Roma 1:4 - Perjanjian Baru Bahasa Melayu Maluku Utara

⁴ Dia itu suda Yesus Kristus torang pe Tuhan. Torang dapa tau Dia itu Anak Allah, barang waktu Dia mati, kuasa dari Tuhan Allah pe Roh kase hidup ulang pa Dia.

Roma 1:4 ပူးပေါင်းရင်းမြစ်များ

Matius 4:3

Waktu itu, Iblis tukang goda itu datang pa Yesus kong bilang, “Ngana ini Anak Allah, to? Kalu bagitu, Ngana parenta suda supaya batu-batu ini jadi roti.”

Kisah Para Rasul 17:31

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

Kisah Para Rasul 2:24

Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.

Kisah Para Rasul 2:32

Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang.

Kisah Para Rasul 3:15

Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.

Roma 1:3

Kabar Bae itu tentang Anak Allah yang datang di dunia sebagai manusia, Dia lahir dari raja Daud pe turunan.

2 Korintus 13:4

Memang waktu Dia mati di kayu salib, Dia tara kuat. Tapi skarang Dia hidup ulang deng kuasa dari Tuhan Allah. Bagitu lagi deng torang, torang percaya pa Yesus Kristus biar torang tara kuat. Tapi torang hidup deng Dia pe kuasa, kong deng Dia pe kuasa itu torang bisa hukum pa ngoni.

Ibrani 9:14

Jadi kalu dara deng abu binatang saja bisa kase bersi orang pe dosa-dosa, apalagi deng Yesus Kristus pe dara! Yesus Kristus so kase Dia pe diri sandiri pa Tuhan Allah jadi korban persembahan yang sempurna. Yesus Kristus jadi korban yang sempurna, barang Roh Kudus yang ada turus sampe slama-lamanya itu yang biking Dia mampo kase Dia pe diri bagitu. Dia pe dara itu yang kase bersi torang pe hati dari hal-hal yang tarada dia pe guna, supaya torang bole semba pa Tuhan Allah yang hidup.

1 Petrus 1:11

Yesus Kristus pe Roh yang ada pa nabi-nabi itu yang kase tau pa dorang tentang Dia mo dapa sengsara, deng abis itu dapa puji deng hormat. Jadi, nabi-nabi itu me cari tau lagi bagimana deng tempo apa itu mo jadi.

2 Petrus 1:21

Karna samua yang nabi-nabi kase tau itu me, tara perna iko manusia pe mau. Tapi Roh Kudus yang kuasai pa nabi-nabi itu yang biking sampe dorang bisa kase tau Tuhan Allah pe pasáng.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”