Roma 8:1 - Perjanjian Baru Bahasa Melayu Maluku Utara

¹ Jadi, skarang Tuhan Allah so tara hukum lagi pa torang karna torang so satu hati deng Kristus Yesus.

Roma 8:1 ပူးပေါင်းရင်းမြစ်များ

Yohanes 14:20

Kong waktu Kita hidup ulang itu, ngoni akan tau, Kita ini satu deng Kita pe Bapa kong ngoni ini satu deng Kita, kong Kita satu deng ngoni.

Yohanes 15:4

Jadi Kita minta pa ngoni ini, ngoni hidup satu hati deng Kita turus, deng Kita lagi akan hidup satu hati turus deng ngoni. Barang, ngoni tara dapa biking yang bae kalu ngoni tara satu hati deng Kita. Itu sama deng anggur pe cabang yang tara akan babua kalu dia tapisa dari anggur pe pohong.

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Roma 16:3

Kirim salam pa Priskila deng dia pe laki Akwila di sana. Dorang dua karja untuk Kristus Yesus sama-sama deng kita.

Roma 16:7

Kirim salam lagi pa Andronikus deng Yunias yang satu bangsa deng kita, kong yang perna maso penjara sama-sama deng kita. Waktu kita bolong percaya pa Yesus Kristus, dorang dua itu so percaya, kong samua Tuhan Allah pe utusan yang orang sebut rasul, so kanal bae pa dorang.

Roma 5:1

Tuhan Allah so biking torang jadi orang yang tara sala pa Dia pe muka karna torang percaya pa Yesus Kristus. Jadi torang deng Tuhan Allah pe hubungan so bae-bae ulang karna apa yang torang pe Tuhan Yesus Kristus so biking.

Roma 5:16

Kong Tuhan Allah pe bae yang Dia kase deng cuma-cuma pa samua orang itu, jao lebe basar dari dosa yang Adam biking. Karna waktu Adam langgar Tuhan Allah pe parenta, dia pe akibat samua orang berdosa kong Tuhan Allah mo hukum pa dorang samua. Tapi waktu samua orang so banya biking dosa, Tuhan Allah kase Dia pe bae yang cuma-cuma pa samua orang. Tuhan Allah pe bae itu, Dia mo biking orang jadi tara sala pa Dia pe muka.

Roma 7:17

Kalu bagitu, bukang kita pe mau biking barang yang jahat. Tapi kita biking itu, karna dosa ada kuasai kita pe hati, sampe kita cuma suka biking barang yang jahat.

Roma 7:20

Deng kalu kita biking barang yang kita tara suka, itu berarti, bukang kita yang pe mau biking barang yang jahat, tapi dosa yang kuasai kita pe hati sampe kita biking bagitu.

Roma 8:11

Tuhan Allah pe Roh so kase hidup ulang pa Kristus Yesus, kong Roh itu suda yang ada di ngoni pe hati. Jadi biar ngoni pe badan mo mati, tapi Tuhan Allah nanti mo kase hidup ulang pa ngoni pake kuasa dari Dia pe Roh yang ada pa ngoni itu.

Roma 8:14

Orang-orang yang Tuhan Allah pe Roh pimpin, dorang itu suda Tuhan Allah pe ana-ana.

Roma 8:2

Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.

Roma 8:34

Tarada yang bisa kase hukuman pa torang yang percaya, karna Kristus Yesus yang ada bela pa torang pa Tuhan Allah pe muka. Kristus Yesus mati supaya tebus torang pe dosa. Kong lebe dari itu lagi, skarang Dia so hidup ulang kong dudu di tampa yang terhormat, pa Tuhan Allah pe sabla kanan.

Roma 8:39

Biar lagi kuasa-kuasa yang ada di langit deng di bumi atau apa saja yang ada, tara ada yang bisa biking sampe torang tapisa deng Tuhan Allah pe sayang karna apa yang Kristus Yesus, torang pe Tuhan so biking.

Roma 8:4

Tuhan Allah pe maksut biking bagitu, supaya torang bole jadi orang yang tara sala pa Tuhan Allah pe muka iko deng apa yang tatulis di lima kitab Musa. Kong torang lagi bole iko yang butul karna torang so iko Roh Kudus pe mau, bukang lagi iko torang manusia pe mau yang suka biking dosa.

Roma 8:9

Tapi ngoni, ngoni so tara hidup iko manusia pe mau yang suka biking dosa itu. Ngoni so hidup iko Tuhan Allah pe Roh pe mau, kalu memang Roh itu so ada di ngoni pe hati. Tapi inga e, orang yang tara ada Yesus Kristus pe Roh di dia pe hati, dia itu bukang Yesus Kristus pe umat.

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

1 Korintus 15:22

Samua orang musti mati, karna iko pa Adam yang berdosa. Bagitu lagi, samua orang yang so satu hati deng Yesus Kristus, akan hidup ulang.

2 Korintus 12:2

Ada satu orang percaya yang kita kanal. Ampa blas taong yang lalu, kage-kage dia taangka ka atas di sorga, di tingkat yang ketiga. Tapi kita tara tau, dia taangka deng dia pe badan, atau cuma dia pe roh yang taangka, itu cuma Tuhan Allah saja yang tau.

2 Korintus 5:17

Karna itu, sapa saja yang so percaya pa Yesus Kristus, dia itu so jadi manusia baru. Dia pe sifat dulu-dulu yang tara bae itu so ilang. Samua so jadi baru.

Galatia 3:13

Kong torang samua pantas dapa kutuk karna torang tara mampo iko samua aturan di lima kitab Musa. Tapi biar bagitu me, Yesus Kristus kase Dia pe diri mati la kase bebas pa torang dari kutuk itu, deng cara Dia kase Dia pe diri dapa kutuk mati untuk torang. Karna di Kitab Suci ada tatulis bagini, “Orang yang dapa hukum mati di kayu salib, dia itu sama deng dapa kutuk dari Tuhan Allah.”

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

Galatia 3:28

Karna itu, samua orang yang so percaya pa Yesus Kristus so tarada beda pa Tuhan Allah pe muka. Biar ngoni itu orang Yahudi atau orang bukang Yahudi, biar ngoni orang karja yang tara bebas atau orang bebas, deng biar ngoni itu laki-laki atau parampuang, Tuhan Allah lia ngoni samua itu sama, karna ngoni itu orang-orang yang so sama-sama percaya pa Kristus Yesus.

Galatia 5:16

Kita pe maksut bagini: ngoni musti hidup iko Roh Kudus pe mau. Kalu ngoni hidup bagitu, ngoni tara akan iko manusia pe mau yang suka biking dosa.

Galatia 5:25

Roh Kudus so kuasai pa torang deng biking torang hidup deng cara yang baru, jadi mari suda torang hidup iko Roh Kudus itu pe mau turus.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

Filipi 3:9

deng bole hidup satu hati deng Dia. Tuhan Allah biking kita jadi orang yang tara sala pa Dia pe muka, bukang karna kita berusaha iko aturan-aturan di lima kitab Musa, tapi itu cuma karna kita percaya pa Yesus Kristus. Jadi, cuma deng percaya saja pa Yesus Kristus, kita jadi orang yang tara sala pa Tuhan Allah pe muka.