Roma 1:1 - Perjanjian Baru Bahasa Melayu Maluku Utara

¹ Sudara-sudara yang percaya di kota Roma. Salam dari kita Paulus. Kita ini orang yang jaga biking apa yang Kristus Yesus suru. Dia pili pa kita jadi Dia pe utusan yang orang jaga sebut rasul, deng Dia me kase tugas kusus pa kita untuk kase tau Kabar Bae dari Tuhan Allah pa orang-orang.

Roma 1:1 ပူးပေါင်းရင်းမြစ်များ

Markus 1:14

Waktu Yohanes Pembaptis dapa maso di penjara, Yesus pigi di daera Galilea, kong kase tau Kabar Bae dari Tuhan Allah di sana.

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 15:15

Kita tara sebut ngoni ini orang karja lagi, karna orang karja itu tara tau apa yang dia pe tuang biking. Tapi Kita bilang ngoni ini Kita pe tamang, karna samua yang Kita so dengar dari Kita pe Bapa, Kita so kase tau pa ngoni.

Yohanes 15:20

Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Kisah Para Rasul 13:9

Tapi Roh Kudus kuasai pa Saulus yang dorang jaga pangge Paulus. Turus Paulus haga pa dia

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

Kisah Para Rasul 21:40

Komandan batalion itu kase ijin Paulus bicara. Turus Paulus pigi badiri di tangga kong dia angka dia pe tangan, minta orang banya itu badiam. Bagitu orang-orang so badiam, dia mulai bicara pa dorang pake bahasa Ibrani. Dia bilang,

Kisah Para Rasul 22:21

Tapi Tuhan bilang pa kita, ‘Pigi suda, barang Kita mo utus pa ngana pigi jao dari sini untuk kase tau tentang Kita pa orang-orang yang bukang Yahudi la dorang percaya.’ ”

Kisah Para Rasul 22:7

Kita langsung jatu di tana. Turus kita dengar ada suara dari langit bilang bagini, ‘Saulus, Saulus, bikiapa kong ngana siksa pa Kita?’

Kisah Para Rasul 26:1

Kong raja Agripa bilang pa Paulus, “Skarang, ngana so bole babela ngana pe diri.” Turus Paulus angka tangan la dia mo babela dia pe diri, kong dia bilang,

Kisah Para Rasul 26:14

Kong torang samua jatu di tana. Turus kita dengar ada suara yang bilang pa kita pake bahasa Ibrani, bagini, ‘Saulus, Saulus, bikiapa kong ngana siksa pa Kita? Ngana kase sengsara ngana pe diri sandiri saja karna malawang pa Kita yang berkuasa pa ngana.’

Kisah Para Rasul 27:23

Kita tau apa yang mo jadi pa torang, barang Tuhan Allah so kase tau pa kita. Tuhan Allah itu yang so biking kita jadi Dia pe umat deng yang kita semba. Tadi malam Dia pe malaekat datang badiri pa kita pe pinggir.

Kisah Para Rasul 9:15

Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel.

Roma 1:16

Kita tara tako kase tau Kabar Bae tentang Yesus Kristus pa orang-orang, karna Kabar Bae itu ada kuasa dari Tuhan Allah yang bisa kase slamat pa samua orang yang percaya dari dosa-dosa. Kong bukang cuma orang Yahudi saja yang mo dapa slamat, tapi orang-orang yang bukang Yahudi lagi mo dapa slamat.

Roma 1:5

Kong karna Yesus Kristus itu, Tuhan Allah kase Dia pe bae pa kita sampe Dia pili pa kita jadi rasul untuk kase tau Kabar Bae tentang Yesus Kristus pa samua suku bangsa, supaya samua orang bole percaya, deng bole iko Yesus Kristus pe mau.

Roma 1:9

Kita salalu inga pa ngoni waktu kita berdoa, Tuhan Allah me tau. Dia itu yang kita semba deng hati yang sunggu-sunggu waktu kita kase tau Kabar Bae tentang Anak Allah.

Roma 11:13

Skarang kita mo bilang pa ngoni, sudara-sudara yang bukang Yahudi: kita ini Yesus Kristus pe utusan yang orang sebut rasul. Dia utus pa kita untuk kase tau Kabar Bae tentang Yesus Kristus pa ngoni orang-orang yang bukang Yahudi. Kong kita hargai skali kita pe pelayanan ini,

Roma 15:16

Dia pangge pa kita jadi Yesus Kristus pe utusan untuk kase tau Kabar Bae dari Tuhan Allah pa orang-orang yang bukang Yahudi. Kita pe tugas itu kita kase sama deng orang Yahudi pe imam pe tugas, karna kalu kita kase tau Kabar Bae itu pa orang bukang Yahudi kong dorang jadi percaya pa Yesus, itu kita so kase sanang Tuhan Allah pe hati, sama deng imam kase binatang korban persembahan pa Tuhan Allah. Kong Tuhan Allah tarima pa dorang karna Roh Kudus so biking dong jadi Tuhan Allah pe umat sandiri.

