Roma 5:7 - Perjanjian Baru Bahasa Melayu Maluku Utara

⁷ Barang, kalu cuma iko torang manusia pe biasa, tarada orang yang mau mati untuk dia pe tamang biar dia pe tamang pe hidup butul. Cuma kaapa ada orang yang mau mati untuk dia pe tamang kalu dia pe tamang itu bae-bae.

Roma 5:7 ပူးပေါင်းရင်းမြစ်များ

Matius 13:15

Karna orang-orang bangsa ini karas kapala. Dorang pe talinga tara mau badengar, deng dorang pe mata me dorang tutu kuat-kuat, supaya jang dorang lia deng dong pe mata, jang dorang dengar deng dong pe talinga, deng jang dorang mangarti deng dong pe hati. Jadi dorang tara mau bertobat, kong Kita tara akan kase slamat pa dorang.’

Yohanes 15:13

Sayang yang paling basar itu, kalu orang siap mati untuk dia pe tamang-tamang supaya dia pe tamang-tamang bole hidup.

Kisah Para Rasul 11:24

Barnabas itu orang yang bae, Roh Kudus kuasai pa dia deng dia percaya skali pa Tuhan. Banya orang yang dengar pa dia jadi lebe percaya pa Tuhan Yesus.

Roma 16:4

Dorang dua itu perna sampe amper mati waktu kase slamat pa kita. Kita bilang tarimakasi banya pa dorang dua. Kong bukang cuma kita saja, tapi samua jemaat yang bukang Yahudi me ada bilang tarimakasi banya pa dong dua.

Roma 5:6

Tuhan Allah pe sayang pa torang itu bagini: waktu torang tara bisa biking apa-apa la bebas dari dosa-dosa, Yesus Kristus mati untuk torang yang hidup tara iko Tuhan Allah pe mau. Yesus Kristus mati, pas di waktu yang Tuhan Allah so tentukan.

Roma 5:8

Tapi Tuhan Allah pe sayang pa torang itu tara bagitu. Waktu torang masi berdosa, Yesus Kristus mati untuk torang. Itu yang kase tunju Tuhan Allah pe sayang yang basar pa torang.

1 Yohanes 3:16

Torang tau sayang yang butul-butul itu sama deng Yesus Kristus pe sayang. Dia so kase Dia pe diri sampe mati untuk torang supaya torang dapa slamat. Jadi torang me musti siap kase tong pe diri sampe mati untuk torang pe sudara-sudara yang percaya.