Roma 13:7 - Perjanjian Baru Bahasa Melayu Maluku Utara

⁷ Jadi ngoni bayar suda apa yang pantas ngoni bayar pa samua orang: ngoni musti bayar pajak, deng bayar yang laeng lagi pa pemerinta yang ada hak mo tarima itu. Deng ngoni musti dengar-dengaran kong musti hormati pa sapa saja yang pimpin pa ngoni.

Roma 13:7 ပူးပေါင်းရင်းမြစ်များ

Matius 17:25

Kong dia bilang pa dorang, “Iyo, Dia salalu bayar.” Waktu Simon Petrus maso di ruma, Yesus tanya pa dia kamuka, “Simon, kalu menurut ngana, sapa yang musti bayar pajak pa raja-raja yang berkuasa di dunia ini? Dorang pe ana-ana sandiri atau orang laeng?”

Matius 22:21

Dorang jawab, “Raja basar Roma pe gambar deng pe nama.” Kong Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”

Markus 12:17

Kong Yesus bilang pa dorang, “Kase suda pa raja apa yang ngoni musti kase pa raja, deng kase suda pa Tuhan Allah apa yang ngoni musti kase pa Tuhan Allah!” Pe dengar bagitu, dorang herang skali.

Lukas 20:22

Jadi skarang, torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”

Lukas 20:25

Turus Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Roma 12:10

Ngoni so sama deng basudara, jadi ngoni musti baku-baku sayang. Kong tiap orang musti lebe kamuka hormati turus-turus pa orang laeng lebe dari yang orang laeng biking.

Roma 13:6

Itu dia pe sebab bikiapa sampe ngoni bayar pajak. Deng ngoni bayar pajak, ngoni biking pemerinta bole biking dong pe tugas yang Tuhan Allah so kase pa dorang.

Efesus 5:33

Jadi bagini: laki musti sayang dia pe bini sama deng dia sayang pa dia pe diri sandiri. Bagitu lagi deng bini, bini musti hormati dia pe laki.

Efesus 6:5

Ngoni orang-orang karja yang ngoni pe tuang so bili, ngoni musti dengar-dengaran pa ngoni pe tuang yang ada di dunia ini. Ngoni musti hormati deng tako pa dorang deng hati yang sunggu-sunggu, sama deng ngoni dengar-dengaran pa Yesus Kristus.

1 Timotius 5:13

Jadi kalu jemaat so bantu pa janda-janda yang umur bolong anam pulu taong, jang sampe dorang jadi pamalas deng suka kaluar maso orang pe ruma kong bacarita orang pe busu, suka campur orang laeng pe urusan, deng bacarita barang yang tara bae.

1 Timotius 5:17

Penatua-penatua jemaat yang biking dong pe tugas deng butul, dorang itu pantas dapa hormati deng kase honor dua kali lipa, lebe-lebe lagi deng dorang yang rajin kase tau Kabar Bae dari Tuhan Allah deng mangajar di jemaat.

1 Timotius 6:1

Tiap orang karja yang so percaya pa Yesus, dorang itu musti hormati pa dong pe tuang yang so bili pa dorang. Deng bagitu, orang-orang yang tara percaya pa Yesus tara dapa alasan mo kase tara bae Tuhan Allah pe nama deng torang pe ajaran.

1 Petrus 3:7

Bagitu lagi deng ngoni laki-laki yang so kawing. Ngoni musti bawa bae-bae pa ngoni pe bini, dorang itu tara kuat sama deng ngoni. Ngoni musti hormati pa dorang karna pa dorang me, Tuhan Allah kase Dia pe bae, jadi dorang me akan sama-sama deng ngoni dapa hidup deng Tuhan Allah slama-lamanya. Kalu ngoni dua hidup bagitu, Tuhan akan tetap dengar ngoni pe doa.