Roma 11:7 - Perjanjian Baru Bahasa Melayu Maluku Utara

⁷ Jadi bagini, orang-orang Israel, dorang cari jalang supaya dong jadi orang yang butul pa Tuhan Allah pe muka, tapi amper samua tara dapa. Ada yang dapa, tapi tara banya orang. Dorang itu yang Tuhan Allah so pili dari dulu. Tapi orang Israel yang laeng jadi kapala batu, dong tara mau dengar-dengaran pa Tuhan Allah.

Roma 11:7 ပူးပေါင်းရင်းမြစ်များ

Markus 6:52

Barang, biar dorang so lia Yesus kase makang orang banya, tapi dorang masi bolong mangarti sapa Dia karna dorang pe hati karas.

Lukas 13:24

Yesus bilang pa orang-orang di situ, “Ngoni berusaha suda maso iko pintu yang sempit! Barang, banya orang berusaha mo maso iko pintu itu, tapi dorang tara bisa maso.

Yohanes 12:40

“Tuhan so biking dorang pe mata buta, jadi dorang tara mo lia apa yang butul. Tuhan lagi so biking dorang pe hati karas, jadi dorang tara mo mangarti apa yang butul. Karna dorang memang so tara mau bertobat, jadi Kita tara mo kase slamat pa dorang.”

Roma 10:3

Dorang tara tau dia pe cara supaya Tuhan Allah biking dorang itu jadi orang yang tara sala pa Dia pe muka. Dorang berusaha iko dorang pe cara sandiri. Dorang pikir kata, kalu dorang iko aturan-aturan di lima kitab Musa, dorang sandiri bisa jadi orang yang butul pa Tuhan Allah pe muka. Karna itu, dorang tara mau iko Tuhan Allah pe jalang la jadi orang yang tara sala pa Tuhan Allah pe muka.

Roma 11:25

Sudara-sudara yang percaya yang bukang orang Yahudi, kita mo kase tau pa ngoni Tuhan Allah pe rencana yang bolong ada orang yang tau. Kita mo kase tau supaya jang ngoni baanggap diri pande. Ini Tuhan Allah pe rencana: biar skarang banya orang Yahudi tara mo percaya pa Yesus Kristus, tapi dorang tara akan bagitu turus. Dorang pe kapala batu itu cuma sampe di waktu samua orang bukang Yahudi yang Tuhan Allah so pili jadi percaya.

Roma 11:5

Jadi bagitu lagi deng skarang ini, biar cuma sadiki, tetap masi ada lagi orang Yahudi yang setia. Dorang itu yang Tuhan Allah pili dari dulu karna Dia pe bae pa dorang.

Roma 3:9

Jadi, dari situ torang dapa tau, torang orang Yahudi tara lebe bae dari orang yang bukang Yahudi, karna tadi torang so bilang kamuka, dosa so kuasai pa samua orang, biar lagi dia itu orang Yahudi atau bukang Yahudi.

Roma 6:15

Tuhan Allah kase slamat pa torang dari dosa-dosa, bukang karna torang iko aturan di lima kitab Musa, tapi karna Dia pe bae pa torang. Deng bagitu, apa skarang torang bole biking dosa turus-turus? Yang pasti tarada!

Roma 9:18

Jadi sudara-sudara, kalu Tuhan Allah mo kase tunju Dia pe rasa sayang pa satu orang, itu tersera Dia. Deng kalu Dia mo biking orang jadi karas kapala, itu me tersera pa Dia.

Roma 9:23

Tuhan Allah sabar pa dorang supaya mo kase tunju Dia pe sayang yang luar biasa pa dorang yang Dia rasa kasiang. Dorang itu, Dia so pili dari dulu supaya dapa Dia pe sayang yang luar biasa itu.

1 Korintus 10:19

Kita bilang bagitu, jang ngoni kira kita pe maksut makanang yang orang kase makang pa dorang pe puji-puji itu, ada arti. Tarada, makanang itu deng dong pe puji-puji itu me tarada arti.

2 Korintus 3:14

Tapi orang Israel itu pe pikiran tatutu sampe tara mangarti aturan-aturan itu pe maksut. Kong skarang ini me waktu orang Israel baca janji yang lama itu lagi, dorang pe pikiran masi tatutu, macam deng kaeng yang Musa pake untuk tutu pa dia pe muka itu, jadi dorang tara mampo mangarti. Nanti kalu dorang so percaya pa Yesus Kristus, baru dong bole mangarti butul-butul Tuhan Allah pe janji.

2 Korintus 4:4

Dorang tara percaya Kabar Bae itu karna Iblis, setang-setang pe raja, yang tutu dong pe pikiran. Iblis itu yang orang banya di dunia iko pa dia. Deng bagitu, dorang tara dapa tau Kabar Bae itu butul, deng dorang tara mangarti Yesus Kristus yang pe kuasa luar biasa itu sama persis deng Tuhan Allah.

Efesus 1:4

Barang, dulu waktu Tuhan Allah bolong biking dunia ini, Dia so pili pa torang untuk percaya pa Yesus Kristus supaya torang bole jadi Tuhan Allah pe umat yang pe hati bersi, deng tarada sala pa Dia pe muka.

Efesus 4:18

Dorang pe pikiran itu so galap, dorang susa mo tau yang butul. Dorang pe hidup so jao dari hidup yang Tuhan Allah mo kase pa dorang karna dorang tara mau tau tentang Dia deng karna dorang pe kapala batu.

Filipi 1:18

Tapi kita tara pusing deng itu! Karna biar dorang kase tau ajaran tentang Yesus Kristus itu deng maksut yang butul ka, tarada ka, itu tara penting. Yang penting itu, ajaran tentang Yesus Kristus bisa tasiar turus. Kong itu yang biking kita pe hati sanang. Deng memang, kita akan tetap rasa sanang turus,

Ibrani 12:17

Jang ngoni biking bagitu. Barang, ngoni tau, abis itu waktu Esau so mo tarima janji berkat sebagai ana yang tua, dia pe papa tara kase, kong dia so tara dapa kesempatan untuk bertobat dari dia pe sala, biar lagi dia mamanangis.

1 Petrus 1:2

Tuhan Allah, torang pe Bapa so pili pa ngoni iko Dia pe rencana yang dari dulu. Kong Dia pe Roh yang biking ngoni jadi Dia pe umat supaya ngoni dengar-dengaran pa Yesus Kristus, deng supaya Dia pe dara yang so tatumpa biking ngoni jadi bersi dari dosa-dosa. Kita minta pa Tuhan Allah, supaya Dia kase Dia pe bae pa ngoni, deng Dia biking ngoni pe hati tetap tenang, kong Dia kase samua itu talebe-lebe.