Matius 9:22 - Perjanjian Baru Bahasa Melayu Maluku Utara

²² Waktu itu, Yesus balia ka balakang, turus Dia lia pa parampuang itu. Kong Dia bilang, “Ibu, tenang suda! Ibu sembu karna ibu percaya pa Kita.” Waktu itu suda, parampuang itu langsung sembu.

Matius 9:22 ပူးပေါင်းရင်းမြစ်များ

Matius 15:28

Pe dengar itu, Yesus bilang pa dia, “Ibu, ngana butul-butul so percaya, jadi apa yang ngana minta itu, jadi suda.” Waktu itu suda, ibu itu pe ana langsung sembu.

Matius 17:18

Waktu dorang bawa ana itu ka sana pa Yesus, Yesus parenta deng karas pa setang la kaluar dari ana itu. Kong waktu setang itu kaluar, ana itu langsung sembu.

Matius 8:13

Abis itu, Yesus bilang pa komandan itu, “Skarang, bapa pulang suda! Bapa percaya biar Kita cuma bicara dari sini, bapa pe orang karja bole sembu. Jadi skarang bapa pe orang karja so sembu sama deng yang bapa percaya.” Waktu itu suda, komandan itu pe orang karja jadi sembu.

Matius 9:2

Kage bagini, ada babarapa orang bawa orang lumpu satu pa Yesus yang dong ada kase tidor di atas tikar. Waktu Yesus lia apa yang dorang biking itu, Dia tau dorang percaya pa Dia. Jadi Yesus bilang pa orang lumpu itu, “Sudara, ngana sanang suda. Ngana pe dosa so dapa ampun.”

Matius 9:29

Turus Yesus taru Dia pe tangan pa dorang pe mata kong bilang, “Jadi suda pa ngoni, iko ngoni pe percaya.”

Markus 10:52

Pe dengar itu, Yesus bilang pa dia, “Karna ngana so percaya pa kita, ngana sembu. Jadi ngana so bole pigi!” Waktu itu suda, orang buta itu so bisa dapa lia, turus dia iko sama-sama deng Yesus.

Markus 5:34

Kong Yesus bilang pa parampuang itu, “Ibu, skarang ibu so sembu karna ibu percaya pa Kita. Pulang suda deng hati tenang, ibu memang so butul-butul sembu.”

Lukas 17:19

Turus Yesus bilang pa orang itu, “Badiri, kong pigi suda. Ngana so sembu karna ngana percaya pa Kita.”

Lukas 18:42

Turus Yesus bilang, “Sembu suda ngana! Ngana so bisa dapa lia karna ngana percaya pa Kita.”

Lukas 7:50

Tapi Yesus bilang pa parampuang itu, “Ngana so slamat karna ngana percaya pa Kita. Jadi pulang suda deng hati tenang!”

Lukas 8:48

Kong Yesus bilang pa parampuang itu, “Ibu, skarang ibu so sembu karna percaya pa Kita. Pulang suda deng hati tenang.”

Yohanes 4:53

Kong di situ, pegawai itu dapa inga, pas di jam bagitu Yesus sementara bilang pa dia, “Ngana pe ana so sembu.” Kong pegawai itu deng samua dia pe keluarga jadi percaya pa Yesus.

Kisah Para Rasul 14:9

Dia dudu badengar Paulus mangajar. Paulus perhatikan pa dia. Turus Paulus tau dia percaya pa Yesus, jadi dia bole dapa sembu.

Kisah Para Rasul 16:18

Parampuang itu jaga biking bagitu turus babarapa hari sampe Paulus me pastiu. Karna itu, Paulus babale kong bilang pa setang yang ada pa parampuang itu, “Woe setang! Deng Yesus Kristus pe kuasa, kita suru ngana kaluar dari dia.” Waktu itu suda setang itu langsung kaluar dari parampuang itu.

Ibrani 4:2

Barang, torang me so dengar kabar yang bae tentang bisa baistrahat sama-sama deng Tuhan Allah, sama deng torang pe orang tua dulu-dulu so dengar. Tapi kabar yang torang pe orang tua dulu-dulu dengar itu tara ada guna, barang dorang tara percaya butul-butul.