Roma 1:3 - Perjanjian Baru Bahasa Melayu Maluku Utara

³ Kabar Bae itu tentang Anak Allah yang datang di dunia sebagai manusia, Dia lahir dari raja Daud pe turunan.

Roma 1:3 ပူးပေါင်းရင်းမြစ်များ

Matius 1:1

Yesus Kristus itu turunan dari raja Daud deng bapa Abraham. Ini Dia pe orang tua dulu-dulu pe nama-nama:

Matius 1:16

kong Yakub pe ana Yusuf. Yusuf ini yang kawing deng Maria, kong Maria ini yang kase lahir pa Yesus. Yesus ini suda yang orang jaga pangge pa Dia Kristus, Raja yang Tuhan Allah janji mo kase slamat pa manusia.

Matius 1:6

kong Isai pe ana Daud. Daud itu yang jadi orang Israel pe raja. Daud pe ana Salomo dari dia pe bini Batsyeba. Batsyeba itu Uria pe bini dulu.

Matius 12:23

Pe lia yang Yesus biking itu, orang-orang di situ jadi herang skali. Kong dorang baku bilang, “Dia ini suda kaapa, raja Daud pe turunan yang torang tunggu-tunggu yang Tuhan Allah janji mo datang?”

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Matius 26:63

Tapi Yesus cuma badiam. Kong imam basar itu bilang lagi pa Dia, “Demi Tuhan Allah yang hidup, Ngana bilang kamari pa torang, apa butul Ngana itu Mesias, Raja yang Tuhan Allah janji dari dulu? Kong apa butul Ngana me Anak Allah ka bukang?”

Matius 27:43

Dia percaya pa Tuhan Allah. Dia me perna bilang, Dia itu Anak Allah. Jadi biar suda, nanti Tuhan Allah kase slamat pa Dia kalu Tuhan Allah mau.”

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Matius 9:27

Abis itu, Yesus pigi dari situ. Kong ada dua orang buta iko-iko pa Dia deng babataria, “Bapa, Raja Daud pe turunan, kasiang pa torang ka!”

Lukas 1:35

Malaekat itu jawab pa dia, “Bagini. Nanti Roh Kudus mo datang pa ngana. Tuhan Allah yang Paling Tinggi itu mo kuasai pa ngana. Jadi, Anak yang akan ngana kase lahir itu suci, deng orang mo pangge pa Dia, Anak Allah.

Lukas 1:69

Dia so utus satu Orang yang hebat untuk kase slamat pa torang. Orang itu raja Daud pe turunan. Raja Daud itu orang yang jaga biking apa yang Tuhan Allah suru.

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Yohanes 1:34

Kita so lia pa Dia deng kita pe mata kapala sandiri, jadi kita kase tau pa orang-orang, Dia itu suda Anak Allah!”

Yohanes 1:49

Pe dengar itu, Natanael kage kong mangaku, “Guru, skarang kita percaya, Guru memang Anak Allah. Guru ini orang Israel pe Raja!”

Yohanes 10:30

Kita deng Kita pe Bapa itu satu.”

Yohanes 10:36

bikiapa kong ngoni bilang Kita so kase tara bae Tuhan Allah pe nama gara-gara Kita bilang Kita ini Anak Allah? Barang, Tuhan Allah sandiri yang so pili deng utus pa Kita untuk datang di dunia ini.

Yohanes 20:28

Tomas bilang pa Yesus, “Bapa ini memang kita pe Tuhan deng kita pe Tuhan Allah.”

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Yohanes 5:25

Dengar bae-bae yang Kita mo bilang ini. Nanti ada dia pe waktu, mala skarang suda dia pe waktu, orang-orang mati mo dengar Anak Allah pe suara kong jadi percaya, sampe dorang itu akan hidup deng Tuhan Allah slama-lamanya.

Yohanes 7:42

Di Kitab Suci ada bilang, nanti Mesias mo datang dari raja Daud pe turunan, kong dari kota kacil Betlehem di daera Yudea, raja Daud pe asal.”

Kisah Para Rasul 2:30

Raja Daud itu nabi yang kase turus Tuhan Allah pe pasáng, jadi dia tau Tuhan Allah so bajanji pa dia deng basumpa, satu orang dari Daud pe turunan mo jadi Raja, deng pasti mo jadi.

