Roma 6:3 - Perjanjian Baru Bahasa Melayu Maluku Utara

³ Pasti ngoni tau, waktu torang dapa baptis, itu jadi tanda torang so jadi satu deng Yesus Kristus, kong torang so iko pa Dia, itu sama deng torang pe cara hidup yang lama so mati waktu Yesus Kristus mati.

Roma 6:3 ပူးပေါင်းရင်းမြစ်များ

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Kisah Para Rasul 19:5

Pe dengar bagitu, Paulus baptis pa dorang la jadi tanda, dorang itu so percaya pa Tuhan Yesus.

Kisah Para Rasul 2:38

Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus.

Kisah Para Rasul 8:16

Barang, Roh Kudus bolong ada pa dorang, biar cuma satu orang lagi, karna orang-orang Samaria itu baru dapa baptis dalam nama Tuhan Yesus.

Roma 6:16

Ngoni tau to, kalu ngoni serakan ngoni pe diri pa satu orang untuk iko apa yang dia suru, ngoni itu so jadi dia pe suru-suru. Bagitu lagi, kalu ngoni jaga iko ngoni pe mau yang jahat, itu berarti, dosa itu so jadi tuang pa ngoni, kong dia suru-suru pa ngoni, deng bagitu ngoni mo mati kong tapisa deng Tuhan Allah slama-lamanya. Tapi kalu ngoni dengar-dengaran pa Tuhan Allah, itu berarti, ngoni so kase ngoni pe diri jadi Tuhan Allah pe suru-suru, kong Dia biking ngoni jadi orang yang tara sala pa Dia pe muka.

Roma 6:8

Kong, karna torang itu sama deng so mati sama-sama deng Yesus Kristus, torang me percaya lagi, torang akan hidup sama-sama deng Dia.

Roma 7:1

Sudara-sudara, skarang kita bicara pa ngoni yang so tau aturan-aturan di lima kitab Musa. Ngoni pasti tau, selama torang hidup, torang iko aturan-aturan itu, tapi kalu torang so mati, torang so tara iko aturan itu lagi.

1 Korintus 10:2

Waktu dorang samua sama-sama bajalang di bawa awan deng dapa lewat Laut Mera, dorang itu sama deng so dapa baptis dalam awan deng dalam laut untuk jadi orang yang iko pa nabi Musa.

1 Korintus 12:13

Barang torang ini, ada orang Yahudi, deng ada yang bukang Yahudi. Ada orang karja yang dia pe tuang so bili, deng ada orang yang bebas. Torang samua Roh Kudus biking torang jadi satu, karna torang samua dapa baptis dari Roh Kudus yang sama. Roh Kudus yang sama itu, yang so ada pa torang samua, itu sama deng torang ada minum dari mata aer yang sama.

1 Korintus 15:29

Kong tentang orang mati yang hidup ulang, kalu ngoni bilang kata, orang mati tara akan hidup ulang, bikiapa kong ada orang yang dapa baptis untuk orang yang so mati? Kalu orang mati tara akan hidup ulang, bikiapa kong dorang mo dapa baptis untuk orang mati?

1 Korintus 3:16

Ngoni tau ka tarada, ngoni itu sama deng Tuhan Allah pe Ruma, kong Tuhan Allah pe Roh tinggal pa ngoni.

1 Korintus 5:6

Tara bagus ngoni basombong macam bagitu. Jang sampe ngoni tara sadar, kalu satu orang dari ngoni biking sala, bisa pengaru orang laeng dalam ngoni pe jemaat biking sala lagi. Itu sama deng ragi yang sadiki saja, bisa kase nae adonan.

1 Korintus 6:19

Ngoni so tau to, Roh Kudus tinggal dalam ngoni pe diri, jadi ngoni sama deng so jadi Tuhan Allah pe Ruma yang Roh Kudus tinggal. Tuhan Allah yang kase Roh Kudus itu pa ngoni, kong ngoni pe diri itu bukang ngoni punya sandiri, tapi Tuhan Allah punya.

1 Korintus 6:9

Ngoni pasti tau, orang-orang yang biking tara butul, dorang tara mungkin jadi Tuhan Allah pe umat yang Dia Berkuasa sebagai Raja pa dorang pe hidup. Jang dengar orang yang bilang kata, Tuhan Allah pe umat bole biking barang tara bae, conto sama deng bagini: orang yang baseks sabarang, orang yang semba pa dia pe puji-puji, orang yang baku suka deng orang yang bukang dia pe laki atau bini, laki-laki yang baseks deng laki-laki,

1 Korintus 9:13

Ambe conto, orang yang pe karja di Ruma Ibada Pusat di Yerusalem, ngoni pasti tau, dorang dapa makanang dari dong pe karja di situ. Deng imam-imam yang bakar binatang di tampa bakar korban persembahan untuk Tuhan Allah, untuk dong pe hidup hari-hari bisa dong ambe dari binatang yang dong kase korban itu.

1 Korintus 9:24

Ngoni tantu tau conto ini. Samua orang yang iko lomba lari, dorang berusaha lari kuat-kuat la dapa juara, tapi yang mo dapa hadia cuma satu orang saja. Bagitu lagi deng ngoni, ngoni me musti berusaha iko Tuhan Allah pe mau sama deng dorang yang lari kuat untuk dapa hadia itu, supaya ngoni bole dapa hadia yang Tuhan Allah so sadia.

2 Korintus 13:5

Coba ngoni uji ngoni pe diri sandiri, ngoni butul-butul percaya ka tarada. Priksa ngoni pe hati, apa ngoni tau pasti, Kristus Yesus ada di ngoni pe hati? Kalu tarada, berarti ngoni tara tahang uji.

Galatia 3:27

Ngoni so dapa baptis, itu satu tanda ngoni so percaya pa Yesus Kristus. Karna itu, ngoni so tarima Yesus Kristus pe sifat pa ngoni pe diri. Jadi tiap hari ngoni so iko Dia pe sifat, itu sama deng ngoni pe baju yang ngoni pake tiap hari.

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.

1 Petrus 3:21

Banjir basar itu, kalu skarang bole kase sama deng baptisan. Baptisan itu pe tujuan bukang untuk kase bersi ngoni pe badan dari yang kotor, tapi untuk minta pa Tuhan Allah supaya kase bersi ngoni pe hati dari dosa. Baptisan itu jadi tanda, Tuhan Allah so kase slamat pa torang karna Yesus Kristus so mati kong hidup ulang.