Roma 2:8 - Perjanjian Baru Bahasa Melayu Maluku Utara

⁸ Tapi ada lagi orang-orang yang cuma pikir dong pe diri sandiri saja. Dorang tara mau iko Tuhan Allah pe ajaran, dorang cuma iko dong pe mau sandiri yang suka biking jahat. Tuhan Allah mo mara skali, kong hukum pa dorang.

Roma 2:8 ပူးပေါင်းရင်းမြစ်များ

Roma 1:18

Tuhan Allah yang ada di sorga mara pa manusia yang tara iko Dia pe mau deng yang jaga biking barang yang jahat. Apalagi dorang pe kajahatan itu me biking orang laeng tara iko ajaran yang butul tentang Tuhan Allah.

Roma 10:16

Tapi tara samua orang yang dengar Kabar Bae itu jadi percaya. Barang, nabi Yesaya dulu perna tulis, “Tuhan, amper-amper tarada orang yang percaya kabar yang torang kase tau to?”

Roma 15:18

Jadi yang barani kita bilang pa orang, cuma apa yang kita biking pake Yesus Kristus pe kuasa yang ada pa kita. Dia pe kuasa yang ada pa kita itu, yang biking kita mampo kase ajar pa orang-orang yang bukang Yahudi sampe dorang dengar-dengaran pa Tuhan Allah. Dorang jadi dengar-dengaran itu karna apa yang kita bilang deng apa yang kita biking.

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

Roma 9:22

Bagitu lagi deng Tuhan Allah. Dia pe hak biking pa torang iko Dia pe mau. Biar Dia mara pa dorang yang jaga biking dosa deng Dia ingin kase tunju Dia pe kuasa untuk hukum pa dorang, tapi Dia sabar deng dorang sampe Dia tara hukum pa dorang yang pantas mo tapisa deng Tuhan Allah slama-lamanya.

1 Korintus 11:16

Tapi kalu ada orang yang mo baku malawang tentang masala parampuang mo tutu kapala, torang mo kase tau pa dorang, torang deng Tuhan Allah pe jemaat-jemaat lagi pe biasa so bagitu suda.

2 Korintus 12:20

Kita hawater, kalu kita so datang pa ngoni nanti, ngoni bolong biking sama deng yang kita mau. Bagitu lagi deng ngoni, ngoni lia kita biking tara sama deng yang ngoni mau. Kita hawater, jang sampe kita dapa ada dari ngoni yang baku-baku malawang, baku mangiri, mara-mara, cuma pikir diri sandiri, carita busu orang pe nama, bamulu, basombong deng biking kaco.

Galatia 5:20

jaga semba pa dong pe puji-puji, pake tiop-tiop, binci pa orang laeng, bakalae, mangiri pa orang-orang laeng, capat skali mara, cuma pikir diri sandiri, suka biking orang tapisa-pisa, suka baku beda pendapat sampe biking kelompok-kelompok,

Filipi 1:17

Tapi dorang yang pe maksut tara bae itu, dorang kase tau tentang Yesus Kristus, cuma supaya lebe banya orang dengar pa dorang. Dorang kira kata, deng dong biking bagitu, kita lebe tamba sengsara di dalam penjara.

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

Titus 3:9

Jang ngana baku malawang tentang asal-usul orang tua dulu-dulu deng tentang hal-hal laeng yang tarada dia pe guna. Ngana me tara bole baku malawang deng bakalae tentang aturan yang ada di lima kitab Musa, karna itu tarada dia pe guna deng cuma buang-buang waktu saja.

Ibrani 10:27

Kalu torang pe kalakuang macam deng itu, torang tinggal tunggu dia pe waktu Tuhan Allah mo hukum pa torang yang paling biking dapa tako. Dia mo hukum pa torang deng api yang mamanyala. Api itu mo kase angus abis pa orang-orang yang malawang pa Dia.

Ibrani 11:8

Bagitu lagi deng Abraham. Karna Abraham percaya pa Tuhan Allah, dia iko Tuhan Allah pe parenta kong pigi jao di tana yang Tuhan Allah so janji mo kase pa dia. Biar dia bolong tau mo pigi ka mana, dia iko saja Tuhan Allah pe parenta itu.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

Yakobus 3:14

Tapi kalu ngoni masi suka mangiri deng cuma pikir diri sandiri, jang ngoni basombong bilang ngoni itu pande skali. Kalu ngoni bagitu, ngoni so kase putar bale ajaran yang butul.

Yakobus 3:16

Karna kalu orang pangmangiri deng cuma pikir diri sandiri, dia pasti biking kaco deng biking samua hal yang jahat.

1 Petrus 3:1

Bagitu lagi deng ngoni bini-bini, ngoni musti dengar-dengaran pa ngoni pe laki. Deng bagitu, kalu ada dari ngoni pe laki yang tara percaya Tuhan pe firman, ngoni tara perlu bilang apa-apa pa dorang, tapi ngoni pe cara hidup yang bae itu yang jadi conto la biking dong jadi percaya.

1 Petrus 4:17

Barang, skarang so dekat dia pe waktu untuk Tuhan Allah mo adili pa samua orang, kong yang kakamuka Dia mo adili itu Dia pe umat sandiri. Jadi kalu Tuhan Allah mo adili pa torang kamuka, bagimana nanti yang mo jadi deng orang-orang yang tara percaya Kabar Bae dari Tuhan Allah?

Wahyu 14:10

Tuhan Allah mara skali kong mo hukum pa dorang. Hukuman itu sama deng dorang mo minum anggur pait yang tara campur deng apa-apa. Tuhan Allah mo buang pa dorang di api deng di belerang kong malaekat-malaekat yang kudus deng Anak Domba lia pa dorang dari atas.

Wahyu 16:19

sampe kota Babel yang basar itu tabalá jadi tiga. Deng kota-kota laeng yang dia pe orang tara kanal pa Tuhan Allah me ancor samua. Itu jadi karna Tuhan Allah tara lupa Dia pe mara pa kota Babel yang basar itu, tapi kase hukuman pa dorang tarada ampun. Itu sama deng Dia kase pa dorang minum anggur yang kuat skali.