Roma 4:18 - Perjanjian Baru Bahasa Melayu Maluku Utara

¹⁸ Abraham percaya Tuhan Allah pe janji. Jadi biar dia so tua deng dia rasa so tara mungkin mo dapa ana, dia pe harapan tetap kuat deng dia percaya, dia mo jadi papa pa banya suku bangsa di dunia sama deng Tuhan Allah ada bilang, “Nanti ngana pe turunan mo jadi banya.”

Roma 4:18 ပူးပေါင်းရင်းမြစ်များ

Lukas 1:18

Tapi Zakharia tanya pa malaekat itu, “Bagimana kita bisa tau kalu kita deng kita pe bini mo dapa ana? Barang torang dua so tua.”

Kisah Para Rasul 27:25

Jadi sudara-sudara, jang ngoni pata smangat, barang kita yakin, samua yang Tuhan Allah bilang pa kita itu, pasti jadi.

Roma 4:17

Itu sama deng yang Tuhan Allah ada bilang tentang dia di Kitab Suci bagini, “Kita so pili pa ngana jadi papa untuk banya suku bangsa di dunia.” Kong Abraham percaya apa yang Tuhan Allah bilang itu. Tuhan Allah itu yang kase hidup orang yang so mati, deng Dia me yang biking dunia ini dari yang bolong ada, jadi ada, cuma deng Dia pe kata-kata saja.

Roma 4:19

Waktu itu, Abraham pe umur kira-kira so saratus taong, jadi dia so talalu tua mo dapa ana. Deng dia pe bini, Sara, tara bisa dapa ana. Tapi biar Abraham tau samua itu, dia pe percaya tetap kuat.

Roma 5:5

Kong karna torang so baharap deng yakin pa Tuhan Allah, torang tau, torang tara akan kecewa karna Tuhan Allah akan kase samua yang Dia janji. Torang so tau itu butul karna Tuhan Allah so kase Roh Kudus yang bakarja di torang pe hati sampe torang bole rasa Dia pe sayang yang basar.

Roma 8:24

Karna waktu torang jadi percaya, kong Tuhan kase slamat pa torang, mulai waktu itu, torang yakin torang mo dapa apa yang Tuhan Allah janji. Tapi, kalu umpama torang so dapa apa yang torang tunggu-tunggu, itu berarti, torang so tara usa baharap lagi. Karna tara mungkin orang masi baharap, kalu yang dia harap itu dia so dapa.

Ibrani 6:19

Torang pe harapan itu biking torang pe hati kuat deng tenang, sama deng jangkar di laut yang tara tapinda-pinda. Kong karna itu, torang so bole langsung berdoa pa Dia, itu sama deng torang so bole maso pa Tuhan Allah pe Ruang Paling Suci yang dulu orang biasa tara bole maso karna ada pele deng kaeng pampele basar.