Matius 9:1 - Perjanjian Baru Bahasa Melayu Maluku Utara

¹ Abis itu, Yesus deng Dia pe murit-murit nae di parau kong bale lagi di sabla talaga, di kota yang Dia tinggal.

Matius 9:1 ပူးပေါင်းရင်းမြစ်များ

Matius 4:13

Dari Nazaret, Dia pigi lagi kong tinggal di kota Kapernaum yang ada di pinggir talaga Galilea, di suku Zebulon deng suku Naftali pe daera.

Matius 7:6

Jang ngoni kase Tuhan pe firman pa orang yang tara mau tarima. Barang, itu sama deng ngoni buang apa yang kudus di anjing kong anjing itu cuma bale gigi pa ngoni, atau sama deng ngoni buang mutiara yang mahal ka sana di babi kong babi itu cuma injang-injang mutiara itu.”

Matius 8:18

Waktu Yesus lia ada banya orang kuliling pa Dia, Dia suru pa Dia pe murit-murit kase sadia parau la dorang ka sana di sabla talaga.

Matius 8:23

Abis itu, Yesus nae di parau, kong Dia pe murit-murit iko pa Dia, turus dorang balayar.

Markus 5:21

Abis itu, Yesus deng Dia pe murit-murit nae di parau kong bale ulang di talaga Galilea pe sabla. Pe sampe di pinggir talaga itu, banya orang datang bakumpul kong kuliling pa Yesus.

Lukas 8:37

Kong samua orang di daera Gerasa bamohon pa Yesus supaya Dia kase tinggal dorang pe daera karna dorang samua so tako skali. Karna itu Yesus nae di parau kong balayar ulang.

Lukas 8:40

Waktu Yesus bale dari sabla talaga, orang banya sambut pa Dia deng rasa sanang, karna dong samua ada tunggu-tunggu pa Dia.

Wahyu 22:11

Orang yang biking jahat, kase biar dong biking jahat. Orang yang berdosa, kase biar dong biking dosa. Orang yang hidup butul, biar dong hidup butul turus pa Tuhan Allah pe muka. Orang yang hidup bersi pa Tuhan Allah pe muka, biar dong hidup bersi turus!”