Matius 9:2 - Perjanjian Baru Bahasa Melayu Maluku Utara

² Kage bagini, ada babarapa orang bawa orang lumpu satu pa Yesus yang dong ada kase tidor di atas tikar. Waktu Yesus lia apa yang dorang biking itu, Dia tau dorang percaya pa Dia. Jadi Yesus bilang pa orang lumpu itu, “Sudara, ngana sanang suda. Ngana pe dosa so dapa ampun.”

Matius 9:2 ပူးပေါင်းရင်းမြစ်များ

Matius 14:27

Tapi Yesus langsung bilang pa dorang, “Tenang, jang tako! Ini Kita!”

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Matius 6:12

Deng kase ampun torang pe sala, sama deng torang me kase ampun orang yang sala pa torang.

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Matius 8:16

Waktu so mo malam, ada yang datang bawa orang-orang yang kemasukan setang pa Yesus, turus Dia user setang-setang itu cuma deng satu parenta. Yesus me kase sembu samua orang yang saki.

Matius 9:22

Waktu itu, Yesus balia ka balakang, turus Dia lia pa parampuang itu. Kong Dia bilang, “Ibu, tenang suda! Ibu sembu karna ibu percaya pa Kita.” Waktu itu suda, parampuang itu langsung sembu.

Matius 9:5

Waktu Kita bilang pa orang lumpu ini, ‘Ngana pe dosa so dapa ampun’, ngoni ragu kalu orang itu pe dosa so dapa ampun. Tapi kalu Kita bilang, ‘Bangun kong bajalang suda’, ngoni bisa tau Kita ada kuasa karna nanti ngoni lia dia bajalang.

Matius 9:6

Jadi skarang Kita mo kase sembu pa dia, supaya ngoni tau, di dunia ini Anak Manusia yang dari sorga ada kuasa lagi untuk kase ampun orang pe dosa.” Turus Yesus bilang pa orang yang lumpu itu, “Bangun suda, angka ngana pe tikar, kong pulang suda pa ngana pe ruma!”

Markus 1:32

Waktu so mo malam, ada yang datang bawa samua orang yang saki deng yang kemasukan setang pa Yesus,

Markus 10:49

Kong Yesus berenti, turus Dia bilang bagini, “Pangge pa dia kamari!” Kong dorang bilang pa orang buta itu, “Smangat e, ngana badiri suda, Yesus ada pangge pa ngana.”

Markus 5:34

Kong Yesus bilang pa parampuang itu, “Ibu, skarang ibu so sembu karna ibu percaya pa Kita. Pulang suda deng hati tenang, ibu memang so butul-butul sembu.”

Markus 6:50

karna dorang tako skali. Tapi Yesus langsung bilang pa dorang bagini, “Tenang, jang tako, ini Kita!”

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Yohanes 2:25

Kong tara perlu lagi orang kase tau pa Dia tentang manusia, karna Dia tau manusia pe dalam hati.

Yohanes 21:5

Turus Yesus bilang pa dorang, “Woe, tamang-tamang! Ngoni dapa ikang ka tarada?” Dorang jawab, “Tarada.”

Kisah Para Rasul 14:9

Dia dudu badengar Paulus mangajar. Paulus perhatikan pa dia. Turus Paulus tau dia percaya pa Yesus, jadi dia bole dapa sembu.

Kisah Para Rasul 19:12

Biar cuma lengso atau kaeng yang Paulus perna pake kong orang taru pa orang-orang saki, orang-orang itu langsung bae. Bagitu lagi, kalu lengso itu dong taru pa orang-orang yang ada kemasukan setang, setang itu langsung kaluar.

Kisah Para Rasul 23:11

Dia pe beso malam, Tuhan Yesus datang badiri pa Paulus pe pinggir kong bilang, “Paulus, kase kuat ngana pe hati. Ngana so kase tau tentang Kita pa orang-orang di kota Yerusalem ini. Jadi, di kota Roma me, ngana musti pi kase tau bagitu lagi tentang Kita.”

Roma 5:11

Deng torang sanang bukang cuma karna dapa slamat saja, tapi torang sanang karna torang ada hubungan bae deng Tuhan Allah. Torang pe hubungan deng Tuhan Allah so jadi bae ulang karna Yesus Kristus torang pe Tuhan.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”