Roma 5:12 - Perjanjian Baru Bahasa Melayu Maluku Utara

¹² Dosa itu mulai ada di dunia ini waktu Adam biking dosa. Kong gara-gara dia so biking dosa, jadi dia musti mati. Bagitu lagi yang mo jadi pa samua orang yang jadi Adam pe turunan. Karna torang samua so biking dosa, torang samua musti mati.

Roma 5:12 ပူးပေါင်းရင်းမြစ်များ

Roma 3:23

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup.

Roma 5:18

Jadi karna Adam biking satu dosa, itu biking torang samua mo dapa hukum. Tapi karna Yesus Kristus biking satu hal yang butul, itu biking samua orang bole jadi orang yang tara sala pa Tuhan Allah pe muka, kong nanti samua orang mo hidup deng Tuhan Allah slama-lamanya.

Roma 5:19

Karna Adam tara iko Tuhan Allah pe mau, itu biking samua orang berdosa. Tapi karna Yesus Kristus iko Tuhan Allah pe mau, itu biking samua orang bole jadi orang yang tara sala pa Tuhan Allah pe muka.

Roma 5:21

Dulu, dosa kuasai pa samua orang, jadi torang musti mati kong tapisa deng Tuhan Allah slama-lamanya. Tapi skarang, karna apa yang Yesus Kristus torang pe Tuhan so biking, Tuhan Allah kase Dia pe bae pa torang, Dia biking torang jadi orang yang tara sala pa Dia pe muka. Turus, karna Tuhan Allah pe bae itu, samua orang bole hidup deng Dia slama-lamanya.

Roma 6:21

Tapi kita tanya pa ngoni e, apa dia pe untung yang ngoni dapa dari dosa yang ngoni jaga biking? Tarada, to? Mala ngoni jadi malu skarang dari apa yang ngoni jaga biking dulu itu. Apalagi dosa itu biking orang mati kong tapisa deng Tuhan Allah slama-lamanya.

Roma 6:23

Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.

1 Korintus 15:56

Dosa itu bisa biking orang mati, itu sama deng binatang pe bisa yang bole biking orang mati. Kong torang yang biking dosa musti dapa hukum, karna torang so langgar aturan-aturan di lima kitab Musa.

Efesus 2:3

Dulu torang samua itu sama deng dorang lagi, torang hidup cuma iko manusia pe mau yang suka biking dosa, deng torang cuma iko torang pe keinginan deng pikiran yang tara bae. Sebenarnya torang pantas dapa hukum dari Tuhan Allah, karna yang torang biking itu jahat, sama deng samua orang di dunia jaga biking.

Yakobus 1:15

Kong kalu orang itu so iko dia pe mau yang jahat, itu dia so berdosa. Jadi kalu dosa itu so kuasai pa dia, dia itu akan mati tapisa deng Tuhan Allah sampe slama-lamanya.

Yakobus 3:2

Torang samua jaga biking sala di banya hal. Orang yang mampo jaga dia pe mulu sampe tara sala bicara, dia itu orang yang sempurna, yang bole kuasai dia pe diri sandiri.