Roma 10:8 - Perjanjian Baru Bahasa Melayu Maluku Utara

⁸ Ngoni tara usa cari pa Yesus Kristus macam bagitu, karna di Kitab Suci so tatulis bagini, “Tuhan Allah pe kata-kata yang bawa slamat itu tara jao dari ngoni. Ngoni bole mangaku itu deng ngoni pe mulu, kong bole percaya itu di ngoni pe hati.” Tuhan Allah pe kata-kata itu yang torang jaga kase tau pa orang-orang, kata-kata itu tentang percaya pa Yesus Kristus.

Roma 10:8 ပူးပေါင်းရင်းမြစ်များ

Kisah Para Rasul 10:43

Dulu, samua nabi so perna kase tau Tuhan Allah pe pasáng yang bilang, Yesus mo datang. Dorang bilang kalu orang percaya pa Dia, orang itu pe dosa-dosa pasti mo dapa ampun karna Yesus pe kuasa.”

Kisah Para Rasul 16:31

Paulus deng Silas jawab, “Percaya suda pa Tuhan Yesus la ngana slamat, bagitu lagi deng samua orang yang ada di ngana pe ruma.”

Roma 10:17

Jadi, orang musti dengar dulu kabar tentang Yesus Kristus, baru dorang mo percaya. Deng, dorang bisa dengar kabar tentang Yesus Kristus, kalu ada orang yang kase tau kabar itu pa dorang.

Galatia 3:2

Coba ngoni inga! Ngoni tarima Roh Kudus itu bukang gara-gara ngoni ada biking aturan-aturan di lima kitab Musa, to? Tapi ngoni tarima Roh Kudus karna ngoni percaya pa Yesus Kristus waktu ngoni dengar Kabar Bae tentang Dia itu.

Galatia 3:5

Tuhan Allah so kase Dia pe Roh pa ngoni deng so biking mujizat di ngoni pe tenga-tenga. Jang sampe ngoni kira kata, Dia biking samua itu karna ngoni ada iko aturan-aturan di lima kitab Musa. Tarada! Tapi Dia biking samua itu cuma karna ngoni ada dengar Kabar Bae tentang Yesus Kristus, turus ngoni jadi percaya.

Efesus 5:26

Yesus Kristus mati, supaya torang Dia pe jemaat bole jadi Dia pe umat yang bersi dari dosa karna torang so dengar Dia pe firman deng torang so dapa baptis.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.

1 Petrus 1:23

barang ngoni ini so dapa hidup yang baru. Ngoni dapa itu bukang dari manusia yang memang mo mati, tapi dari Tuhan Allah yang tetap ada sampe slama-lamanya. Ngoni dapa hidup yang baru itu karna ngoni percaya Tuhan Allah pe firman. Firman itu akan tetap ada turus, kong biking orang bole hidup deng Tuhan Allah slama-lamanya.

1 Petrus 1:25

tapi Tuhan pe firman tetap ada sampe slama-lamanya.” Firman itu suda Kabar Bae tentang Yesus Kristus yang orang-orang so kase tau pa ngoni samua.