Roma 2:12 - Perjanjian Baru Bahasa Melayu Maluku Utara

¹² Orang-orang Yahudi itu so ada aturan di lima kitab Musa, jadi kalu dorang langgar aturan itu, itu berarti, dorang biking dosa, kong Tuhan Allah mo hukum pa dorang. Tapi kalu orang-orang yang bukang Yahudi, biar dorang tara tau aturan di lima kitab Musa, Tuhan Allah tetap anggap dorang berdosa kalu dorang biking sala. Dia mo hukum pa dorang bukang karna dorang tara iko aturan di lima kitab Musa, tapi karna dorang biking sala. Kong dorang itu akan tapisa deng Dia slama-lamanya.

Roma 2:12 ပူးပေါင်းရင်းမြစ်များ

Matius 11:22

Inga bae-bae e, nanti di hari kiamat, waktu Tuhan mo adili pa samua orang, orang-orang Tirus deng Sidon pe hukuman akan lebe ringan dari ngoni.

Matius 11:24

Inga bae-bae e, nanti di hari kiamat, waktu Tuhan mo adili pa samua orang, orang-orang jahat di daera Sodom itu pe hukuman akan lebe ringan dari ngoni.”

Yohanes 19:11

Kong Yesus bilang pa dia, “Bapa memang ada kuasa pa Kita, tapi itu cuma Tuhan Allah yang kase kuasa itu pa bapa. Jadi, orang yang serakan Kita pa bapa, orang itu pe dosa lebe basar dari bapa pe dosa.”

Kisah Para Rasul 2:23

Tapi biar ngoni so tau itu, ngoni serakan Yesus pa orang jahat, kong dorang paku pa Dia di salib sampe mati. Tapi itu Tuhan Allah pe maksut deng rencana dari dulu, Dia yang serakan Yesus pa ngoni.

Roma 1:32

Dorang itu so tau Tuhan Allah pe aturan yang bilang, “Orang yang jaga biking barang yang jahat itu, dorang pantas dapa hukuman mati.” Tapi biar dorang tau itu, dorang tetap biking barang yang jahat itu. Deng dorang me setuju orang laeng biking bagitu.

Roma 4:15

Barang, kalu orang mo iko aturan di lima kitab Musa, dia tara mampo iko aturan itu, mala dia cuma biking Tuhan Allah mara sampe Tuhan Allah mo hukum pa dorang. Tapi kalu tarada aturan di lima kitab Musa, pasti tarada orang yang mo langgar aturan itu.

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

1 Korintus 9:21

Waktu kita bawa Kabar Bae pa orang-orang bukang Yahudi yang tara iko aturan di lima kitab Musa, kita biking kita pe diri sama deng dorang yang tara iko aturan-aturan di lima kitab Musa. Kita biking bagitu, supaya kita bole pengaru pa dorang la dong percaya pa Yesus Kristus. Kita pe maksut, bukang kita langgar Tuhan Allah pe aturan itu, tapi kita tetap iko Yesus Kristus pe parenta.

Galatia 3:10

Tapi orang yang berusaha untuk jadi orang yang butul pa Tuhan Allah pe muka deng cara biking aturan-aturan di lima kitab Musa, dorang itu suda orang-orang yang dapa kutuk dari Tuhan Allah karna tara ada dari dorang yang mampo biking samua aturan itu. Karna di Kitab Suci tatulis bagini, “Sapa yang tara biking samua aturan di lima kitab Musa, dia itu mo dapa kutuk dari Tuhan Allah.”

Galatia 3:22

Karna di Kitab Suci ada tatulis bagini, “Samua orang di dunia ini so sala pa Tuhan Allah pe muka karna dorang pe dosa.” Jadi karna samua manusia pe dosa itu, Tuhan Allah biking Dia pe janji deng Abraham, supaya sapa yang percaya pa Yesus Kristus, dia itu mo dapa Tuhan Allah pe janji untuk hidup deng Tuhan Allah slama-lamanya, itu yang Tuhan Allah mo kase.

Yakobus 2:10

Karna sapa yang iko Tuhan Allah pe aturan-aturan, dia musti iko samua. Tapi kalu dia langgar Tuhan Allah pe aturan-aturan, biar cuma satu saja, itu sama deng dia so langgar aturan samua.