Roma 1:2 - Perjanjian Baru Bahasa Melayu Maluku Utara

² Kabar Bae itu Tuhan Allah so janji dari dulu pa Dia pe nabi-nabi, kong dorang tulis itu di Kitab Suci.

Roma 1:2 ပူးပေါင်းရင်းမြစ်များ

Matius 1:22

Samua itu Tuhan Allah so bilang dulu pa Dia pe nabi, kong skarang samua itu so jadi. Yang Tuhan Allah bilang itu bagini,

Lukas 1:70

Tuhan Allah janji dari dulu, kong Dia pe nabi-nabi yang kudus kase tau Dia pe janji-janji bagini:

Kisah Para Rasul 10:43

Dulu, samua nabi so perna kase tau Tuhan Allah pe pasáng yang bilang, Yesus mo datang. Dorang bilang kalu orang percaya pa Dia, orang itu pe dosa-dosa pasti mo dapa ampun karna Yesus pe kuasa.”

Kisah Para Rasul 13:32

Jadi, skarang ini torang dua mo kase tau Kabar Bae tentang Yesus Kristus pa ngoni. Kabar Bae itu, yang Tuhan Allah janji pa torang pe orang tua dulu-dulu.

Kisah Para Rasul 26:6

Skarang, kita musti mangada di pengadilan ini, barang kita percaya deng yakin pa Tuhan Allah pe janji yang Dia kase pa torang pe orang tua dulu-dulu.

Roma 16:26

tapi skarang baru Tuhan Allah kase tau pa torang manusia. Kabar Bae itu, Tuhan Allah so janji pa nabi-nabi dulu kong Dia suru dorang tulis itu supaya samua orang yang dari samua suku bangsa tau, kong dorang bole jadi percaya deng iko pa Yesus. Tuhan Allah itu salalu ada sampe slama-lamanya.

Roma 3:2

Yang pasti, banya skali dia pe untung. Yang paling penting itu, torang orang Yahudi yang kakamuka Tuhan Allah pili untuk tarima deng jaga Dia pe firman.

Roma 3:21

Tapi skarang, Tuhan Allah so kase tunju bagimana cara supaya torang jadi orang yang tara sala pa Dia pe muka. Kong itu bukang karna torang iko aturan yang ada di lima kitab Musa. Tapi cara itu dulu so tatulis di lima kitab Musa deng di nabi-nabi laeng pe kitab bagini,

Titus 1:2

Kita ajar pa orang-orang yang percaya itu, supaya dorang bole baharap deng yakin, dorang bole dapa hidup deng Tuhan Allah slama-lamanya, sama deng Tuhan Allah so janji. Karna waktu Tuhan Allah bolong biking dunia ini, Dia so janji kamuka, Dia mo kase hidup slama-lamanya pa orang-orang yang percaya pa Dia. Dia pe janji itu pasti jadi, karna Tuhan Allah tara perna bafoya.