Roma 4:11 - Perjanjian Baru Bahasa Melayu Maluku Utara

¹¹ Jadi Abraham so percaya dulu pa Tuhan Allah, baru dia dapa sunat. Kong sunat itu yang jadi tanda, Tuhan Allah so tarima pa dia jadi orang yang tara sala karna dia pe percaya pa Tuhan Allah. Deng karna dia pe percaya itu, Abraham jadi samua orang yang percaya pe papa. Biar orang-orang yang percaya itu tara sunat, Tuhan Allah tetap tarima pa dorang jadi orang yang tara sala, karna dorang pe percaya.

Roma 4:11 ပူးပေါင်းရင်းမြစ်များ

Matius 16:16

Kong Simon Petrus jawab, “Guru itu suda Mesias, Raja yang Tuhan Allah janji mo kase slamat pa manusia. Guru itu Anak Allah yang hidup!”

Matius 8:11

Inga e, nanti banya orang yang bukang Yahudi dari samua tampa di dunia ini, dari timur sampe barat, dorang samua mo jadi Tuhan Allah pe umat, kong mo dudu makang sama-sama deng Abraham, Ishak deng Yakub di Tuhan Allah pe tampa Berkuasa sebagai Raja.

Lukas 19:9

Turus Yesus bilang pa dia, “Hari ini, Tuhan Allah so kase slamat dari dosa-dosa pa ngoni yang tinggal di ruma ini, karna ngana so kase tunju, ngana ini butul-butul Abraham pe turunan.

Yohanes 3:33

Tapi sapa yang percaya deng apa yang Dia kase tau itu, orang itu setuju, samua yang Tuhan Allah bilang itu butul.

Yohanes 3:36

Jadi, sapa yang percaya pa Dia pe Anak itu, dia mo dapa hidup deng Tuhan Allah slama-lamanya, kong sapa yang tara iko Anak itu pe mau, dia tara mo dapa hidup deng Tuhan Allah slama-lamanya, tapi Tuhan Allah pe hukuman ada pa dia slama-lamanya.

Yohanes 6:35

Yesus bilang pa dorang, “Kita ini suda makanang yang biking orang bole mo dapa hidup deng Tuhan Allah slama-lamanya. Sapa saja yang datang pa Kita, dia itu tara akan lapar lagi, deng sapa saja yang percaya pa Kita, dia tara akan aus lagi.

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Yohanes 6:47

Dengar bae-bae yang Kita bilang ini. Sapa saja yang percaya pa Kita, dia itu so dapa hidup deng Tuhan Allah slama-lamanya.

Yohanes 8:33

Kong dorang bilang pa Dia, “Torang ini Abraham pe turunan, kong torang tara perna jadi orang karja yang taika deng dia pe tuang. Jadi bagimana kong Bapa bilang, torang ini mo bebas?”

Roma 10:11

Di Kitab Suci ada tatulis bagini, “Sapa saja yang percaya pa Tuhan Allah, dia tara akan kecewa.”

Roma 10:4

Tuhan Allah pe jalang itu Yesus Kristus. Karna deng Yesus Kristus mati, orang tara usa iko aturan yang ada di lima kitab Musa lagi untuk jadi orang yang butul pa Tuhan Allah pe muka. Kalu dorang percaya pa Yesus Kristus, dorang itu mo jadi orang yang tara sala pa Tuhan Allah pe muka.

Roma 10:6

Tapi, ada lagi yang nabi Musa tulis yang bilang, torang bole jadi orang yang tara sala pa Tuhan Allah pe muka kalu torang percaya. Dia tulis, “Jang ngoni bilang dalam hati bagini, ‘Musti ada satu orang yang nae ka sorga.’ ” Kalu ngoni bilang bagitu, itu dia pe maksut mo bawa Yesus Kristus turung kamari dari sorga supaya kase tau cara orang dapa slamat.

Roma 3:22

torang bole jadi orang yang tara sala pa Dia pe muka karna torang percaya pa Yesus Kristus. Itu mo jadi pa samua orang yang percaya, karna Tuhan Allah tara pili-pili orang.

Roma 3:26

Kong skarang karna Yesus mati untuk torang, torang dapa tau Tuhan Allah adil, deng torang lagi tau, Dia biking orang berdosa yang percaya pa Yesus jadi orang yang so tara sala lagi pa Tuhan Allah pe muka.

Roma 3:30

Tuhan Allah memang cuma satu. Dia mo biking orang-orang yang so percaya pa Yesus jadi orang yang tara sala pa Dia pe muka, biar dia itu orang Yahudi atau bukang Yahudi lagi.

Roma 4:10

Turus, tempo apa Tuhan Allah biking dia jadi orang yang tara sala? Apa waktu dia so dapa sunat atau waktu dia bolong dapa sunat? Yang pasti waktu dia bolong dapa sunat.

Roma 9:30

Karna itu, torang bole bilang bagini: orang-orang yang bukang Yahudi, dorang tara berusaha supaya jadi orang yang butul pa Tuhan Allah pe muka. Tapi, biar bagitu, ada dari dorang yang percaya pa Yesus Kristus sampe Tuhan Allah biking dorang itu jadi orang yang tara sala pa Dia pe muka.

