Roma 2:11 - Perjanjian Baru Bahasa Melayu Maluku Utara

¹¹ Barang, Tuhan Allah tara pili-pili orang.

Roma 2:11 ပူးပေါင်းရင်းမြစ်များ

Matius 22:16

Jadi dorang suru pa dong pe murit-murit deng babarapa orang yang jaga iko pa raja Herodes pigi ka sana supaya bilang bagini, “Guru, torang tau, Guru ini jujur. Guru jaga kase ajar pa orang-orang yang butul tentang bagimana hidup iko Tuhan Allah pe mau. Kong Guru tara tako pa sapa-sapa, karna Guru tara cari muka.

Lukas 20:21

Jadi dorang mulai tanya pa Yesus bagini, “Guru, torang tau samua yang Guru bilang deng kase ajar itu butul. Guru me tara suka cari muka pa orang-orang. Mala Guru kase ajar yang butul tentang bagimana hidup iko Tuhan Allah pe mau.

Kisah Para Rasul 10:34

Turus, Petrus mulai bicara pa dorang, “Sudara-sudara! Skarang kita baru tau butul-butul, Tuhan Allah itu tara pili-pili orang.

Roma 9:14

Deng bagitu, torang tau Tuhan Allah pili pa satu orang, kong yang laeng Dia tara pili. Tapi bukang berarti, Tuhan Allah itu tara adil, to?

Galatia 2:6

Kong tentang pemimpin-pemimpin jemaat di Yerusalem yang kita baku dapa itu, waktu dorang dengar Kabar Bae yang kita biasa kase tau pa orang-orang, dorang tara suru kita tamba apa-apa. (Biar lagi pemimpin-pemimpin itu orang anggap orang basar, kita tara pusing, karna Tuhan Allah tara pili-pili orang).

Efesus 6:9

Bagitu lagi deng ngoni tuang-tuang, ngoni me musti biking yang bae pa ngoni pe orang-orang karja yang ngoni so bili. Jang ngoni ancam pa dorang. Inga, ngoni pe Tuhan deng dorang pe Tuhan itu cuma satu. Dia ada di sorga kong Dia tara pili-pili orang.

Kolose 3:25

Jadi sapa saja yang biking barang yang tara butul, dia mo dapa hukum dari Tuhan Allah, karna Tuhan Allah itu tara pili-pili orang waktu kase hukuman.

1 Petrus 1:17

Ngoni pangge Tuhan Allah itu “Bapa” waktu ngoni berdoa pa Dia. Dia itu suda yang mo adili pa samua orang tara pake pili-pili iko deng dorang pe kalakuang. Karna itu, ngoni musti hidup deng rasa tako pa Dia selama ngoni manumpang di dunia ini.