Roma 3:3 - Perjanjian Baru Bahasa Melayu Maluku Utara

³ Tapi ada dari torang orang Yahudi yang tara setia pa Tuhan Allah. Kalu bagitu, apa Tuhan Allah tara mau setia lagi deng Dia pe janji?

Roma 3:3 ပူးပေါင်းရင်းမြစ်များ

Matius 24:35

Langit deng bumi mo abis, tapi Kita pe kata-kata akan tetap ada sampe slama-lamanya.”

Yohanes 1:16

Dia pe sayang pa torang tara perna abis-abis. Kong karna Dia pe sayang itu, Dia tara berenti-berenti kase Dia pe bae pa torang samua.

Roma 10:16

Tapi tara samua orang yang dengar Kabar Bae itu jadi percaya. Barang, nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau to?”

Roma 11:29

Tuhan Allah masi sayang pa orang Yahudi, karna kalu Dia pili orang untuk jadi Dia pe umat deng kase yang bae pa dorang, Dia tara perna beruba pikiran.

Roma 9:6

Memang banya orang Yahudi tara percaya pa Yesus Kristus. Tapi biar bagitu, kita tarada maksut mo bilang Tuhan Allah pe janji-janji pa torang pe orang tua dulu-dulu itu so tara akan jadi. Tapi kita pe maksut, tara samua orang yang lahir dari orang Israel pe turunan itu yang mo jadi Tuhan Allah pe umat.

2 Korintus 3:18

Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

2 Timotius 2:13

Tapi biar torang tara setia, Dia tetap setia, karna samua yang Dia so janji tara mungkin Dia tara biking.”

Ibrani 4:2

Barang, torang me so dengar kabar yang bae tentang bisa baistrahat sama-sama deng Tuhan Allah, sama deng torang pe orang tua dulu-dulu so dengar. Tapi kabar yang torang pe orang tua dulu-dulu dengar itu tara ada guna, barang dorang tara percaya butul-butul.