Roma 8:7 - Perjanjian Baru Bahasa Melayu Maluku Utara

⁷ Barang, orang-orang yang hidup cuma iko manusia pe mau yang suka biking dosa, dorang itu jaga malawang pa Tuhan Allah. Dorang tara iko Tuhan Allah pe aturan, karna memang dorang tara mampo iko aturan itu.

Roma 8:7 ပူးပေါင်းရင်းမြစ်များ

Matius 12:34

Ngoni pe jahat sama deng ular bisa. Tara mungkin ngoni bole bilang hal-hal yang bae karna ngoni sandiri jahat. Karna apa yang tasimpang di orang pe hati, itu yang nanti mo kaluar dari dia pe mulu.

Matius 5:19

Karna itu, sapa yang langgar satu aturan saja, biar yang paling kacil, kong kase ajar pa orang laeng la iko sama deng dia, dia itu mo jadi orang yang paling tara penting di antara Tuhan Allah pe umat yang Tuhan Allah Berkuasa sebagai Raja. Tapi sapa yang iko samua aturan itu kong kase ajar pa orang laeng supaya orang laeng iko sama deng dia, dia itu mo jadi orang yang paling penting di antara Tuhan Allah pe umat yang Tuhan Allah Berkuasa sebagai Raja.

Yohanes 7:7

Barang, orang-orang yang tara percaya pa Kita, dorang itu tara binci pa ngoni, tapi dorang binci pa Kita, karna Kita kase tau dorang pe kalakuang jahat.

Roma 1:28

Deng karna dorang rasa dong tara perlu tau tentang Tuhan Allah, jadi Tuhan Allah kase biar dorang pe pikiran yang tara guna itu kuasai pa dorang. Dia pe ahir kabawa, dorang biking barang yang tara pantas dong biking.

Roma 1:30

Dorang itu jaga kase tara bae orang pe nama, binci pa Tuhan Allah, pandang enteng, sombong, suka bicara tinggi-tinggi, pintar biking barang yang jahat deng suka malawang pa orang tua.

Roma 3:31

Tapi ada kaapa orang yang pikir, “Jadi kalu Tuhan Allah biking torang jadi orang yang tara sala karna torang percaya pa Yesus, itu pe arti, torang tara perlu mo biking lagi aturan di lima kitab Musa.” Sama skali bukang bagitu. Mala karna torang percaya, torang lebe tamba biking aturan di lima kitab Musa itu.

Roma 5:10

Karna dulu, waktu torang masi pangmalawang pa Tuhan Allah, Tuhan Allah sandiri yang kase bae-bae ulang torang pe hubungan deng Dia, deng cara Dia kase Dia pe Anak supaya mati untuk torang. Kong karna torang deng Dia pe hubungan so bae-bae ulang skarang, torang tau, torang pasti akan dapa slamat dari dosa-dosa karna Dia pe Anak so hidup ulang.

Roma 7:22

Karna, di kita pe hati, kita suka skali iko Tuhan Allah pe aturan.

Roma 8:4

Tuhan Allah pe maksut biking bagitu, supaya torang bole jadi orang yang tara sala pa Tuhan Allah pe muka iko deng apa yang tatulis di lima kitab Musa. Kong torang lagi bole iko yang butul karna torang so iko Roh Kudus pe mau, bukang lagi iko torang manusia pe mau yang suka biking dosa.

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

1 Korintus 9:21

Waktu kita bawa Kabar Bae pa orang-orang bukang Yahudi yang tara iko aturan di lima kitab Musa, kita biking kita pe diri sama deng dorang yang tara iko aturan-aturan di lima kitab Musa. Kita biking bagitu, supaya kita bole pengaru pa dorang la dong percaya pa Yesus Kristus. Kita pe maksut, bukang kita langgar Tuhan Allah pe aturan itu, tapi kita tetap iko Yesus Kristus pe parenta.

Kolose 1:21

Dulu, waktu ngoni bolong percaya pa Tuhan Yesus, ngoni hidup jao dari Tuhan Allah. Waktu itu ngoni pe pikiran deng kalakuang jahat sampe ngoni biking Tuhan Allah jadi ngoni pe musu.

Kolose 2:18

Jadi jang ngoni dengar pa orang-orang yang bilang kata, Tuhan Allah mo hukum pa ngoni karna ngoni tara iko dorang pe aturan agama. Dorang bapuasa banya-banya supaya orang lia kata, dorang hebat kong suru ngoni iko. Deng dorang suru pa ngoni semba pa malaekat-malaekat. Dorang suka bicara sombong tentang dong pe penglihatan-penglihatan yang dong dapa dari Tuhan. Dorang jaga kase sombong deng dong pe diri, itu karna yang dorang biking itu cuma iko manusia pe pikiran.

2 Timotius 3:4

Dorang suka bahianat, tara bapikir panjang, biking diri tau, deng lebe suka basanang-sanang iko dong pe mau sandiri daripada iko Tuhan Allah pe mau.

Ibrani 8:10

Jadi ini suda janji yang baru yang Kita akan biking deng orang-orang bangsa Israel nanti: Kita mo taru Kita pe aturan-aturan pa dorang pe pikiran, deng Kita mo tulis itu di dorang pe hati. Kita akan jadi dorang pe Tuhan Allah, deng dorang akan jadi Kita pe umat.

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!