Matius 9:17 - Perjanjian Baru Bahasa Melayu Maluku Utara

¹⁷ Bagitu lagi, tarada orang yang isi anggur baru di tampa anggur yang so tua. Karna kalu tampa anggur yang dari binatang pe kuli itu so tua, dia pe kuli so jadi karas. Jadi, kalu orang isi anggur baru di tampa anggur yang so tua kong anggur yang baru itu nae, anggur baru itu akan kase pica tampa anggur lama, kong anggur itu me iko tabuang. Karna itu, orang pasti isi anggur yang baru di tampa anggur yang baru lagi, supaya anggur itu deng dia pe tampa tahang lama.”

Matius 9:17 ပူးပေါင်းရင်းမြစ်များ

Matius 9:16

Bagitu lagi, tarada satu orang yang tampal kaeng baru pa dia pe baju yang so tua. Karna kalu mo cuci baju itu, kaeng baru yang kase tampal itu mo takondor kong baju tua itu tarobe lebe basar lagi.

Matius 9:18

Waktu Yesus sementara bicara deng Yohanes Pembaptis pe murit-murit, ada satu orang datang pa Yesus. Dia itu kapala di satu ruma ibada agama Yahudi. Orang itu berlutut pa Yesus kong bilang bagini, “Guru, kita pe ana parampuang, baru saja mati. Tapi tolong Guru datang, kong taru Guru pe tangan pa dia, la dia hidup ulang.”

Markus 2:22

Bagitu lagi, tarada orang yang isi anggur baru di tampa anggur yang so tua. Karna kalu tampa anggur yang dari binatang pe kuli itu so tua, dia pe kuli so jadi karas. Jadi, kalu orang isi anggur baru di tampa anggur yang so tua, kong anggur baru itu nae, anggur baru itu akan kase pica tampa anggur lama, kong anggur itu me iko tabuang. Jadi, anggur yang baru musti simpang di tampa anggur yang baru lagi.”

Lukas 5:37

Bagitu lagi, tarada orang yang isi anggur baru di tampa anggur yang so tua. Karna kalu tampa anggur yang dari binatang pe kuli itu so tua, dia pe kuli so jadi karas. Jadi, kalu orang isi anggur baru di tampa anggur yang so tua, kong anggur baru itu nae, anggur baru itu akan kase pica tampa anggur lama, kong anggur itu me iko tabuang.

Lukas 5:38

Jadi, anggur baru musti simpang di tampa yang baru lagi.