Roma 10:4 - Perjanjian Baru Bahasa Melayu Maluku Utara

⁴ Tuhan Allah pe jalang itu Yesus Kristus. Karna deng Yesus Kristus mati, orang tara usa iko aturan yang ada di lima kitab Musa lagi untuk jadi orang yang butul pa Tuhan Allah pe muka. Kalu dorang percaya pa Yesus Kristus, dorang itu mo jadi orang yang tara sala pa Tuhan Allah pe muka.

Roma 10:4 ပူးပေါင်းရင်းမြစ်များ

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

Yohanes 1:17

Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.

Roma 3:22

torang bole jadi orang yang tara sala pa Dia pe muka karna torang percaya pa Yesus Kristus. Itu mo jadi pa samua orang yang percaya, karna Tuhan Allah tara pili-pili orang.

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

Galatia 3:24

Jadi waktu itu, aturan-aturan di lima kitab Musa itu jadi sama deng torang pe guru yang ajar deng pimpin pa torang sampe di waktu Yesus Kristus datang di dunia. Waktu Yesus Kristus datang, sapa saja yang percaya pa Dia, Tuhan Allah biking dia jadi orang yang tara sala pa Tuhan Allah pe muka.

Galatia 4:5

Anak Allah itu datang di dunia untuk tebus kong kase lapas pa torang yang taika deng aturan-aturan di lima kitab Musa itu, supaya torang bole jadi Tuhan Allah pe ana-ana.

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

Kolose 2:17

Aturan-aturan agama Yahudi itu cuma sementara, kong aturan-aturan itu pe maksut untuk kase inga pa dorang tentang apa yang penting yang dong tunggu-tunggu itu. Kong yang dong tunggu-tunggu itu so datang, Yesus Kristus, Dia itu yang lebe penting.

Ibrani 10:14

Barang, deng Dia kase korban Dia pe diri satu kali saja, Dia so biking orang-orang percaya jadi sempurna sampe slama-lamanya, dorang itu yang Dia sementara biking jadi Dia pe umat sandiri yang bersi dari dosa.