Roma 6:2 - Perjanjian Baru Bahasa Melayu Maluku Utara

² Pasti tara bagitu to? Karna waktu torang percaya pa Yesus Kristus, torang deng dosa itu so tarada hubungan lagi, torang so sama deng orang yang so mati kong so tara biking dosa. Jadi torang so tara bole turus-turus biking dosa lagi.

Roma 6:2 ပူးပေါင်းရင်းမြစ်များ

Lukas 20:16

Pasti dia mo datang kong bunu pa dorang. Abis itu, dia kase pa orang-orang laeng untuk jaga dia pe kobong itu.” Pe dengar Yesus bilang bagitu, dorang mangarti Dia pe maksut kong dorang itu bilang, “Jangan! Jang sampe jadi bagitu!”

Roma 5:11

Deng torang sanang bukang cuma karna dapa slamat saja, tapi torang sanang karna torang ada hubungan bae deng Tuhan Allah. Torang pe hubungan deng Tuhan Allah so jadi bae ulang karna Yesus Kristus torang pe Tuhan.

Roma 6:15

Tuhan Allah kase slamat pa torang dari dosa-dosa, bukang karna torang iko aturan di lima kitab Musa, tapi karna Dia pe bae pa torang. Deng bagitu, apa skarang torang bole biking dosa turus-turus? Yang pasti tarada!

Roma 7:4

Sudara-sudara, bagitu lagi yang jadi pa torang deng aturan di lima kitab Musa. Dulu, torang musti iko aturan di lima kitab Musa itu supaya torang bole dapa slamat dari dosa-dosa. Tapi Yesus Kristus so mati, kong torang yang percaya pa Dia so kase tinggal torang pe hidup yang cuma iko torang pe mau sandiri, itu sama deng torang so mati sama-sama deng Dia. Jadi skarang torang so tara usa lagi iko aturan di lima kitab Musa itu supaya mo dapa slamat. Torang so jadi Yesus Kristus punya, Dia itu yang so hidup ulang. Kong karna torang so jadi Yesus Kristus punya, torang bole biking barang yang bae untuk Tuhan Allah.

Roma 7:6

Tapi skarang torang so tara taika lagi deng aturan di lima kitab Musa. Barang torang so bebas dari aturan-aturan itu yang selama ini ika pa torang, sama deng torang pe hidup yang lama so mati sama-sama deng waktu Yesus Kristus mati. Karna itu, aturan di lima kitab Musa so tara kuasai lagi pa torang. Kong torang pe hidup bole iko Tuhan Allah pe mau deng cara yang baru, yang iko Roh Kudus pe mau, bukang lagi deng cara yang lama iko aturan yang ada tatulis di lima kitab Musa itu.

Galatia 2:19

Dulu waktu kita berusaha iko aturan-aturan di lima kitab Musa, kita tara mampo iko samua aturan itu. Karna itu, kita jadi orang yang sala pa Tuhan Allah pe muka. Itu sama deng kita so dapa hukuman mati karna aturan-aturan itu. Tapi skarang, karna Yesus Kristus mati di kayu salib, kita pe hidup yang jaga biking aturan itu sama deng so mati, supaya kita bole bebas untuk hidup kase sanang pa Tuhan Allah. Kong deng Yesus Kristus mati di kayu salib, kita sama deng so mati sama-sama deng Dia.

Galatia 6:14

Tapi untuk kita, kita tara mau sama skali puji diri tentang apa yang kita so biking. Kita cuma mo puji torang pe Tuhan Yesus Kristus deng tentang apa yang Dia so biking di kayu salib, barang Yesus Kristus mati dapa salib untuk kase bebas pa kita dari kita pe dosa. Karna waktu Dia mati itu, itu sama deng samua kita pe keinginan so iko dapa salib sama-sama deng Dia. Jadi kita so tara tapengaru iko dunia pe mau lagi.

Kolose 2:20

Sudara-sudara, ngoni so jadi satu hati deng Yesus Kristus jadi ngoni pe hidup yang lama sama deng so mati sama-sama deng Dia, sampe ngoni so bebas dari roh-roh yang berkuasa di dunia ini. Jadi bikiapa kong ngoni masi suka iko aturan-aturan di dunia yang macam bagini:

Kolose 3:3

Barang, ngoni so tara iko dunia pe mau lagi, jadi bole bilang, ngoni pe hidup yang lama so mati sama-sama deng Yesus Kristus. Skarang ngoni so percaya pa Dia jadi so satu hati deng Dia yang hidup sama-sama deng Tuhan Allah. Tapi orang-orang yang tara percaya pa Tuhan tara mampo mangarti ngoni pe hidup yang baru ini.

1 Petrus 1:14

Ngoni ini Tuhan Allah pe ana-ana, jadi ngoni dengar-dengaran suda pa Dia, deng jang ngoni iko keinginan yang tara bae yang kuasai ngoni pe hidup dulu waktu ngoni bolong percaya pa Tuhan.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.

1 Yohanes 3:9

Tiap orang yang Tuhan Allah so biking jadi Tuhan Allah pe ana, dia itu pe hidup so beruba jadi baru, deng dia me so tara biking dosa lagi, barang Tuhan Allah hidup pa orang itu pe diri, sama deng Tuhan Allah ada tanam bibit pa orang itu pe hati kong batumbu. Tuhan Allah so biking dia jadi Dia pe ana, jadi dia so tara biking dosa lagi.