Roma 2:5 - Perjanjian Baru Bahasa Melayu Maluku Utara

⁵ Tapi ngoni ini kapala batu, ngoni tara mau bertobat. Karna itu, ngoni sandiri yang biking ngoni pe hukuman lebe tamba barát di hari kiamat. Di waktu itu, Tuhan Allah mo kase tunju Dia pe mara deng mo kase hukuman yang adil pa samua orang.

Roma 2:5 ပူးပေါင်းရင်းမြစ်များ

Roma 1:18

Tuhan Allah yang ada di sorga mara pa manusia yang tara iko Dia pe mau deng yang jaga biking barang yang jahat. Apalagi dorang pe kajahatan itu me biking orang laeng tara iko ajaran yang butul tentang Tuhan Allah.

Roma 11:25

Sudara-sudara yang percaya yang bukang orang Yahudi, kita mo kase tau pa ngoni Tuhan Allah pe rencana yang bolong ada orang yang tau. Kita mo kase tau supaya jang ngoni baanggap diri pande. Ini Tuhan Allah pe rencana: biar skarang banya orang Yahudi tara mo percaya pa Yesus Kristus, tapi dorang tara akan bagitu turus. Dorang pe kapala batu itu cuma sampe di waktu samua orang bukang Yahudi yang Tuhan Allah so pili jadi percaya.

Roma 9:22

Bagitu lagi deng Tuhan Allah. Dia pe hak biking pa torang iko Dia pe mau. Biar Dia mara pa dorang yang jaga biking dosa deng Dia ingin kase tunju Dia pe kuasa untuk hukum pa dorang, tapi Dia sabar deng dorang sampe Dia tara hukum pa dorang yang pantas mo tapisa deng Tuhan Allah slama-lamanya.

2 Korintus 5:10

Torang mo kase sanang Tuhan Allah pe hati, karna nanti torang samua musti mangada pa Yesus Kristus untuk dapa adili, supaya tiap orang mo dapa apa yang pantas dia dapa. Yang pantas dia dapa itu iko apa yang dia biking waktu dia tinggal di dunia ini, bae atau jahat.

2 Tesalonika 1:5

Waktu torang dengar ngoni pe kabar bagitu, torang tau, samua yang Tuhan Allah biking itu adil. Ngoni skarang dapa siksa karna percaya pa Tuhan, tapi ngoni tetap percaya pa Dia. Jadi ngoni pantas jadi Tuhan Allah pe umat yang Dia Berkuasa sebagai Raja pa ngoni pe hidup.

Ibrani 3:13

Tapi ngoni, tiap hari, selama masi ada kesempatan yang torang bilang “hari ini”, ngoni musti baku kase kuat ngoni pe hati untuk tamba percaya pa Yesus, supaya tara ada satu dari ngoni yang dapa tipu kong biking dosa sampe jadi tara dengar-dengaran lagi pa Tuhan Allah.

Ibrani 3:15

Itu sama deng yang tatulis di Kitab Suci bagini, “Hari ini, kalu ngoni dengar Tuhan Allah pe suara, jang ngoni kapala batu, macam deng ngoni pe orang tua dulu-dulu biking, waktu dorang malawang pa Tuhan Allah.”

Ibrani 4:7

Barang, Tuhan Allah so tentukan hari laeng lagi, supaya manusia bole baistrahat sama-sama deng Dia. Hari yang Dia so tentukan itu, yang torang bilang “Hari ini” suda. Barang, deng ratus-ratus taong abis nabi Musa itu, Tuhan Allah biking raja Daud bicara pa Tuhan Allah pe umat tentang hari itu bagini, “Hari ini, kalu ngoni dengar Tuhan Allah pe suara, jang ngoni bakapala batu.”

Yakobus 5:3

Ngoni pe mas deng perak so bakarat. Dia bakarat itu jadi bukti ngoni skakar pa orang, jadi Tuhan Allah akan hukum kase ancor ngoni pe badan, sama deng api kase angus rumpu. Ngoni so kumpul harta banya-banya, tapi samua itu akan ilang di hari kiamat.

2 Petrus 2:9

Jadi, conto-conto itu biking jelas, Tuhan Allah pasti kase slamat Dia pe umat dari dorang pe sengsara. Dia me akan tahang orang-orang yang tara biking Dia pe mau, kong nanti di hari kiamat, Dia mo hukum pa dorang itu.

2 Petrus 3:7

Kong cuma deng bicara lagi, Tuhan Allah jaga langit deng bumi skarang, sampe di waktu Dia mo hukum pa orang-orang yang tara iko Dia pe mau deng Dia mo biking dorang mati slama-lamanya. Di waktu itu, Dia mo bakar kase abis dunia deng langit ini.

Yudas 1:6

Bagitu lagi deng malaekat-malaekat. Tuhan Allah so kase kuasa pa dorang, tapi ada dia pe batas. Cuma ada dari malaekat-malaekat itu yang tara puas deng dong pe batas kuasa yang Tuhan Allah kase, jadi dorang kaluar kase tinggal dong pe tampa tinggal di sorga. Malaekat-malaekat itu, Tuhan Allah ika pa dorang deng rante yang tara bisa talapas, kong tahang pa dorang di tampa yang paling galap, sampe di waktu Tuhan mo adili pa manusia.

Wahyu 2:21

Kita so kase waktu untuk parampuang itu babarapa kali la dia bertobat, tapi dia tara mau kong dia baseks sabarang turus.

Wahyu 6:17

Barang, waktu yang Tuhan Allah deng Anak Domba mo adili samua orang so sampe, kong tarada satu orang yang bisa tahang mo mangada hukuman yang barát itu.