Matius 9:36 - Perjanjian Baru Bahasa Melayu Maluku Utara

³⁶ Waktu Yesus lia pa orang banya itu, Dia rasa kasiang pa dorang. Barang, dorang pe susa banya deng dorang ilang smangat, sama deng domba yang tarada gembala untuk jaga pa dorang.

Matius 9:36 ပူးပေါင်းရင်းမြစ်များ

Matius 10:6

Tapi ngoni pigi suda pa torang pe sudara orang-orang Israel, barang dorang so tara iko lagi pa Tuhan Allah, sama deng domba yang ilang jalang.

Matius 14:14

Waktu Yesus turung dari parau, Dia lia orang banya itu, kong Dia rasa kasiang pa dorang. Turus Dia kase sembu pa orang-orang yang saki.

Matius 15:24

Kong Yesus bilang, “Tuhan Allah cuma utus pa Kita untuk tolong pa torang pe bangsa Israel yang so sala jalang, sama deng domba-domba yang so ilang jalang.”

Matius 15:32

Turus, Yesus pangge Dia pe murit-murit kong bilang bagini, “Kita rasa kasiang pa orang banya ini. So tiga hari dorang ada deng Kita, kong dong pe makanang so tarada. Kita tara mau suru dorang pulang deng puru kosong, kage kong dong smaput di jalang.”

Markus 6:34

Waktu Yesus turung dari parau, Dia lia pe banya skali orang ada tunggu pa Dia di situ. Dia rasa kasiang skali pa dorang, barang dorang sama deng domba yang tara gembala untuk jaga pa dorang. Di situ, Yesus mulai mangajar pa dorang tentang banya hal.

Markus 8:2

“Kita rasa kasiang pa orang banya ini. So tiga hari dorang ada deng Kita, kong dong pe makanang so tarada.

Ibrani 4:15

Barang, Yesus Kristus torang pe Imam Basar itu, Dia mangarti skali torang manusia ini tara kuat kong gampang tagoda biking barang jahat. Karna waktu Dia di dunia, Dia me perna dapa goda macam-macam sama deng torang, cuma Dia tara perna tagoda sampe biking dosa.

Ibrani 5:2

Imam basar itu cuma manusia biasa saja, yang bisa saja tagoda biking dosa, jadi dia musti sabar untuk layani pa orang-orang yang bolong tau banya tentang Tuhan Allah pe mau, deng pa orang-orang yang jaga biking dosa.