Roma 7:14 - Perjanjian Baru Bahasa Melayu Maluku Utara

¹⁴ Torang tau, aturan di lima kitab Musa itu Tuhan Allah yang kase. Tapi kita ini cuma manusia yang suka biking dosa, itu sama deng dosa so jadi kita pe tuang.

Roma 7:14 ပူးပေါင်းရင်းမြစ်များ

Roma 7:18

Barang kita tau, di kita pe hati, tarada apa-apa yang bae, karna kita cuma manusia yang jaga biking dosa. Kita memang suka biking barang yang bae, tapi kita tara mampo biking itu.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Matius 5:28

Tapi Kita mo bilang pa ngoni e, kalu ada laki-laki yang lia parampuang saja kong di dia pe dalam hati ada napsu mau tidor deng parampuang itu, itu sama saja deng dia so baku tidor deng parampuang itu.

Matius 5:22

Tapi Kita mo bilang pa ngoni e, sapa yang mara saja pa dia pe sudara, dia musti dapa hukum. Kong sapa yang momake pa dia pe sudara, musti dapa urus di agama Yahudi pe kumpulan yang paling tinggi yang pe nama Mahkama Agama. Deng sapa yang bilang dia pe sudara bodo, dia musti dapa hukum di api neraka yang mamanyala.

Lukas 7:6

Kong Yesus pigi sama-sama deng dorang. Waktu Yesus so dekat komandan itu pe ruma, komandan itu suru dia pe tamang-tamang baku dapa deng Yesus la bilang bagini, “Bapa, jang basusa-susa datang pa kita pe ruma, karna kita tara pantas tarima pa Bapa di kita pe ruma.

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Matius 18:25

Tapi orang karja itu tara mampo bayar dia pe utang itu. Karna itu, raja suru jual orang karja itu termasuk dia pe ana bini deng samua yang dia punya, la dia pe utang bisa dapa bayar.

Matius 16:23

Tapi Yesus babale kong togor pa Petrus, “Badiam ngana! Ngana pe bicara sama deng Iblis pe bicara. Ngana halangi Kita untuk biking Tuhan Allah pe mau. Barang, ngana cuma pikir apa yang manusia pikir, bukang apa yang Tuhan Allah pikir.”

Ibrani 4:12

Barang, Tuhan Allah pe firman itu hidup deng ada kuasa. Firman itu bisa nilai samua torang pe pikiran deng torang pe maksut yang ada di torang pe hati. Tara ada satu yang bisa torang sambunyi. Firman itu lebe tajam dari parang yang muka-balakang tajam skali. Itu kalu kase pake bapotong, bisa sampe kase tabuka isi deng tulang-tulang samua.

Roma 3:9

Jadi, dari situ torang dapa tau, torang orang Yahudi tara lebe bae dari orang yang bukang Yahudi, karna tadi torang so bilang kamuka, dosa so kuasai pa samua orang, biar lagi dia itu orang Yahudi atau bukang Yahudi.

Roma 6:6

Torang tau to, torang pe hidup lama yang suka biking dosa itu so mati sama-sama deng Yesus Kristus di kayu salib, supaya torang so tara iko lagi torang pe mau yang basar untuk mo biking dosa, itu sama deng torang so tara jadi dosa pe suru-suru lagi.

Galatia 4:3

Bagitu lagi deng torang manusia. Waktu Tuhan Yesus bolong datang kase slamat pa torang, torang itu masi jaga iko aturan-aturan di dunia ini, macam deng ana kacil iko-iko dia pe orang tua pe parenta.