Roma 11:2 - Perjanjian Baru Bahasa Melayu Maluku Utara

² Tuhan Allah tara buang Dia pe umat yang Dia so pili dari dulu. Itu jelas kalu ngoni inga Tuhan Allah pe jawaban dulu pa nabi Elia, waktu dia mengelu pa Tuhan Allah tentang orang Israel. Carita itu ada tatulis di Kitab Suci.

Roma 11:2 ပူးပေါင်းရင်းမြစ်များ

Markus 12:26

Kong tentang orang mati yang hidup ulang, ngoni so baca carita yang nabi Musa tulis, to? Waktu dia ada di pinggir rumpu baduri yang manyala, Tuhan Allah bilang pa nabi Musa bagini, ‘Kita ini suda Tuhan Allah yang Abraham, Ishak deng Yakub semba.’

Lukas 4:1

Waktu Yesus di kali Yordan itu, Roh Kudus so kuasai pa Dia. Turus Roh Kudus bawa pa Dia di padang gurun, tampa yang jao dari kampong.

Yohanes 4:11

Turus parampuang itu bilang, “Bapa, parigi ini dolom skali, baru Bapa tarada timba. Dari mana Bapa mo dapa aer hidup itu kong?

Kisah Para Rasul 13:48

Waktu orang-orang bukang Yahudi dengar Paulus bilang bagitu, dorang sanang skali. Turus, dorang puji deng hormat pa Tuhan karna Tuhan pe ajaran itu. Abis itu, samua orang yang Tuhan Allah so pili mo dapa hidup deng Dia slama-lamanya, dorang itu jadi percaya.

Kisah Para Rasul 15:18

Samua itu Dia so kase tau dari dulu.”

Kisah Para Rasul 3:17

Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking.

Kisah Para Rasul 7:40

Kong dorang me bilang pa Harun bagini, ‘Bapa, Musa ini yang bawa pa torang kaluar dari tana Mesir, tapi skarang torang so tara tau dia pe keadaan bagimana. Jadi, biking suda patong-patong la torang semba. Nanti patong-patong itu yang mo pimpin pa torang.’

Roma 6:16

Ngoni tau to, kalu ngoni serakan ngoni pe diri pa satu orang untuk iko apa yang dia suru, ngoni itu so jadi dia pe suru-suru. Bagitu lagi, kalu ngoni jaga iko ngoni pe mau yang jahat, itu berarti, dosa itu so jadi tuang pa ngoni, kong dia suru-suru pa ngoni, deng bagitu ngoni mo mati kong tapisa deng Tuhan Allah slama-lamanya. Tapi kalu ngoni dengar-dengaran pa Tuhan Allah, itu berarti, ngoni so kase ngoni pe diri jadi Tuhan Allah pe suru-suru, kong Dia biking ngoni jadi orang yang tara sala pa Dia pe muka.

Roma 9:23

Tuhan Allah sabar pa dorang supaya mo kase tunju Dia pe sayang yang luar biasa pa dorang yang Dia rasa kasiang. Dorang itu, Dia so pili dari dulu supaya dapa Dia pe sayang yang luar biasa itu.

Roma 9:6

Memang banya orang Yahudi tara percaya pa Yesus Kristus. Tapi biar bagitu, kita tarada maksut mo bilang Tuhan Allah pe janji-janji pa torang pe orang tua dulu-dulu itu so tara akan jadi. Tapi kita pe maksut, tara samua orang yang lahir dari orang Israel pe turunan itu yang mo jadi Tuhan Allah pe umat.

1 Korintus 6:2

Ngoni tau to, nanti waktu kiamat, orang-orang yang so jadi Tuhan Allah pe umat yang akan adili pa samua orang yang ada di dunia ini. Jadi kalu ngoni tau itu, masa ngoni tara mampo kase selesai ngoni pe masala-masala biasa yang tara penting di dunia ini?

1 Korintus 8:3

Tapi orang yang sayang pa Tuhan Allah, pasti Tuhan Allah kanal pa dia.

Filipi 1:22

Tapi kalu kita hidup turus di dunia ini, itu kita pe kesempatan untuk biking turus tugas yang Tuhan Yesus kase pa kita supaya lebe banya orang yang percaya pa Dia. Jadi kita bingung, kita tara tau mo pili yang mana.

Ibrani 1:1

Dulu, Tuhan Allah banya kali bicara pa Dia pe nabi-nabi pake macam-macam cara la dorang kase turus Dia pe pasáng pa torang orang Israel pe orang tua dulu-dulu.

1 Petrus 1:2

Tuhan Allah, torang pe Bapa so pili pa ngoni iko Dia pe rencana yang dari dulu. Kong Dia pe Roh yang biking ngoni jadi Dia pe umat supaya ngoni dengar-dengaran pa Yesus Kristus, deng supaya Dia pe dara yang so tatumpa biking ngoni jadi bersi dari dosa-dosa. Kita minta pa Tuhan Allah, supaya Dia kase Dia pe bae pa ngoni, deng Dia biking ngoni pe hati tetap tenang, kong Dia kase samua itu talebe-lebe.