Roma 15:29

Deng kita tau skali, waktu kita singga kong baku dapa deng ngoni di situ, nanti kita bawa banya berkat dari Yesus Kristus pa ngoni.

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

Roma 16:25

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau,

1 Korintus 1:1

Salam dari kita Paulus, Kristus Yesus pe utusan yang orang sebut rasul. Kita jadi rasul, itu karna Tuhan Allah pili pa kita iko Dia pe mau. Surat ini lagi dari Sostenes, torang pe sudara yang percaya.

1 Korintus 9:1

Kita ini Yesus Kristus pe utusan yang orang sebut rasul, to? Kita ini orang yang bebas biking apa saja yang kita pikir butul, to? Kita yang so lia pa Yesus, torang pe Tuhan deng kita pe mata kapala sandiri, to? Kong karna kita pe suar lala kase tau Tuhan pe firman sampe ngoni jadi percaya, to?

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

2 Korintus 11:5

Dorang yang datang ajar pa ngoni itu, orang bilang dorang itu, “Tuhan pe utusan-utusan yang hebat”, tapi menurut kita, dorang itu tara lebe hebat dari kita.

2 Korintus 11:7

Waktu kita kase tau Kabar Bae dari Tuhan Allah pa ngoni, kita tara minta ngoni bayar pa kita. Tapi kita karja cari kita pe doi sandiri untuk kita pe hidup hari-hari. Kita karja sama deng orang biasa bagitu, itu karna kita hormati pa ngoni la ngoni bole dengar Kabar Bae itu deng cuma-cuma. Jadi apa kita sala tara minta apa-apa dari ngoni? Pasti tarada to?

2 Korintus 12:11

Kita so puji kita pe diri sandiri tadi, sama deng orang bodo. Tapi kita bagitu karna ngoni yang paksa. Sebenarnya ngoni musti puji pa kita karna biar lagi orang bilang kita ini tara arti apa-apa, tapi kita ini butul Yesus Kristus pe utusan. Kalu utusan-utusan yang orang bilang kata, dorang itu hebat, dorang tara lebe hebat dari kita.

2 Korintus 2:12

Waktu kita sampe di kota Troas untuk kase tau Kabar Bae tentang Yesus Kristus, kita lia Tuhan so buka jalang pa kita di sana untuk kase tau Kabar Bae itu,

2 Korintus 4:5

Yang torang dua kase tau pa orang-orang, bukang tentang torang pe diri sandiri, tapi torang kase tau tentang Yesus Kristus, Dia itu suda Tuhan, yang pimpin pa torang! Deng torang bawa tong pe diri ini sama deng Tuhan pe orang karja untuk layani pa ngoni, iko Yesus Kristus pe mau.

Galatia 1:1

Surat ini dari kita Paulus. Kita ini Yesus Kristus pe utusan yang orang sebut rasul. Kita jadi rasul, bukang karna manusia yang suru, atau karna manusia yang pili pa kita, tapi Yesus Kristus deng Tuhan Allah yang pili pa kita. Tuhan Allah itu suda torang pe Bapa, yang kase hidup ulang pa Yesus Kristus waktu Dia mati.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

Efesus 1:13

Kong ngoni orang-orang yang bukang Yahudi, skarang ngoni me so dengar ajaran yang butul kong so jadi percaya pa Yesus Kristus. Ajaran yang butul itu, Kabar Bae tentang Yesus Kristus yang so kase slamat pa ngoni dari dosa-dosa. Kong waktu ngoni percaya pa Yesus Kristus, Tuhan Allah kase Roh Kudus pa ngoni supaya jadi tanda ngoni itu so jadi Tuhan Allah punya. Roh Kudus itu suda yang Tuhan Allah so janji dari dulu.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Filipi 1:1

Sudara-sudara yang so jadi Tuhan Allah pe umat di kota Filipi, deng ngoni yang pimpin jemaat, deng diaken-diaken. Salam dari kita Paulus deng Timotius. Torang dua ini yang jaga biking apa yang Kristus Yesus suru.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Kolose 1:1

Surat ini dari kita Paulus. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau. Surat ini me dari torang pe sudara Timotius yang sama-sama percaya pa Kristus Yesus.

Kolose 1:25

Tuhan Allah pili pa kita untuk biking apa yang Dia suru untuk layani Dia pe jemaat. Dia kase tugas pa kita la kase tau samua Dia pe firman pa ngoni orang-orang bukang Yahudi.