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Kisah Para Rasul 8:36

Waktu dorang di tenga jalang, dorang dapa tampa satu yang ada aer. Kong pejabat itu bilang pa Filipus, “Coba lia, di situ ada aer! Apa kita so bole dapa baptis?” [

Kisah Para Rasul 9:20

Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.

Roma 1:9

Kita salalu inga pa ngoni waktu kita berdoa, Tuhan Allah me tau. Dia itu yang kita semba deng hati yang sunggu-sunggu waktu kita kase tau Kabar Bae tentang Anak Allah.

Roma 4:1

Jadi, apa yang musti torang biking supaya torang jadi orang yang tara sala pa Tuhan Allah pe muka? Torang ambe conto pa Abraham. Dia itu torang pe orang tua dulu-dulu.

Roma 9:3

karna kita pe sudara-sudara orang Yahudi tara mau percaya pa Yesus Kristus. Dorang itu sudara-sudara satu bangsa deng kita, jadi kita sanang skali kalu kita pe sudara-sudara itu dapa slamat dari dosa-dosa. Kalu saja kita bisa ganti pa dorang dapa hukuman deng tapisa dari Yesus Kristus, kita siap dapa hukuman itu, asal dorang bisa dapa slamat.

Roma 9:5

Dorang itu me turunan dari Abraham, Ishak deng Yakub, kong dari turunan ini Yesus Kristus lahir sebagai manusia untuk mo kase slamat pa manusia. Yesus Kristus itu suda Tuhan Allah, Dia pe kuasa lebe basar dari samua yang ada. Jadi Dia yang pantas dapa puji sampe slama-lamanya. Amin.

1 Korintus 1:9

Tuhan Allah mo biking itu samua karna Dia itu setia. Dia yang pangge pa ngoni, supaya ngoni bole hidup satu hati deng Dia pe Anak Yesus Kristus, torang pe Tuhan.

1 Korintus 10:18

Coba ngoni pikir tentang orang Israel dulu-dulu. Waktu dorang bawa dong pe binatang la bakar jadi korban persembahan pa Tuhan Allah, dorang me bole makang daging dari persembahan itu.

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

1 Timotius 2:5

Barang, Tuhan Allah itu cuma satu. Deng cuma ada satu saja yang bisa kase bae-bae ulang Tuhan Allah deng manusia pe hubungan. Dia itu Kristus Yesus yang jadi manusia.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

2 Timotius 2:8

Inga bae-bae, Yesus Kristus itu, raja Daud pe turunan, Dia mati tapi Tuhan Allah kase hidup ulang pa Dia lagi. Jadi, ini suda Kabar Bae yang kita salalu kase tau di mana-mana.

1 Yohanes 1:3

Skarang torang kase tau pa ngoni apa yang torang so lia deng so dengar dari Dia, supaya ngoni deng torang bole hidup satu hati, deng bagitu torang samua bole hidup satu hati deng torang pe Bapa, Tuhan Allah deng Dia pe Anak Yesus Kristus.

1 Yohanes 3:23

Tuhan pe parenta itu bagini: torang musti percaya pa Yesus Kristus, Anak Allah, deng torang lagi musti baku sayang, sama deng parenta yang Yesus Kristus so kase pa torang.

1 Yohanes 3:8

Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.

1 Yohanes 4:15

Sapa saja yang mangaku, Yesus itu Anak Allah, Tuhan Allah tetap ada di dia pe hati kong dia me tetap satu hati deng Tuhan Allah.

1 Yohanes 5:1

Tiap orang yang percaya Yesus itu Kristus, Raja yang Tuhan Allah pili, orang itu Tuhan Allah pe ana. Deng sapa saja yang sayang pa Tuhan Allah, orang itu pasti sayang pa Tuhan Allah pe ana-ana.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.

1 Yohanes 5:5

Cuma orang-orang yang percaya Yesus itu Anak Allah saja, yang bisa kase kala yang jahat di dunia ini. Tarada yang laeng!

2 Yohanes 1:7

Kita tulis surat ini pa ngoni karna ada banya orang skarang pigi bakuliling di seluru dunia untuk kase sesat orang. Dorang itu tara percaya, Yesus Kristus itu datang di dunia sebagai manusia. Dorang itu pangbafoya deng dong musu pa Yesus Kristus.

Wahyu 2:18

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Tiatira. Ngana tulis bagini: Ini pasáng dari Anak Allah, yang pe mata mamanyala sama deng api, deng yang pe kaki mangkilat sama deng tembaga yang ada bakar di api: