Matius 8:9 - Perjanjian Baru Bahasa Melayu Maluku Utara

⁹ Barang, kita tau Bapa bole parenta orang la jadi sembu, sama deng torang tentara me bole parenta orang. Kita ada kita pe atasan, deng kita me ada kita pe ana bua yang dengar pa kita. Kalu kita parenta kita pe ana bua, ‘Pigi!’, pasti dia pigi. Kalu kita parenta pa kita pe ana bua yang laeng, ‘Datang!’ pasti dia datang. Deng kalu kita parenta pa kita pe orang karja yang laeng, ‘Biking ini!’ pasti dia biking apa yang kita parenta itu.”

Matius 8:9 ပူးပေါင်းရင်းမြစ်များ

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Matius 8:8

Tapi komandan itu bilang pa Yesus, “Bapa, Bapa tara usa datang pa kita pe ruma, karna kita tara pantas tarima pa Bapa di kita pe ruma. Asal Bapa bilang satu kata saja dari sini, pasti kita pe orang karja itu akan sembu.

Markus 1:27

Samua orang yang ada di situ jadi herang, sampe dorang baku bilang, “Ee, coba ngoni perhatikan bae-bae! Ini ajaran baru! Dia bicara deng kuasa, sampe setang-setang me iko Dia pe parenta.”

Lukas 4:39

Turus, Yesus pigi pa Simon pe mama mantu kong badiri pa dia pe pinggir, kong Dia user damang itu. Waktu itu suda, Simon pe mama mantu langsung sembu kong dia bangun, turus layani dorang makang.

Lukas 7:8

Barang, kita tau Bapa bole parenta orang la jadi sembu, sama deng torang tentara me bole parenta orang. Kita ada kita pe atasan, deng kita me ada kita pe ana bua yang dengar pa kita. Kalu kita parenta kita pe ana bua, ‘Pigi!’ pasti dia pigi. Kalu kita parenta kita pe ana bua yang laeng, ‘Datang!’ pasti dia datang. Deng kalu kita parenta pa kita pe orang karja yang laeng, ‘Biking ini!’ pasti dia biking apa yang kita parenta itu.”

Lukas 9:1

Yesus pangge Dia pe murit dua blas orang, kong Dia kase kekuatan deng kuasa pa dorang untuk user setang-setang deng untuk kase sembu orang yang panyake macam-macam.

Kolose 3:22

Bagitu lagi deng ngoni orang-orang karja yang ngoni pe tuang so bili, ngoni musti dengar-dengaran pa ngoni pe tuang di dunia ini dalam sagala hal. Jang ngoni dengar-dengaran pa ngoni pe tuang cuma untuk cari muka pa dia. Tapi ngoni bakarja deng sunggu-sunggu karna ngoni tako pa Tuhan.

Titus 2:9

Ngana me musti kase ajar pa orang-orang karja supaya dorang salalu dengar-dengaran pa dong pe tuang, jang malawang pa dong pe tuang tapi dong musti salalu biking sanang dong pe tuang pe hati.