Matius 9:11 - Perjanjian Baru Bahasa Melayu Maluku Utara

¹¹ Di situ me ada orang-orang agama Yahudi dari aliran fanatik yang pe nama Farisi. Waktu dorang lia Yesus makang sama-sama deng orang-orang yang orang anggap berdosa itu, dorang bilang pa Yesus pe murit-murit, “Cis, bikiapa kong ngoni pe Guru makang sama-sama deng tukang-tukang tagi pajak deng orang-orang berdosa yang laeng?”

Matius 9:11 ပူးပေါင်းရင်းမြစ်များ

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Matius 5:46

Kalu ngoni cuma sayang pa orang yang sayang pa ngoni, apa yang ngoni mo dapa? Jang ngoni baharap Tuhan Allah mo kase apa-apa pa ngoni. Tukang tagi pajak yang paling berdosa me sayang pa orang yang sayang pa dorang.

Matius 9:10

Abis itu, Yesus deng Dia pe murit-murit pigi makang di Matius pe ruma. Di situ me ada banya tukang tagi pajak deng orang laeng yang orang anggap dong itu orang-orang berdosa. Dorang dudu makang sama-sama deng Yesus deng Dia pe murit-murit.

Markus 2:16

Waktu itu me, ada guru-guru agama Yahudi yang ahli lima kitab Musa, kong dorang itu lagi dari aliran fanatik yang pe nama Farisi. Dorang dapa lia Yesus ada makang sama-sama deng tukang-tukang tagi pajak deng orang-orang laeng yang dorang anggap berdosa itu. Kong dorang bilang pa Yesus pe murit-murit, “Cis, bikiapa kong Dia makang sama-sama deng tukang-tukang tagi pajak deng orang-orang berdosa yang laeng?”

Lukas 19:7

Waktu samua orang lia itu, dorang mulai bafeto, dorang bilang, “Cis, Yesus itu pigi batamu di orang berdosa pe ruma tu!”

Lukas 5:30

Di situ me ada orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus makang sama-sama deng orang-orang yang dapa anggap berdosa itu, dorang mara-mara, kong bilang pa Yesus pe murit-murit itu, “Cis, bikiapa kong ngoni deng ngoni pe Guru makang minum sama-sama deng tukang-tukang tagi pajak deng orang-orang berdosa yang laeng?”

Kisah Para Rasul 11:3

Dorang bilang pa Petrus, “Petrus, bikiapa kong ngana pigi di orang-orang bukang Yahudi pe ruma? Ngana me makang sama-sama deng dorang lagi!”

Galatia 2:15

Kita deng Petrus so memang orang Yahudi dari lahir. Torang tara sama deng orang yang bukang Yahudi. Orang yang bukang Yahudi, dorang itu tara iko aturan di lima kitab Musa, jadi orang Yahudi anggap dorang orang berdosa.

Ibrani 5:2

Imam basar itu cuma manusia biasa saja, yang bisa saja tagoda biking dosa, jadi dia musti sabar untuk layani pa orang-orang yang bolong tau banya tentang Tuhan Allah pe mau, deng pa orang-orang yang jaga biking dosa.

2 Yohanes 1:10

Jadi kalu ada orang datang kase tau pa ngoni ajaran yang tara sama deng Yesus Kristus pe ajaran, jang ngoni tarima pa dia di ngoni pe ruma deng jang kase salam pa dia.