Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 7:23 - Perjanjian Baru Bahasa Melayu Maluku Utara

23 Tapi kita tara iko Tuhan Allah pe aturan itu, karna di kita pe hati ada dosa yang baku malawang deng kita pe mau untuk iko Tuhan Allah pe aturan. Itu yang biking kita pe diri susa mo bebas dari dosa pe kuasa itu.

အခန်းကိုကြည့်ပါ။ ကော်ပီ




Roma 7:23
16 ပူးပေါင်းရင်းမြစ်များ  

Deng tara bole ngoni kase biar ngoni pe tangan, kaki deng samua-samua yang ada pa ngoni pe badan untuk dosa kuasai supaya biking barang yang jahat. Tapi ngoni kase ngoni pe diri pa Tuhan Allah supaya biking barang yang butul, karna ngoni sama deng orang yang so mati, kong skarang Dia so kase pa ngoni hidup yang baru. Ngoni kase biar suda ngoni pe tangan, kaki, deng samua-samua yang ada di ngoni pe badan untuk Tuhan Allah pake supaya mo biking barang yang butul.


Kita pake conto suru-suru, supaya ngoni bole capat mangarti yang kita bilang itu. Dulu, dosa so jadi ngoni pe tuang yang suru-suru pa ngoni. Ngoni so iko ngoni pe napsu sampe biking hal-hal kotor deng ngoni pe badan, deng ngoni malawang turus-turus Tuhan Allah pe parenta. Tapi skarang, ngoni musti serakan ngoni pe diri jadi Tuhan Allah pe suru-suru supaya ngoni biking turus yang butul pa Tuhan Allah pe muka. Deng bagitu, Tuhan Allah biking ngoni jadi Dia pe umat yang hidup cuma biking Dia pe mau.


Torang tau, aturan di lima kitab Musa itu Tuhan Allah yang kase. Tapi kita ini cuma manusia yang suka biking dosa, itu sama deng dosa so jadi kita pe tuang.


Jadi samua itu biking kita tau, biar kita ingin biking barang yang bae, tapi yang kita biking itu cuma barang yang jahat saja.


Tapi tarimakasi banya pa Tuhan Allah! Dia itu yang kase Yesus Kristus torang pe Tuhan yang biking sampe dosa pe kuasa so tara kuasai lagi pa kita. Jadi pa kita pe pikiran, kita ingin biking Tuhan Allah pe aturan, tapi di kita pe hati, kita cuma iko manusia pe mau yang suka biking dosa.


Karna waktu torang bolong percaya pa Yesus, torang pe hidup itu cuma iko manusia pe mau sandiri yang suka biking dosa. Waktu torang tau aturan di lima kitab Musa yang kase tau apa itu dosa yang torang tara bole biking, itu yang biking torang lebe tamba ingin biking dosa. Kong karna torang biking dosa itu, torang so mo dapa hukum tapisa deng Tuhan Allah slama-lamanya.


Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.


Karna manusia pe mau yang suka biking dosa itu baku lawan deng Roh Kudus pe mau. Bagitu lagi deng Roh Kudus pe mau, itu baku lawan deng manusia pe mau. Kong karna dua-dua itu baku lawan, itu biking torang tara biking barang yang bae yang torang suka mo biking.


Waktu ngoni berusaha lawan dosa, ngoni bolong dapa siksa macam deng Yesus Kristus yang pe dara tatumpa.


Torang samua jaga biking sala di banya hal. Orang yang mampo jaga dia pe mulu sampe tara sala bicara, dia itu orang yang sempurna, yang bole kuasai dia pe diri sandiri.


Bikiapa kong ngoni baku malawang deng bakalae? Itu karna di ngoni pe hati ada keinginan-keinginan yang tara bae. Keinginan-keinginan yang tara bae itu baku malawang di ngoni pe hati untuk kontrol ngoni pe diri sampe ngoni biking barang yang jahat.


Sudara-sudara yang kita sayang, ngoni orang-orang percaya ini sama deng orang-orang pendatang deng orang-orang yang cuma hidup sementara saja di dunia ini. Jadi kita kase nasehat pa ngoni, jang ngoni hidup iko ngoni pe keinginan yang tara bae yang salalu baku lawan deng ngoni pe mau untuk biking barang yang bae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