Roma 2:1 - Perjanjian Baru Bahasa Melayu Maluku Utara

¹ Sudara-sudara, memang Tuhan Allah mo hukum pa samua orang yang jaga biking barang yang jahat macam tadi itu. Tapi ngoni me biking barang yang jahat itu, jadi ngoni tara ada alasan kase sala pa dorang. Karna kalu ngoni bilang dorang pantas Tuhan Allah hukum, itu sama saja deng ngoni so hukum ngoni pe diri sandiri.

Roma 2:1 ပူးပေါင်းရင်းမြစ်များ

Lukas 12:14

Tapi Yesus bilang pa dia, “Ee sudara, sapa yang tunju pa Kita jadi hakim atau orang yang tukang barbage ngoni dua pe waris?”

Lukas 19:22

Kong raja itu bilang pa dia pe orang karja itu, ‘He, ngana orang karja yang jahat! Kita mo hukum pa ngana sama deng apa yang ngana ada bilang. Ngana tau kita ini orang karas: kita jaga ambe barang yang bukang kita punya, deng jaga pete hasil kobong yang kita tara tanam.

Lukas 6:37

Yesus bilang lagi, “Jang ngoni kase sala pa orang laeng, supaya Tuhan Allah me tara kase sala pa ngoni. Jang ngoni hukum pa orang, supaya Tuhan me tara hukum pa ngoni. Ngoni kase ampun suda pa orang laeng, supaya Tuhan me kase ampun ngoni pe dosa.

Roma 14:22

Kalu ngoni yakin apa yang ngoni makang, minum atau biking itu tara sala, biar suda ngoni simpang itu di ngoni pe dalam hati supaya cuma ngoni deng Tuhan Allah saja yang tau, tara perlu ngoni suru orang laeng iko apa yang ngoni biking itu. Kalu ngoni rasa tara sala waktu ngoni biking satu barang yang ngoni yakin itu butul, ngoni itu suda yang paling sanang.

Roma 2:2

Torang tau, Tuhan Allah pe hukuman pa orang-orang yang biking barang yang jahat itu memang butul.

Roma 2:3

Jadi ngoni yang jaga kase sala pa orang laeng, jang ngoni pikir ngoni mo dapa bebas dari Tuhan Allah pe hukuman, karna ngoni me jaga biking barang yang jahat.

Roma 3:9

Jadi, dari situ torang dapa tau, torang orang Yahudi tara lebe bae dari orang yang bukang Yahudi, karna tadi torang so bilang kamuka, dosa so kuasai pa samua orang, biar lagi dia itu orang Yahudi atau bukang Yahudi.

Roma 9:20

Tapi torang tara bole pikir bagitu. Torang ini sapa kong, sampe torang barani malawang pa Tuhan Allah? Torang ini cuma manusia yang Tuhan Allah cipta. Masa torang bilang bagini pa Dia, “Bikiapa kong Tuhan Allah cipta pa kita bagini?”

1 Korintus 4:5

Karna itu, jang ngoni nilai orang laeng sala kalu bolong dia pe waktu. Nanti waktu Tuhan datang ulang, itu dia pe waktu untuk Tuhan mo adili pa samua orang. Kong waktu itu, Dia mo buka samua hal yang orang sambunyi dalam galap. Dia me akan buka apa yang orang rencana dalam hati. Waktu itu, Tuhan Allah akan puji pa tiap orang yang pantas dapa puji.

1 Korintus 7:16

Kita suru ngoni yang percaya itu jang cere ngoni pe laki atau bini yang tara percaya itu, karna sapa tau dia bisa jadi orang yang percaya kong dapa slamat karna dia lia ngoni yang percaya pe cara hidup yang bae waktu masi sama-sama deng dia.

Yakobus 2:20

Ee ngoni orang-orang yang tara tau apa-apa! Kalu orang percaya pa Tuhan tapi tara biking apa yang Tuhan mau dalam dia pe hidup, dia pe percaya itu tarada guna.

Yakobus 4:11

Sudara-sudara, jang ngoni baku biking busu ngoni pe sudara pe nama. Sapa yang biking busu dia pe sudara pe nama atau tudu dia pe sudara itu sala, itu sama deng dia so biking busu deng kase sala Tuhan Allah pe aturan. Kong kalu ngoni kase sala Tuhan Allah pe aturan, ngoni itu tara iko aturan itu, tapi ngoni biking ngoni pe diri jadi hakim untuk kase sala aturan itu.