Matius 9:33 - Perjanjian Baru Bahasa Melayu Maluku Utara

³³ Yesus user setang yang ada di orang mou itu, kong dia langsung bisa bicara. Orang-orang yang bakumpul di situ herang skali kong baku bilang, “Bolong perna torang lia kejadian yang sama deng ini di Israel!”

Matius 9:33 ပူးပေါင်းရင်းမြစ်များ

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Matius 9:32

Waktu dua orang buta yang so sembu itu kaluar, kage lagi ada yang bawa pa Yesus orang mou satu yang kemasukan.

Markus 2:12

Turus orang lumpu itu bangun, dia langsung angka dia pe tikar kong bajalang kaluar iko orang banya pe muka. Samua orang herang, kong dorang puji deng hormat pa Tuhan Allah deng bilang bagini, “Bukang maeng, bolong perna torang lia yang bagini.”

Lukas 11:14

Satu kali, ada orang yang jadi mou gara-gara dia ada kemasukan setang, kong Yesus user setang dari orang itu pe badan. Waktu Yesus so user setang itu kaluar, orang yang mou itu mulai bisa bicara. Kong banya orang yang bakumpul di situ dong herang skali.

Lukas 7:9

Pe dengar komandan pe bicara yang dorang kase sampe itu, Yesus jadi herang skali karna komandan itu pe percaya kuat. Turus Yesus babale mangada pa orang banya yang iko pa Dia kong bilang bagini, “Dengar bae-bae yang kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!”