Roma 4:1 - Perjanjian Baru Bahasa Melayu Maluku Utara

¹ Jadi, apa yang musti torang biking supaya torang jadi orang yang tara sala pa Tuhan Allah pe muka? Torang ambe conto pa Abraham. Dia itu torang pe orang tua dulu-dulu.

Roma 4:1 ပူးပေါင်းရင်းမြစ်များ

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Lukas 3:8

Kalu ngoni butul so bertobat, ngoni musti biking hal yang bae turus supaya ada bukti ngoni itu so bertobat. Itu sama deng pohong yang subur, dia pe bua me bagus-bagus. Jang ngoni pikir ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Yohanes 8:33

Kong dorang bilang pa Dia, “Torang ini Abraham pe turunan, kong torang tara perna jadi orang karja yang taika deng dia pe tuang. Jadi bagimana kong Bapa bilang, torang ini mo bebas?”

Yohanes 8:53

Jang sampe Bapa bapikir Bapa lebe hebat dari torang pe orang tua dulu-dulu, Abraham. Memang dia so mati. Nabi-nabi laeng me so mati. Bapa ini sapa kong bicara macam bagitu?”

Yohanes 8:56

Ngoni pe orang tua dulu-dulu Abraham sanang skali waktu dia masi hidup, barang dia tau Tuhan Allah pe janji, nanti dia mo lia Kita datang. Kong skarang waktu Kita datang, Abraham so lia Kita so datang, jadi dia sanang skali.”

Kisah Para Rasul 13:26

Sudara-sudara orang Israel, Abraham pe turunan, deng ngoni yang bukang Yahudi tapi jaga semba pa Tuhan Allah, pa torang samua ini, Tuhan Allah so kase tau Dia mo kase slamat pa manusia dari dosa-dosa.

Roma 1:3

Kabar Bae itu tentang Anak Allah yang datang di dunia sebagai manusia, Dia lahir dari raja Daud pe turunan.

Roma 3:5

Torang orang Yahudi jaga biking barang yang tara butul. Deng bagitu, banya orang lebe tau Tuhan Allah itu salalu butul. Tapi jang sampe ada yang bilang bagini, “Itu berarti, ada dia pe bae torang biking dosa. Jadi, kalu torang dapa hukum, itu pe arti, Tuhan Allah tara butul.” Kalu dorang bilang bagitu, itu cuma manusia pe pikiran saja.

Roma 4:16

Jadi torang mo dapa Tuhan Allah pe janji itu cuma karna torang percaya pa Dia saja. Tuhan Allah kase Dia pe janji itu karna Dia pe bae, supaya samua Abraham pe turunan bole dapa Tuhan Allah pe janji. Kong Tuhan Allah pe janji itu bukang cuma untuk orang Yahudi saja yang jaga iko aturan di lima kitab Musa, tapi pa samua orang yang percaya sama deng Abraham. Abraham itu torang samua yang percaya pe papa.

Roma 6:1

Tuhan Allah so kase ampun pa torang, karna Dia pe bae pa torang. Tapi jang sampe ada orang yang bilang bagini, “Kalu bagitu, torang turus biking dosa saja supaya Tuhan Allah lebe tamba kase Dia pe bae pa torang.”

Roma 7:7

Kong, kalu gara-gara aturan di lima kitab Musa itu torang lebe tamba biking dosa, apa torang mo bilang aturan itu sala? Pasti tarada, to? Aturan di lima kitab Musa itu tara sala, mala karna aturan itu ada, kita sandiri baru tau apa itu dosa. Dia pe conto bagini: di lima kitab Musa ada aturan yang tatulis, “Tara bole ingin orang laeng pe barang.” Kita tara tau kalu ingin orang laeng pe barang itu dosa, kong kita baru tau itu dosa, karna aturan itu.

Roma 8:31

Kalu torang inga samua yang Tuhan Allah so biking untuk torang, torang musti yakin Tuhan Allah ada sama-sama deng torang. Jadi sapa yang mampo lawan pa torang? Tarada, to?

2 Korintus 11:22

Dorang puji dong pe diri, barang dorang dari bangsa Ibrani, orang Israel pe turunan, deng Abraham pe turunan. Tapi biar bagitu, kita me bole puji kita pe diri sama deng dorang, karna kita me dari bangsa Ibrani, kita me orang Israel pe turunan, deng kita me Abraham pe turunan.

Ibrani 12:9

Memang torang pe papa di dunia jaga togor pa torang, kong torang hormati pa dia. Apalagi waktu torang pe Bapa di sorga togor pa torang, torang musti lebe hormati deng dengar-dengaran pa Dia, supaya torang bole dapa hidup deng Tuhan Allah slama-lamanya.