Roma 16:2 - Perjanjian Baru Bahasa Melayu Maluku Utara

² Nanti waktu dia pigi pa ngoni, kita minta supaya ngoni tarima pa dia deng bae-bae, barang dia so percaya pa Tuhan sama deng ngoni. Ngoni musti tarima pa dia deng bae-bae karna model bagitu yang orang-orang yang so jadi Tuhan Allah pe umat musti biking. Kong kita minta lagi, kalu dia perlu apa-apa pa ngoni, ngoni kase suda yang dia perlu, karna dia sandiri so kase bantuan pa banya orang deng pa kita lagi.

Roma 16:2 ပူးပေါင်းရင်းမြစ်များ

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Kisah Para Rasul 9:13

Turus Ananias bilang, “Ado, Tuhan. Kita so dengar dari orang-orang, dia itu so siksa banya orang yang so jadi Tuhan Allah pe umat di kota Yerusalem.

Kisah Para Rasul 9:15

Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel.

Kisah Para Rasul 9:36

Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa.

Kisah Para Rasul 9:39

Pe dengar bagitu, Petrus langsung pigi sama-sama deng dorang. Pe sampe di Yope, dorang antar pa Petrus di kamar di lante atas, tampa yang dorang taru Talita pe mayat. Turus janda-janda yang ada di situ badekat pa Petrus, kong deng mamanangis dorang kase tunju pa Petrus baju-baju deng pakeang laeng yang Tabita biking waktu dia masi hidup.

Kisah Para Rasul 9:41

Turus Petrus pegang Tabita pe tangan kong bantu kase badiri pa dia. Abis itu, Petrus pangge pa janda-janda deng pa orang-orang yang so jadi Tuhan Allah pe umat, kong kase tunju pa dorang, Tabita so hidup ulang.

Roma 15:7

Karna itu, ngoni musti tarima satu deng yang laeng, sama deng Yesus Kristus me so tarima pa torang, supaya Tuhan Allah dapa puji deng hormat.

Roma 16:15

Turus kirim salam lagi pa Filologus, Yulia, Nereus deng dia pe sudara parampuang. Deng kirim salam lagi pa Olimpas, deng lagi pa samua orang yang so jadi Tuhan Allah pe umat yang sama-sama deng dorang.

Roma 16:23

Gayus lagi ada kirim salam pa ngoni. Dia yang ada kase dia pe ruma untuk kita manumpang, deng dia lagi ada kase dia pe ruma pa jemaat la bakumpul untuk baibada. Kong Erastus, bendahara kota, deng torang pe sudara yang percaya yang pe nama Kwartus, ada kirim salam lagi pa ngoni.

Roma 16:6

Kirim salam lagi pa Maria yang so karja karas untuk ngoni pe bae.

Roma 16:9

Kirim salam lagi pa Urbanus, torang pe tamang yang karja sama-sama deng torang untuk Yesus Kristus. Kong kirim salam lagi pa Stakhis yang kita sayang.

Efesus 5:3

Ngoni itu Tuhan Allah pe umat, jadi jang ngoni baseks sabarang, jang biking hal-hal yang cafarune, deng jang ingin orang pe barang jadi ngoni punya. Samua itu biar cuma sebut saja me jangan, karna itu tara pantas untuk orang-orang yang so jadi Tuhan Allah pe umat.

Filipi 1:27

Jadi yang penting skarang, ngoni musti hidup deng cara yang pantas untuk orang-orang yang so percaya Kabar Bae tentang Yesus Kristus, supaya nanti kalu kita pigi lia pa ngoni, atau kalu kita bolong sempat pigi pa ngoni, kita bole dengar, ngoni samua tetap kuat percaya deng satu hati, deng ngoni me sama-sama bakarja karas kase tau Kabar Bae itu pa orang-orang supaya dorang lagi bole jadi percaya.

Filipi 2:29

Jadi, kita minta pa ngoni, tarima suda pa dia deng hati yang paling sanang, karna dia itu ngoni pe sudara yang sama-sama deng ngoni so satu hati deng Tuhan. Ngoni me musti hormati pa orang-orang yang sama deng dia itu.

Kolose 4:10

Aristarkhus yang dapa penjara sama-sama deng kita di sini, ada kirim salam pa ngoni. Markus lagi yang Barnabas pe sudara sepupu itu, ada kirim salam pa ngoni. Tuhari kita so pasáng pa ngoni, jadi kalu Markus datang, ngoni tarima pa dia bae-bae.

1 Timotius 2:10

Tapi lebe bae parampuang itu biking bagus dong pe diri deng cara jaga biking apa yang bae. Cara itu yang pantas untuk parampuang yang mangaku percaya pa Tuhan.

2 Timotius 1:18

Ngana tau butul, tempo hari dia so banya kali bantu pa kita di kota Efesus. Jadi, nanti waktu hari Kiamat, hari yang Tuhan adili pa orang-orang, kita minta supaya Tuhan kase tunju Dia pe rasa kasiang pa Onesiforus.

Titus 2:3

Bagitu lagi deng parampuang-parampuang yang so tua, ngana kase ajar pa dorang supaya dorang pe cara hidup iko Tuhan Allah pe mau. Dorang tara bole biking busu orang pe nama, deng tara bole jadi pangmabo. Dorang musti kase ajar yang bae pa orang-orang.

Filemon 1:12

Skarang, Onesimus yang kita sayang itu, kita kase pulang ulang pa ngana.

Filemon 1:17

Jadi Filemon, kalu ngana anggap kita ini ngana pe tamang yang sama-sama percaya pa Tuhan, kita harap kalu dia bale ulang pa ngana, ngana mau tarima pa dia sama deng ngana ada tarima pa kita sandiri.

2 Yohanes 1:10

Jadi kalu ada orang datang kase tau pa ngoni ajaran yang tara sama deng Yesus Kristus pe ajaran, jang ngoni tarima pa dia di ngoni pe ruma deng jang kase salam pa dia.