Roma 9:33

Dorang itu lagi sama deng yang Tuhan Allah bilang di Kitab Suci bagini, “Ngoni dengar bae-bae, Kita so taru batu satu di gunung Sion, kong sapa yang tara percaya, dorang pe kaki mo tagate di batu itu kong dorang mo jatu. Tapi sapa yang percaya pa Dia, dorang itu tara akan kecewa.”

Roma 9:6

Memang banya orang Yahudi tara percaya pa Yesus Kristus. Tapi biar bagitu, kita tarada maksut mo bilang Tuhan Allah pe janji-janji pa torang pe orang tua dulu-dulu itu so tara akan jadi. Tapi kita pe maksut, tara samua orang yang lahir dari orang Israel pe turunan itu yang mo jadi Tuhan Allah pe umat.

2 Korintus 1:22

Dia me kase Roh Kudus tinggal dalam tong samua pe hati, la tong yakin samua yang Tuhan janji, pasti Dia kase. Dia kase Roh Kudus itu jadi tanda pa torang, torang itu Dia punya.

Galatia 3:22

Karna di Kitab Suci ada tatulis bagini, “Samua orang di dunia ini so sala pa Tuhan Allah pe muka karna dorang pe dosa.” Jadi karna samua manusia pe dosa itu, Tuhan Allah biking Dia pe janji deng Abraham, supaya sapa yang percaya pa Yesus Kristus, dia itu mo dapa Tuhan Allah pe janji untuk hidup deng Tuhan Allah slama-lamanya, itu yang Tuhan Allah mo kase.

Galatia 3:29

Kong karna ngoni itu Yesus Kristus pe umat, itu berarti, ngoni me so jadi Abraham pe turunan, deng ngoni lagi ada hak mo tarima apa yang Tuhan Allah ada janji dulu pa Abraham.

Galatia 3:7

Jadi dari Kitab Suci itu, ngoni bole tau deng jelas, sapa yang percaya pa Tuhan Allah, dia itu so butul-butul jadi Abraham pe turunan.

Galatia 5:5

Tapi sudara-sudara, Roh Kudus bakarja di torang pe hati jadi torang percaya Tuhan Allah mo biking torang jadi orang yang tara sala pa Dia pe muka. Itu suda yang torang tunggu-tunggu.

Galatia 6:16

Turus ngoni yang hidup iko apa yang kita bilang ini, kita minta supaya Tuhan Allah salalu biking ngoni pe hati tetap tenang deng supaya Dia kase Dia pe rasa kasiang pa ngoni. Ngoni yang hidup bagitu, ngoni itu suda Tuhan Allah pe umat.

Efesus 1:13

Kong ngoni orang-orang yang bukang Yahudi, skarang ngoni me so dengar ajaran yang butul kong so jadi percaya pa Yesus Kristus. Ajaran yang butul itu, Kabar Bae tentang Yesus Kristus yang so kase slamat pa ngoni dari dosa-dosa. Kong waktu ngoni percaya pa Yesus Kristus, Tuhan Allah kase Roh Kudus pa ngoni supaya jadi tanda ngoni itu so jadi Tuhan Allah punya. Roh Kudus itu suda yang Tuhan Allah so janji dari dulu.

Efesus 4:30

Jang sampe deng ngoni pe bicara yang tara bae itu, ngoni biking Tuhan Allah pe Roh Kudus jadi sedi. Inga, Tuhan Allah pe Roh Kudus yang ada pa torang itu jadi tanda, torang ini Tuhan Allah punya, sampe di waktu Dia datang ulang untuk kase slamat pa torang.

Filipi 3:9

deng bole hidup satu hati deng Dia. Tuhan Allah biking kita jadi orang yang tara sala pa Dia pe muka, bukang karna kita berusaha iko aturan-aturan di lima kitab Musa, tapi itu cuma karna kita percaya pa Yesus Kristus. Jadi, cuma deng percaya saja pa Yesus Kristus, kita jadi orang yang tara sala pa Tuhan Allah pe muka.

Ibrani 11:7

Nuh me percaya pa Tuhan Allah, jadi Tuhan Allah kase tau pa dia akan ada banjir basar. Biar Nuh bolong perna lia macam bagitu, tapi Nuh dengar-dengaran pa Tuhan Allah, jadi dia biking kapal satu yang basar skali untuk kase slamat pa dia deng dia pe keluarga. Kong karna Nuh biking kapal itu, itu jadi tanda dia percaya apa yang Tuhan Allah bilang. Jadi jelas, orang-orang yang tara dengar-dengaran pa Tuhan Allah pantas dapa hukum dari Tuhan Allah. Deng karna Nuh pe percaya itu, dia bole dapa apa yang Tuhan Allah janji, kong Tuhan Allah biking dia jadi orang yang tara sala pa Tuhan Allah pe muka.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Wahyu 9:4

Tapi boto-boto itu dapa kase parenta la jang kase rusak rumpu-rumpu, tanaman laeng deng pohong-pohong di bumi, tapi dorang cuma bole kase siksa pa orang-orang yang tarada Tuhan Allah pe cap di dong pe testa.