Roma 4:3 - Perjanjian Baru Bahasa Melayu Maluku Utara

³ Karna di Kitab Suci ada tatulis bagini, “Abraham percaya pa Tuhan Allah, deng karna dia pe percaya itu, Tuhan Allah tarima pa dia jadi orang yang tara sala pa Tuhan Allah pe muka.”

Roma 4:3 ပူးပေါင်းရင်းမြစ်များ

Matius 20:9

Di situ, orang-orang karja yang karja paling ka balakang ambe dorang pe gaji kamuka, masing-masing dorang tarima satu perak.

Markus 12:10

Ngoni pasti so baca di Kitab Suci tentang batu yang ada kase sama deng Kita pe diri, tapi ngoni tara mangarti itu. Bagini yang so tatulis, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting.

Roma 10:11

Di Kitab Suci ada tatulis bagini, “Sapa saja yang percaya pa Tuhan Allah, dia tara akan kecewa.”

Roma 11:2

Tuhan Allah tara buang Dia pe umat yang Dia so pili dari dulu. Itu jelas kalu ngoni inga Tuhan Allah pe jawaban dulu pa nabi Elia, waktu dia mengelu pa Tuhan Allah tentang orang Israel. Carita itu ada tatulis di Kitab Suci.

Roma 4:11

Jadi Abraham so percaya dulu pa Tuhan Allah, baru dia dapa sunat. Kong sunat itu yang jadi tanda, Tuhan Allah so tarima pa dia jadi orang yang tara sala karna dia pe percaya pa Tuhan Allah. Deng karna dia pe percaya itu, Abraham jadi samua orang yang percaya pe papa. Biar orang-orang yang percaya itu tara sunat, Tuhan Allah tetap tarima pa dorang jadi orang yang tara sala, karna dorang pe percaya.

Roma 4:5

Tapi torang tara bagitu. Torang jadi orang yang tara sala pa Tuhan Allah pe muka, bukang karna torang pe suar lala, tapi karna torang percaya pa Dia. Dia itu yang biking torang jadi orang yang tara sala pa Dia pe muka, bukang karna torang jaga biking barang yang butul, tapi karna torang pe percaya pa Dia. Dia itu yang bole biking orang yang malawang Dia pe parenta jadi orang yang tara sala pa Dia pe muka.

Roma 4:9

Rasa sanang itu bukang cuma untuk orang yang dapa sunat saja, tapi untuk orang yang tara dapa sunat lagi. Barang torang so bilang tentang conto Abraham tadi, Tuhan Allah tarima pa dia jadi orang yang tara sala pa Tuhan Allah pe muka, itu karna dia pe percaya pa Tuhan Allah.

Roma 9:17

Di Kitab Suci ada tulis tentang apa yang Tuhan Allah bilang pa raja Mesir bagini, “Kita angka pa ngana jadi raja, Kita pe maksut supaya waktu ngana malawang pa Kita, Kita bisa kase tunju Kita pe kuasa, sampe samua orang di dunia ini bole puji pa Kita.”

Yakobus 2:23

Jadi deng Abraham biking bagitu, apa yang tatulis di Kitab Suci so jadi. Dia pe babunyi bagini, “Abraham percaya pa Tuhan Allah, kong karna dia pe percaya itu, Tuhan Allah tarima pa dia jadi orang yang tara sala.” Karna itu, Abraham dapa sebut, “Tuhan Allah pe tamang.”

Yakobus 4:5

Jang ngoni kira kata tarada arti deng apa yang tatulis di Kitab Suci ini, “Tuhan Allah pe Roh yang Dia taru di torang pe hati, Roh itu mau torang pe sayang cuma untuk Tuhan Allah saja. Dia cemburu kalu torang iko dunia pe mau.”