Matius 9:28 - Perjanjian Baru Bahasa Melayu Maluku Utara

²⁸ Waktu Yesus maso di ruma satu, dua orang buta itu datang pa Dia. Kong Yesus tanya pa dorang, “Ngoni percaya Kita bole kase sembu pa ngoni?” Dorang jawab, “Iyo Bapa, torang percaya.”

Matius 9:28 ပူးပေါင်းရင်းမြစ်များ

Matius 13:1

Hari itu lagi, Yesus kaluar dari ruma itu kong pigi di talaga Galilea pe pinggir, turus Dia dudu di situ.

Matius 13:36

Abis itu, Yesus kase tinggal orang banya itu kong bale di ruma. Di situ Dia pe murit-murit datang kong bilang, “Guru, coba kase tau pa torang umpama tentang kusu-kusu yang batumbu di gandum pe tenga-tenga itu pe arti.”

Matius 13:58

Kong karna dorang tara percaya pa Yesus, Dia tara biking banya mujizat di situ.

Matius 8:14

Abis itu, Yesus pigi pa Petrus pe ruma. Kong Dia lia Petrus pe mama mantu ada tidor-tidor, barang dia damang.

Matius 8:2

Waktu itu, ada satu orang yang panyake lepra datang pa Dia. Orang itu berlutut pa Yesus kong bilang bagini, “Bapa, kalu Bapa mau, Bapa bole kase sembu pa kita.”

Matius 9:22

Waktu itu, Yesus balia ka balakang, turus Dia lia pa parampuang itu. Kong Dia bilang, “Ibu, tenang suda! Ibu sembu karna ibu percaya pa Kita.” Waktu itu suda, parampuang itu langsung sembu.

Matius 9:27

Abis itu, Yesus pigi dari situ. Kong ada dua orang buta iko-iko pa Dia deng babataria, “Bapa, Raja Daud pe turunan, kasiang pa torang ka!”

Matius 9:29

Turus Yesus taru Dia pe tangan pa dorang pe mata kong bilang, “Jadi suda pa ngoni, iko ngoni pe percaya.”

Yohanes 11:26

Kong tiap orang yang hidup deng yang percaya pa Kita, dia itu tara akan mati slama-lamanya.” Turus Yesus tanya pa Marta, “Marta, ngana percaya yang Kita bilang ini?”

Yohanes 11:40

Yesus bilang, “Kita so bilang pa ngana tadi to? Kalu ngana percaya pa Kita, ngana akan lia Tuhan Allah pe kuasa yang hebat.”

Kisah Para Rasul 14:9

Dia dudu badengar Paulus mangajar. Paulus perhatikan pa dia. Turus Paulus tau dia percaya pa Yesus, jadi dia bole dapa sembu.