Matius 9:3 - Perjanjian Baru Bahasa Melayu Maluku Utara

³ Di situ me ada babarapa guru agama yang ahli lima kitab Musa. Pe dengar Yesus bilang bagitu, dorang langsung bicara dalam hati bagini, “Orang ini so biking diri sama deng Tuhan Allah.”

Matius 9:3 ပူးပေါင်းရင်းမြစ်များ

Matius 26:65

Pe dengar Yesus bilang bagitu, imam basar itu mara skali sampe dia robe dia pe juba kong bilang bagini, “Ce, orang ini so biking diri sama deng Tuhan Allah! Jadi, torang so tara perlu cari saksi lagi! Ngoni sandiri so dengar, to?

Matius 7:29

karna Dia mangajar pa dorang deng kuasa, tara sama deng dorang pe guru-guru agama Yahudi yang ahli lima kitab Musa.

Markus 14:64

Jadi, torang so tara perlu cari saksi lagi! Ngoni sandiri so dengar, to? Skarang menurut ngoni bagimana?” Turus samua yang ada di Mahkama Agama itu setuju, Yesus musti dapa hukuman mati.

Markus 3:28

Ngoni dengar bae-bae e, samua dosa yang orang biking masi bole dapa ampun, bagitu lagi yang hina pa manusia bole dapa ampun.

Markus 3:29

Tapi kalu orang hina pa Roh Kudus, dia tara akan dapa ampun sampe slama-lamanya, karna dia biking dosa yang tara bisa mo dapa ampun.”

Markus 7:21

Karna, dari manusia pe dalam hati, timbul samua yang jahat: pikiran yang jahat, baseks sabarang, bapancuri, bunu orang,

Lukas 5:21

Pe dengar Yesus bilang bagitu, guru-guru agama Yahudi yang ahli lima kitab Musa deng orang-orang Yahudi dari aliran Farisi bicara dalam hati bagini, “Dia ini sapa kong, sampe Dia biking diri sama deng Tuhan Allah? Barang, tarada orang yang bisa kase ampun orang pe dosa, yang bisa cuma Tuhan Allah.”