Roma 7:12 - Perjanjian Baru Bahasa Melayu Maluku Utara

¹² Jadi, aturan-aturan di lima kitab Musa itu suci, kong samua parenta yang ada di aturan-aturan itu me butul deng bagus. Samua aturan itu dari Tuhan Allah.

Roma 7:12 ပူးပေါင်းရင်းမြစ်များ

Roma 12:2

Jang ngoni iko dunia ini pe mau. Lebe bae ngoni kase biar la Tuhan Allah ruba ngoni pe pikiran jadi baru supaya ngoni pe kalakuang me beruba. Karna deng ngoni pe pikiran yang baru, ngoni bole tau Tuhan Allah pe mau: yang bagus, yang butul, deng yang biking Dia pe hati sanang.

Roma 3:31

Tapi ada kaapa orang yang pikir, “Jadi kalu Tuhan Allah biking torang jadi orang yang tara sala karna torang percaya pa Yesus, itu pe arti, torang tara perlu mo biking lagi aturan di lima kitab Musa.” Sama skali bukang bagitu. Mala karna torang percaya, torang lebe tamba biking aturan di lima kitab Musa itu.

Roma 7:14

Torang tau, aturan di lima kitab Musa itu Tuhan Allah yang kase. Tapi kita ini cuma manusia yang suka biking dosa, itu sama deng dosa so jadi kita pe tuang.

Roma 7:16

Jadi, kalu kita biking barang yang jahat yang kita tara suka mo biking, itu berarti, kita so mangaku, aturan yang di lima kitab Musa itu bagus untuk kita biking.

1 Timotius 1:8

Torang tau aturan-aturan di lima kitab Musa itu bagus. Yang penting torang biking itu, iko Tuhan Allah pe maksut.