalu biking Dia pe hati sanang.”

Roma 1:21

Dorang so tau Tuhan Allah itu ada, tapi dorang tara puji deng hormat pa Dia. Dorang me tara bilang tarimakasi pa Dia. Dorang so tara pikir tentang Dia tapi dorang cuma pikir barang yang tarada dia pe guna, deng dong pe hati so tara mangarti apa yang butul.

Roma 7:5

Karna waktu torang bolong percaya pa Yesus, torang pe hidup itu cuma iko manusia pe mau sandiri yang suka biking dosa. Waktu torang tau aturan di lima kitab Musa yang kase tau apa itu dosa yang torang tara bole biking, itu yang biking torang lebe tamba ingin biking dosa. Kong karna torang biking dosa itu, torang so mo dapa hukum tapisa deng Tuhan Allah slama-lamanya.

Roma 8:9

Tapi ngoni, ngoni so tara hidup iko manusia pe mau yang suka biking dosa itu. Ngoni so hidup iko Tuhan Allah pe Roh pe mau, kalu memang Roh itu so ada di ngoni pe hati. Tapi inga e, orang yang tara ada Yesus Kristus pe Roh di dia pe hati, dia itu bukang Yesus Kristus pe umat.

1 Korintus 7:32

Kita mau supaya jang ngoni talalu bapikir tentang samua yang ada di dunia ini sampe so tara layani pa Tuhan bae-bae. Laki-laki yang tara kawing, dia pe perhatian ada lebe banya untuk Tuhan, bagimana supaya dia kase sanang Tuhan pe hati.

Filipi 4:18

Skarang kita so tarima samua yang kita perlu dari ngoni, mala so talebe-lebe lagi. Samua itu Epafroditus yang bawa. Apa yang ngoni kase pa kita, itu biking Tuhan Allah pe hati sanang, kong apa yang ngoni kase itu pantas Tuhan Allah tarima, sama deng dulu orang bakar binatang korban persembahan yang bobou sadap pa Tuhan Allah.

Kolose 1:10

Barang, kalu ngoni so tau Tuhan Allah pe mau, ngoni akan hidup deng kalakuang yang pantas dapa sebut orang yang percaya pa Tuhan, kong ngoni akan biking Dia pe hati sanang. Ngoni me akan biking hal-hal yang bae turus-turus, deng ngoni me akan lebe tamba kanal pa Tuhan Allah.

Kolose 3:20

Ngoni ana-ana, ngoni musti dengar-dengaran pa ngoni pe orang tua dalam sagala hal, karna itu suda yang pantas untuk orang yang percaya biking, deng itu yang biking Tuhan pe hati sanang.

1 Tesalonika 4:1

Sudara-sudara, torang so kase ajar pa ngoni cara hidup untuk biking sanang Tuhan Allah pe hati, kong ngoni so hidup sama deng itu. Tapi skarang karna torang samua so satu hati deng Tuhan Yesus, torang minta supaya ngoni lebe tamba berusaha biking sanang Tuhan Allah pe hati.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.