Roma 14:2 - Perjanjian Baru Bahasa Melayu Maluku Utara

² Ada conto bagini: orang yang pe percaya so kuat pa Tuhan, dorang itu so tau tarada makanang yang haram lagi. Tapi orang yang pe percaya bolong kuat pa Tuhan, dorang tako makang daging, dong cuma makang sayor saja.

Roma 14:2 ပူးပေါင်းရင်းမြစ်များ

1 Timotius 4:4

Barang, samua yang Tuhan Allah biking itu bae, tarada yang haram, asal torang tarima deng bilang tarimakasi pa Tuhan Allah.

Roma 14:14

Deng karna kita so satu hati deng Tuhan Yesus, kita tau deng yakin, tara ada lagi makanang yang haram pa Tuhan Allah pe muka. Tapi kalu ada orang yang pikir ada makanang yang haram, makanang itu mo jadi haram untuk dia kalu dia makang.

Ibrani 13:9

Jang ngoni iko ajaran-ajaran yang tara butul yang bole biking ngoni jadi sesat. Barang, kalu iko aturan tentang makanang yang halal deng haram, tarada dia pe guna untuk biking ngoni jadi sempurna pa Tuhan Allah pe muka. Cuma Tuhan Allah pe sayang deng pe bae yang bisa biking ngoni pe percaya pa Tuhan jadi kuat.

Galatia 2:12

Karna bagini: dia pe biasa dudu makang sama-sama deng sudara-sudara bukang Yahudi yang so percaya pa Yesus. Tapi bagitu orang-orang Yahudi yang Yakobus utus datang dari Yerusalem, Petrus bajao dari orang percaya yang bukang Yahudi itu. Dia so tara makang sama-sama deng dorang lagi, barang dia tako pa dorang orang Yahudi yang suka paksa samua orang percaya dapa sunat.

Ibrani 9:10

Barang, aturan-aturan di janji yang lama itu, cuma ator tentang apa yang orang musti makang deng minum, deng cara-cara untuk orang biking bersi diri saja. Kong samua aturan itu cuma ator di manusia pe bagian luar diri saja, bukang untuk manusia pe dalam hati, turus aturan itu cuma ada dia pe guna sampe di waktu Tuhan Allah ganti deng janji yang baru.

Titus 1:15

Untuk orang yang dong pe hati bersi pa Tuhan, tarada aturan agama yang larang pa dorang. Tapi untuk orang-orang yang dong pe hati tara bae deng tara percaya pa Tuhan, dorang tara bisa biking barang yang bae karna dorang pe hati deng pikiran so tara tau mana yang butul.

1 Korintus 10:25

Samua daging yang orang jual di pasar, bole ngoni makang deng hati yang tara ragu. Tara usa ngoni mo cari tau kalu daging itu orang so kase pa puji-puji ka tarada.

Roma 14:1

Ada orang-orang yang so percaya pa Tuhan tapi dorang pe percaya bolong kuat. Dorang itu bolong talalu tau bagimana mo hidup butul pa Tuhan Allah pe muka. Ngoni musti tarima pa dorang, jang baku malawang deng dorang tentang dong pe pendapat.

Roma 14:20

Jang ngoni kase rusak Tuhan Allah pe karja pa orang-orang percaya pe hati cuma gara-gara makanang saja. Memang butul, so tarada lagi makanang yang Tuhan Allah larang ngoni makang. Tapi ngoni jadi sala, kalu cuma karna apa yang ngoni makang biking ngoni pe sudara jadi berdosa.

Roma 15:1

Torang yang pe percaya so kuat pa Tuhan, torang musti sabar pa orang-orang yang pe percaya bolong kuat pa Tuhan. Jang torang cuma cari tong pe sanang sandiri.

1 Korintus 8:9

Tapi, biar ngoni bisa makang makanang apa saja, ngoni musti tetap ati-ati, jang sampe deng ngoni makang itu, itu biking ngoni pe sudara laeng yang bolong kuat percaya pa Tuhan, jadi berdosa. Itu sama deng ngoni biking dorang pe kaki tagate di batu kong jatu.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.