1 Tesalonika 2:2

Ngoni me tau, waktu torang bolong datang pa ngoni, torang dapa siksa deng dapa hina di kota Filipi. Tapi biar ada orang yang tantang Kabar Bae itu, Tuhan Allah tetap tolong pa torang sampe torang me barani kase tau Kabar Bae dari Tuhan Allah pa ngoni.

1 Tesalonika 2:8

Torang sayang skali pa ngoni. Jadi torang bukang cuma sanang kase tau pa ngoni Kabar Bae dari Tuhan Allah, tapi torang lagi serakan tong pe hidup untuk ngoni, karna torang memang sayang skali pa ngoni.

1 Tesalonika 2:9

Sudara-sudara, ngoni pasti masi inga, waktu torang deng ngoni, torang mancari siang malam supaya torang bole tanggung tong pe hidup sandiri. Deng bagitu, torang pe hidup tara baharap pa sapa-sapa waktu torang kase tau pa ngoni Kabar Bae dari Tuhan Allah.

1 Timotius 1:1

Timotius, salam dari kita Paulus, Kristus Yesus pe utusan yang orang sebut rasul. Kita jadi rasul, itu karna iko Tuhan Allah deng Kristus Yesus pe parenta. Tuhan Allah itu yang kase slamat pa torang, deng Kristus Yesus itu yang jadi torang pe harapan.

1 Timotius 2:7

Untuk kase tau pa orang-orang Kabar Bae itu, Tuhan Allah pili pa kita jadi Dia pe utusan yang orang sebut rasul. Dia suru pa kita pigi kase tau deng kase ajar pa orang-orang yang bukang Yahudi, supaya dorang percaya pa Yesus deng iko ajaran yang butul. Samua yang kita bilang ini butul, kita tara bafoya.

2 Timotius 1:11

Tuhan Allah pili pa kita jadi rasul, la kita kase tau Kabar Bae itu pa orang-orang, deng kita kase ajar pa dorang la percaya pa Tuhan Yesus.

Titus 1:1

Titus, salam dari kita Paulus. Kita ini jaga biking apa yang Tuhan Allah suru deng kita ini Yesus Kristus pe utusan yang orang sebut rasul. Kita jadi Dia pe rasul itu supaya kita kase tau Tuhan pe Kabar Bae pa orang-orang yang Dia so pili la dorang dapa slamat. Kita dapa tugas kase kuat dorang pe percaya deng kase tau pa dorang ajaran yang butul. Ajaran itu yang mo tolong pa dorang supaya dorang bisa hidup iko Tuhan Allah pe mau.

Ibrani 5:4

Tara ada satu orang yang bole angka dia pe diri sandiri jadi imam basar. Orang bisa jadi imam basar, cuma kalu Tuhan Allah pili pa dia, sama deng yang jadi pa Harun dulu.

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.

1 Petrus 4:17

Barang, skarang so dekat dia pe waktu untuk Tuhan Allah mo adili pa samua orang, kong yang kakamuka Dia mo adili itu Dia pe umat sandiri. Jadi kalu Tuhan Allah mo adili pa torang kamuka, bagimana nanti yang mo jadi deng orang-orang yang tara percaya Kabar Bae dari Tuhan Allah?

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Yudas 1:1

Sudara-sudara, ngoni yang Tuhan Allah torang pe Bapa so pangge untuk iko pa Dia, yang Dia sayang, deng yang Dia salalu jaga sampe Yesus Kristus datang ulang. Salam dari kita Yudas. Kita ini Yakobus pe sudara, deng kita me yang jaga biking apa yang Yesus Kristus suru.

Wahyu 1:1

Kitab ini pe isi tentang apa yang Tuhan Allah kase tunju pa Yesus Kristus, turus Yesus Kristus kase tunju pa orang-orang yang jaga biking apa yang Dia suru supaya dorang bole tau apa yang so tara lama lagi mo jadi. Kong Yesus Kristus suru Dia pe malaekat kase tunju itu samua pa kita.

Wahyu 22:6

Abis lia itu, malaekat itu bilang pa kita, “Samua yang kita so kase tau pa ngana ini butul deng pasti mo jadi. Dulu, Tuhan Allah pake Dia pe Roh Kudus untuk kase tau Dia pe pasáng pa nabi-nabi. Tapi skarang, Dia so utus Dia pe malaekat untuk kase tau tentang samua hal yang so tara lama pasti mo jadi, kong kase tau itu pa orang-orang yang jaga biking apa yang Tuhan Allah suru.”

Wahyu 22:9

Tapi dia togor pa kita, dia bilang, “Jangan! Jang ngana semba pa kita! Yang ngana musti semba cuma Tuhan Allah! Kita ini sama saja deng ngana, sama deng ngana pe sudara-sudara laeng yang percaya, sama lagi deng nabi-nabi, deng orang laeng yang salalu iko apa yang tatulis di kitab ini. Torang samua ini cuma orang yang jaga biking apa yang Tuhan suru.”