Roma 5:8 - Perjanjian Baru Bahasa Melayu Maluku Utara

⁸ Tapi Tuhan Allah pe sayang pa torang itu tara bagitu. Waktu torang masi berdosa, Yesus Kristus mati untuk torang. Itu yang kase tunju Tuhan Allah pe sayang yang basar pa torang.

Roma 5:8 ပူးပေါင်းရင်းမြစ်များ

Yohanes 15:13

Sayang yang paling basar itu, kalu orang siap mati untuk dia pe tamang-tamang supaya dia pe tamang-tamang bole hidup.

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.

Roma 3:5

Torang orang Yahudi jaga biking barang yang tara butul. Deng bagitu, banya orang lebe tau Tuhan Allah itu salalu butul. Tapi jang sampe ada yang bilang bagini, “Itu berarti, ada dia pe bae torang biking dosa. Jadi, kalu torang dapa hukum, itu pe arti, Tuhan Allah tara butul.” Kalu dorang bilang bagitu, itu cuma manusia pe pikiran saja.

Roma 4:25

Yesus itu yang so serakan Dia pe diri mati untuk torang samua karna torang pe dosa. Tapi Tuhan Allah kase hidup ulang pa Dia supaya Tuhan Allah biking torang jadi orang yang tara sala pa Dia pe muka.

Roma 5:20

Tuhan Allah kase aturan di lima kitab Musa supaya manusia tau persis, dorang so paling banya biking dosa. Tapi biar manusia pe dosa tamba banya, Tuhan Allah pe bae pa manusia lebe tamba banya.

Roma 5:6

Tuhan Allah pe sayang pa torang itu bagini: waktu torang tara bisa biking apa-apa la bebas dari dosa-dosa, Yesus Kristus mati untuk torang yang hidup tara iko Tuhan Allah pe mau. Yesus Kristus mati, pas di waktu yang Tuhan Allah so tentukan.

Roma 5:7

Barang, kalu cuma iko torang manusia pe biasa, tarada orang yang mau mati untuk dia pe tamang biar dia pe tamang pe hidup butul. Cuma kaapa ada orang yang mau mati untuk dia pe tamang kalu dia pe tamang itu bae-bae.

Roma 8:32

Dia pe Anak sandiri saja Dia tara tahang-tahang, tapi Dia kase sampe mati di kayu salib supaya tebus torang pe dosa. Karna itu, torang jadi tau, apa saja yang bae untuk torang, pasti Dia kase.

Roma 8:39

Biar lagi kuasa-kuasa yang ada di langit deng di bumi atau apa saja yang ada, tara ada yang bisa biking sampe torang tapisa deng Tuhan Allah pe sayang karna apa yang Kristus Yesus, torang pe Tuhan so biking.

Galatia 2:20

Jadi, skarang kita hidup tara iko kita pe kekuatan sandiri lagi, tapi Yesus Kristus yang hidup deng berkuasa pa kita pe diri. Kong selama kita hidup di dunia skarang ini, kita hidup cuma deng percaya saja pa Anak Allah. Dia yang so sayang pa kita deng yang so serakan Dia pe diri mati untuk kita.

Efesus 2:7

Tuhan Allah biking bagitu, supaya mulai dari sini ka sana orang-orang bole dapa tau Tuhan Allah pe bae deng pe sayang yang talebe-lebe, yang Dia kase pa torang karna torang so satu hati deng Kristus Yesus.

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

1 Timotius 1:16

Tapi biar bagitu, Kristus Yesus kase tunju Dia pe rasa kasiang pa kita deng Dia tara hukum pa kita. Apalagi, karna kita ini orang yang paling berdosa, Yesus Kristus kase tunju Dia pe sabar pa kita. Deng bagitu kita jadi conto untuk orang laeng yang berdosa, supaya dorang me bole percaya pa Yesus Kristus la hidup deng Tuhan Allah slama-lamanya.

Ibrani 8:3

Barang, tiap imam basar di dunia ini dapa pili untuk biking tugas serakan umat pe binatang korban persembahan deng persembahan laeng pa Tuhan Allah. Bagitu lagi deng Yesus Kristus. Karna Dia torang pe Imam Basar, Dia lagi musti ada persembahan yang Dia kase pa Tuhan Allah.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.

1 Yohanes 3:16

Torang tau sayang yang butul-butul itu sama deng Yesus Kristus pe sayang. Dia so kase Dia pe diri sampe mati untuk torang supaya torang dapa slamat. Jadi torang me musti siap kase tong pe diri sampe mati untuk torang pe sudara-sudara yang percaya.