Roma 1:8 - Perjanjian Baru Bahasa Melayu Maluku Utara

⁸ Pertama, kita bilang tarimakasi pa Tuhan Allah karna ngoni orang-orang percaya di kota Roma. Barang ngoni pe percaya pa Yesus Kristus so kuat, sampe orang di seluru dunia so dengar tentang ngoni pe percaya itu.

Roma 1:8 ပူးပေါင်းရင်းမြစ်များ

Matius 24:14

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Lukas 2:1

Waktu itu, ada raja basar Roma, dia pe nama Agustus. Dia kase kaluar parenta pa samua daera di dunia yang dia kuasai, supaya kase daftar samua orang pe nama.

Kisah Para Rasul 11:28

Satu dari dorang itu, dia pe nama Agabus. Waktu orang-orang percaya bakumpul, Roh Kudus kuasai pa Agabus, turus dia badiri kong bilang, “Nanti ada musim kelaparan yang hebat skali di samua tampa di dunia ini.” (Kong kelaparan itu memang jadi waktu Klaudius jadi raja basar Roma, sama deng Agabus bilang.)

Kisah Para Rasul 28:22

Jadi skarang, torang mo dengar sandiri dari ngana tentang aliran Nasrani, yang torang tau di mana-mana orang-orang tara suka.”

Roma 10:18

Banya orang Israel bolong percaya pa Yesus Kristus, tapi itu bukang karna dorang tara dengar kabar itu, to? Pasti dorang so dengar, karna di Kitab Suci ada tatulis, “Orang-orang so bawa kabar itu sampe di seluru dunia, dorang pe kata-kata so tasiar sampe pa samua orang.”

Roma 16:19

Sudara-sudara, samua orang so dengar kabar, ngoni iko Tuhan pe ajaran turus. Karna itu, kita sanang skali deng ngoni. Tapi kita suka supaya ngoni lebe tamba tau mana yang bae, deng tara usa suda biking barang yang jahat.

Roma 6:17

Kita bilang tarimakasi pa Tuhan Allah. Karna, biar dulu dosa jadi sama deng ngoni pe tuang, tapi skarang ngoni so butul-butul iko ajaran yang torang so kase ajar pa ngoni.

1 Korintus 1:4

Kita salalu bilang tarimakasi pa Tuhan Allah yang kita semba, karna ngoni. Barang, Dia so kase Dia pe bae pa ngoni karna ngoni percaya pa Kristus Yesus.

2 Korintus 2:14

Tapi biar bagitu me, kita bilang tarimakasi banya pa Tuhan Allah, karna Dia salalu pimpin pa torang yang percaya pa Yesus Kristus, supaya torang bisa menang dari kuasa jahat. Tuhan Allah pake pa torang di mana-mana untuk kase tau Kabar Bae tentang Yesus Kristus, supaya orang-orang bisa kanal pa Dia. Waktu dorang dengar Kabar Bae itu, dorang jadi sanang, sama deng dong dapa ciom bobou sadap.

Efesus 1:15

Jadi, waktu kita dengar ngoni pe percaya pa Tuhan Yesus deng ngoni pe sayang pa samua orang yang so jadi Tuhan Allah pe umat,

Efesus 1:16

kita tara berenti-berenti bilang tarimakasi banya pa Tuhan Allah karna ngoni. Deng waktu kita berdoa, kita salalu inga pa ngoni.

Efesus 3:21

Jadi, torang yang so jadi Dia pe jemaat, torang yang so satu hati deng Kristus Yesus, mari suda torang puji deng hormat pa Dia sampe slama-lamanya. Amin.

Efesus 5:20

Kong dalam sagala hal, ngoni musti salalu bilang tarimakasi banya pa Tuhan Allah torang pe Bapa, karna samua yang torang pe Tuhan Yesus Kristus so biking.

Filipi 1:11

Kita minta lagi supaya Yesus Kristus bakarja di ngoni pe hati la ngoni bole biking barang yang butul pa Tuhan Allah pe muka. Turus orang-orang mo puji deng hormat pa Tuhan Allah karna dorang lia yang ngoni so biking itu.

Filipi 1:3

Tiap kali kita inga pa ngoni, kita batarimakasi banya pa Tuhan Allah yang kita jaga semba.

Kolose 1:3

Tiap kali torang berdoa untuk ngoni, torang salalu bilang tarimakasi pa Tuhan Allah, torang pe Tuhan Yesus Kristus pe Bapa.

1 Tesalonika 1:2

Torang salalu bilang tarimakasi pa Tuhan Allah karna ngoni samua pe percaya pa Dia. Siang malam torang berdoa untuk ngoni.

1 Tesalonika 2:13

Torang lagi salalu bilang tarimakasi pa Tuhan Allah karna waktu torang kase tau pa ngoni Kabar Bae dari Tuhan Allah, ngoni tarima itu deng sanang hati. Ngoni tarima Kabar Bae itu karna ngoni tau, kata-kata itu bukang dari manusia, tapi dari Tuhan Allah. Deng memang itu butul dari Tuhan Allah. Kong Kabar Bae itu bakarja di ngoni pe hati yang percaya pa Yesus Kristus.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

2 Timotius 1:3

Siang deng malam kita berdoa bilang tarimakasi pa Tuhan Allah untuk ngana. Kita bilang tarimakasi pa Tuhan Allah yang kita semba deng hati bersi sama deng yang kita pe orang tua dulu-dulu so biking kamuka.

Filemon 1:4

Filemon, waktu kita berdoa, kita salalu inga pa ngana, deng kita bilang tarimakasi pa Tuhan Allah yang kita jaga semba.

Ibrani 13:15

Kong karna Yesus Kristus so jadi korban di kayu salib untuk hapus torang pe dosa, torang so tara perlu lagi bawa binatang korban persembahan untuk hapus torang pe dosa. Jadi, mari suda torang puji-puji pa Tuhan Allah. Torang pe kata-kata itu, so sama deng torang so serakan torang pe korban persembahan pa Dia.

1 Petrus 2:5

Turus ngoni ini me sama deng batu yang hidup, batu yang Tuhan Allah pake untuk kase badiri Dia pe tampa tinggal. Itu berarti, Tuhan Allah pe Roh Kudus mo tinggal pa ngoni orang-orang yang percaya pe tenga-tenga. Deng ngoni me so jadi sama deng imam-imam yang pe hati bersi pa Tuhan Allah pe muka, jadi ngoni kase persembahan iko Tuhan Allah pe mau. Kong Tuhan Allah sanang tarima ngoni pe persembahan itu karna apa yang Yesus Kristus so biking untuk torang samua.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.